Ramtuk thla (February) 2018, Issue No 8

PAGE - 1

TUALCHHUNG :

Damlo :  Pu Laldailova, Saichhuma Sec. a mi chu taksa lam chak tawk lohna avangin BN Hospital-ah Admit niin enkawl mek a ni.

Nâu nei thar :  Pu Rosangliana leh Pi Lalliantluangi te nupa, Vawmphunga Sec. a mite chuan Feb. ni 16, 2018 khan an fahmingkoh atan State Referral Hospital, Falkawnah fapa duhawm tak an nei thar.
##    Pu Vanlalchhunga leh Pi Lalthankimi te nupa Kapdaia Sec. te chuan Feb. ni 19, 2018 khan naute mipa duhawm tak State Referral Hospital, Falkawnah an nei thar.

##    Pu Vanlalhruaia leh Pi Vanlalliani, Kapdaia Sec. a mite nupa chuan Feb. ni 19, 2018 khan an fa pahnihna atan fanu duhawm tak an nei thar.

MUP Conference :  Feb. ni 22, 2018 (Ningani) khan MUP Hlimen Unit-te chuan Tlangnuam Vengtharah Conference hmangin, member 20 an kal. MUP Hlimen Unit te hi Aizawl South-III Area ah awm in an Area ah hian Unit 9 an awm mek a ni. Conference hi Gen. Headquarter a\angin President RK Thanga leh Gen. Secy. David Dosailova ten an hmanpui a ni.

Khawn mek :     YMA Membership Fee leh Chhiatni Fund chu khawn mek zel a ni a, Membership Fee hi Feb. thla chhunga khawn zawh tur a ni a, Chhiatni Fund hi March thla chhunga khawn zawh tur a ruahman a ni a, huntiam ral hma a lo pe thei turin chhungtinte lo inring lawk turin kan in ngen nawn leh e.

MPF Programme :  Aizawl South III Constituency Forum buatsaihin Feb. ni 24, 2018 khan Hlimen Presbyterian Kohhran Hall-ah Seminar buatsaih a ni a. He thu buatsaih lai hian chanchin kimchang hriat hman a ni lo.

Lam zir ngawrh : Chapchar Kut a kan entir tur  hnamlam chu YMA hall-ah zanlamah lam zir \hin a ni a, a hun a hnai tawh a, rokhawlhna a awm a nih loh chuan a zir tawhsa chuan lam zir hi \hulh lo turin ngen kan ni a. Tin, lam zir thawm a nat deuh chang pawhin a bul  hnai a awm ten kan hrethiam hram hram dawn nia.

HEADLINE :

RAM  LEH  HNAM  HUMHALH
            Vanlalruata, President, Central YMA  
    YMA kumpuan Ram leh Hnam Humhalh hi kum 1998 atangin kan lo hmang \an tawh a.  A hlawhtlin leh zual nan a hnuaia mi ang hian hmalak chhunzawm nise.
1. Zu leh Ruihhlo Do chungchang: Zu leh ruihhlo  avanga nunna chan tam tawh zia sawi rik fo hi a ninawmin  kan hlawhchham zia a lang a, tunhnaiah mitthi an tam chhoh viau laiin piang erawh an tam em em kan hre bawk si lova, chuvangin sawi lan fo pawh a zahthlak zawkin  a hriat. Ruihhlo hi kan do lo a ni lova,  a man pawh kan man hnem  na rawh e, mahse a rem zel chu sawi loh a pung tual tual a, kum naupang zawk \halai ruihhlo ti thar an pun belh zel zawk niin a lang, a mangan thlak tak zet a ni. Kumin chu tih tak zetin Ruihhlo do beihpui i thlak ang u. Kan ti rem vek thei lo a nih pawhin 80% tal hi chu kan ti rem tur a ni. Tin, Zu pawh a theih chin chinah na takin kan dovin, a that loh zia uar takin kan zirtir tur a ni ang.  MLPC dan kan hman mek zirchiangtu tur Sorkarin a dinte  zirchianna hriat a nghah hlelhawm hle mai bawk. Zu leh ruihhlo do hi Central YMA/SRS leh Thuneitute kutah chauh kan dah chuan kan tu leh faten min la rawn dem lutuk palh ang e. 

2. Ramdang leh Hnamdangte in luahtir loh tura chak taka hmalak chungchang: Kan ram khawpui ber Aizawl Sipai Lammual ah  Sakhaw pakhat be pungkhawm tam \hin zia leh an zavai hian man chawiin Hotel ah chuan an thlen a rinawm si lova. Vai ho phei chuan kawng hrang hrangin Mizote hi an thunhnuaiah min dah a, an hlawh thlengin an in chhiar dan danin  pe lo thei lo dinhmunah min dah ta anih ber hi maw.  Kan Mizopui ngei chauh in luah tir tura tun aia tan kan lak uar deuh a \ul hle mai a. In luah tur ber an hmuh loh chuan ramdang leh hnamdang mite hi kan ram ah an awm rei thei hauh lovang le.

3. Sumdawnna chungchang : Kan ramah hian hnamdang non-tribal ten sumdawnna dan  kan neih loh chu sawi loh a lo lut tur ringawt pawhin ILP nung neih  a ngai chungin kan ramah hian ramdang leh hnamdang sumdawng an tam ve ta hle mai a, Sumdawnna in a ram leilung fate a chimral nasatna ram in min hual deuh vek a \an lak a \ul khawp mai. Tunah phei chuan GST khawvelah kan lut tawh a, theihtawp kan chhuah a \ul ta hle a ni. Kan mamawh huna thisen min petu, thlan min laihsaktu, kan dam loh huna min kan thintu, kan YMA leh khawtlang, Kohhrana thawhlawm thawh thintu ngei duhsakin i chhawr hram hram ang u.

4. Mikhual chamreite chungchang: Tuikuk ten an thiam tawpin a theihna apiangah min hek reng a, Supreme Court a min hek avang ringawt pawh hian Rs. 9.30 lakh chu kan seng ta reng mai, Kum 20 liam hnuah pawh chhuanlam hrang hrang siam a, kawhmawh bawl rengtute hian kan ram roreltu thlannaah hian ram pawn a\angin vote an thlak tawh tur a ni lo, theih tawp chhuahin kan dang zel ang. YMA khawmpui lianin  lungrual taka a lo rel tawh angin dik lo taka din Chakma Autonomous District Council hi \hiah a nih ngei theih nan hma kan la zel dawn bawk a ni.
 -Phek hnihnah chhunzawm a ni...
 

PAGE - 2

EDITORIAL :

HMEL THLAK NGAI
    Min thlahtute kha raldo nei reng an ni a, ram sakawlh tamna rama cheng an ni. Eizawn a harsa a, ram chhengchhia, doral hlau reng renga an khawsakna-ah khan damkhawchhuah kha thil pawimawh ber a ni a, damkhawchhuak tur chuan khawtlang \anho a ngai a, huaisen leh tawrhchhel a ngai a. Inpeizawn a, inhmangaihtawn a, neih in\awma an khawsakho loh chuan damkhawchhuah kha thil har tak a ni. Damkhawchhuak tura an beihna ah chuan nun mawi tia kan sawi; kan chhuan leh kan lamrik chhen TLAWMNGAIHNA hi a lo chhuak ta a ni.
    Kan tunlai hun hi han thlir ta ila, sa kaptu aiin a humhalhtu nih a ropui tawh zawk a, ruang hmuh veleha bawisawm nghal mai lova, police leh mithiam zawkte kuta dahtu pawh mi fing an nih tawh zawk a ni.  fihlim ten fak an hlawh tawh zawk a ni. Chuvangin,  tlawmngaihna kan thlirna mit kan thlak a ngai tawh a, hmanlai anga kalpui tum tlat a fuh tawh lo niin a lang.
    Thel mam eih pawh tum lovin pî pûte huna tlawmngaihna ngai ngai kha kaihthawh leh kan tum a, tarmit hlui vuah chungin mi kan han thlir a; tlawmngai lo, Mizo nun pawh hre lo kan hmu ta \euh a. Tlawmngaihna a chuai ta, zonunmawiin mual a liam ta kan ti mai \hin. Mobile Phone awm tawh hnua love letter kher hmanga nula chhai tumte pawh a a’n theih dawn dawn awm e.
    Zirna lama theihtawp chhuah kawngah te, mi rethei leh \anpui ngai ngaihsak kawngah te, nawhchizuar leh ruihhlo ngaiten nun kawng pangngai an zawh theih nana beihna kawngah te, eiru lova hna rinawm leh taima taka thawhna kawngah te tlawmngaihna hi kan teh a hun ta a ni mai lo maw???  Tuna kan eizawnna, kan khawsakphung leh kan ngaihtuahnate mila tlawmngaihna hi kan hrilhfiah a; kan thlir loh chuan tlawmngai kan hmu lo tial tial ang.

Phekhma chhunzawmna....
5. Ram ngaw leh nungcha humhalh chungchang:     Mizoram hian ram ngaw \ha a nei ta meuh lova, \henkhat sawi danin khawi report  bu ah emaw chauh ram ngaw kan la nei \ha a nih hmel a.   Chutiang bawkin nungcha heng ramsa leh lui a nungcha kan suasam nasat dan hi in enfiah kan ngai, Aizawl mite bawk hi hmanraw nei \ha kan nih avangin a tichhe nasa ber bertu kan ni tlat a,  luhlul chhuah a silai \ha leh hmanraw dangte hmang a diriam taka  ram ngaw leh nungcha suasam chingte hi na takin i zilh \hin ang u.
6. Mizo nun zemawi vawn nun zel chungchang:    Ram leh hnam humhalh kawngah kan hmaih hauh loh tur chu Mizo nun zemawi a bik takin tlawmngaihna vawn nun zel hi a ni.  Pathianin Mizo ah min siam a, Mizo tan lo chuan vawn nun zel theih pawh a ni lo. Duhamna, itsikna leh in rel te kan uar ta lutuk mah mah em aw a tih theih a, awlsam tak a thil \ha neih leh midangte ngaih pawimawh lohna a sang tual tual bawk hi vei tham a tling ta. Sem sem dam dam ei bil thi thi ti \hin, a thlum a al ei za Mizo te khan a va liam teuh tawh em! Hawh u, \henawmte nen a chawhmeh in suah tawn i uar thar leh ang u.    Kan Mizo hnam incheina te, hnam lam te leh kan Kût te hi kan chawisang zel tur a ni a, Mizo \awng humhalh a hman uar a tul hle bawk.  Kan Mizo nun zemawi tak tlawmngaihna kan tih fo zing a heng thlan laih, mitthi lumen, khawhar lenpui, riahpui \hin hi midang kutah dah lovin YMA hruaitu kan nih angin hma hruaitu kan ni \hin tur a ni. Hawihawmna, aia upa zah leh thisen pek te hi inzirtir uar zel ni bawk se. A tawp ber ah chuan YMA hruaitu kan nih chuan kan huaisen a ngai a. YMA hruaitu hna chelh duh tho si hmalakna khirh deuh a awm a chhuanlam siam a  tlanchhe reng bik nih hi a zahthlak khawp mai. Tute emaw dap dawna chhuanlam siam fo bik hruaitu (Safe place leh safe time hre em em hruaitu) hi kan mamawh ber an ni lem lovin ka hria. Edmund Burke chuan Sual punlun chhan chu mi\haten engmah an tih duh loh vang a ni (The only necessery things for the triumps of Evils is a good man to do nothing) a ti tawp mai. Chuvangin YMA leh Mizo mipuiten kan mamawh ber chu hruaitu huaisen a ni, chhuanlam siam duah lova sual leh ruihhlo do a, mipui mamawh hrang hrang heng Gas lo thleng a piang buk chat chat ngam a, ration buhfai leh thil dangte buk  leh teh dik tak mipuiin an dawn ngei theih nan hma la ngam hruaitu huaisen hi a ni kan nghahhlelh em em chu ni. Midangin kan ram hi min siam that sak dawn lova, YMA chak lohna veng/khua  a nuam ngai lo an tih thin angin  Mizoram neitu YMA ten theihtawp i chhuah zel  ang u.
YMA VUL ZEL RAWH SE

Advertisement.......

RALTE ELECTRONIC SALE AND SERVICES      
TV, Washing Machine, Musical Keyboard .Computer..etc Kan siam thei e. Tin,Mobile Phone chhia Kan siam thei a. A chhia Kan lei duh e. COMPUTER leh a kaihhnawin chihrang hran g Kan zuarin Kan siam thei bawk. Bungrua siamtur a zirin Kan pan chilh thei bawk. 
A Hmun : Kulikawn Alpha Hospital Opp.        
(4-2)                             Ph..8575178302/8787351881

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
    VL-a,
(6-6)    Ph.No : 9402344486, 9615266170
 

PAGE - 3

HRIATTIRNA :

Branch Special Committee
    Feb. ni 25, 2018 (Pathianni) zan dar 7:30 (inkhawm ban) hian Branch YMA Special Committee koh a ni a. Branch Commtt. Member ten hei hi kohna a ngaih tur a ni e.

Tender Notice
    Hlimen Retailer -II thawk lai Pu Laltlanmawia chu a boral avangin a hmun ruak hi dil theih a ni a. He hna ruak hi thawk duh tan Dt. 10.3.2018 ral hma ngeiin DCSO(W) Office-ah dilna thehluh tur a ni. Huntiam ral hnuah dilna thehluh theih a ni lovang a, kum tlinglo tan dil theih a ni lo.
    Dilna form hi DCSO(W) Office-ah lak tur a ni a, plain paper a dilna thehluh pawm a ni lovang.
     DCSO , Aizawl West, Aizawl

Lo hal  leh kangmei laka inven
    Khua a lo \halin huan/lo ram hal a lo hun leh dawn ta a, mitin te kan fimkhur tawk loh avang leh meikawng kan siam \hat tawk loh \hin avangin rim taka kan thawhchhuahte leh ram te kan tikang nasa \hin a. Hei hi thil pawi tak a nih avangin a hnuai a tarlan ang hian kangmei laka kan him tlan theih nan kaihhruaina siam a ni e :-
1. Lo/huan hal turte chuan dt. 15.3.2018 hmain hal vek tur a ni.
2. Lo hal tur ten lo hal hmain meikawng \ha taka sial vek tur a ni.
3. Mi tumahin ram tihkan loh tur a ni a, Local Council te hriattir hmasa lovin mahni duh thu a lo hal mai mai loh tur.
4. Ramhnuaiah meizial bung paih leh meichhem/hal mai mai loh tur a ni.
5. Kangmei lakah kan him theih nan kan in leh avelte tifai \hain, awlsam taka kang thei thil (petrol, diesel etc) lakah kan fimkhur tur a ni.
6. Mi tumahin kang hreng loh tur.
    Addl. Deputy Commissioner, Aizawl District

Free Training
    Department of Labour Employment Skill Development & Enterpreneurship, Govt. of Mizoram hnuaiah heng ahnuai a trade hrang hrangte hi a tui mi tan a thlawn vekin a training theih ta e :-
1. Automotive Technician (Free Hostel) - 8119097047,    2½ Months Course
2. Tailoring - 9612585997, 3 Months Course
3. Home Appliances Repair (Free Hostel) - 9774766574,    2  Months Course
4. Mobile Phone Repairing (Free Hostel) -  9774766574,    2 Months Course
5. Hotel Management - 8787757744& 8014163196 - 3 Months Course
    Training leh Hostel fee a thlawn vek a ni. Hrechiang duh leh application form la duh tan : ACCENTPLUS, HRANGTHANGA BUILDING, LOWER CHANMARI, Near Indusin Bank, bazar Road. Contact : 8575302213/9774766574

LAWRKHAWM :

UPHC Report
     Feb. ni 17 - 22, 2018 chhunga UPHC report tlangpui  hetiang hi a ni : OPD- 47 Naupai en zat - 1
Naupiang zat - Nil, Inpatient-Nil, Dressing- 10    Emergency - 5
    Feb. ni 21 & 23, 2018 khan Doctor a training avangin OPD khar a ni.
    Tin, sawrkar chawlh, Sunday leh thlatin a Inrinni vawihnihnaah OPD khar \hin a ni ang. UPHC chung chang leh inentir tur ten hriat duh kan neih chuan Ph No. 8729823319 ah biak theih reng a ni.

Branch YMA lawmthu sawina
    YMA in Quarry tawntirh a kawng a laih mekah YMA bungrua in engmah a daih loh avangin lungverhna atan Tv. Remliana’n a khawl, Pu Thanhhunga’n pully, Pu F.Zosangzuala’n bomb leh pipe, Pu Lalrinmawia’n khawl part leh a tha tam tak, Pu Lalzuala’n cortex., Pu R.Zoliana’n tui te an rawn tum a. Heng mite chungah hian YMA chuan lawmthu a sawi tak meuh meuh a ni.

Lalsavunga park duty tur te
Feb. ni 25, 2018 (Pathianni) :  1. Tv. Lalkhawmawia  2. H.Ralkapthanga  3. Pu Lalremmawia  4. Pu F.Zosangzuala  5. Pu N.Zoliansanga  6. Pu Lalrinchhana  7. Pu Lalhmuchhuaka  8. Pu Lalneihtluanga (Dv)  9. Tv. K. Zosiamliana  10. Tv. Lalhriatpuia (Vp)  11. Tv. MS Dawngliana (Vp) 

Mar ni 4, 2018 (Pathianni) :  1. Pu RC Lalroliana. 2.    Pu R. Lalbiakmawia      3. Pu Vanlalliana         4.    Pu K. Lalremruata  5. Pu Lalnunhlimpuia (DV)  6. Pu Lawmtluanga (DV) 7. Pu H. Zothansiama 8. Nl. Judy H. Lalbiaknungi 9. Nl. Lawmsangkimi.

Lawmthu sawina
    Engtik lai maha Hlimen Vengthar lamin kawng\ha nei thei tur pawha kan inngaih loh laiin Local Council, Congress Unit leh Bialtu MLA te hmalakna azarah Quarry-ah kawng \ha tak mai kan han nei mai tur hi lawmawm kan ti tak zet zet a. Chutih rualin a thawktu (Contractor) ten \ha taka min thawhsak ngei turin kan ngen nghal bawk a ni.
    Tin, Congress Unit ten Quarry-ah ke a kalna tur Footpath \ha tak min siamsak dawn niin kan hria a, an chungah lawmthu kan sawi tak meuh meuh bawk e.

    Sd/- Lalthlengliana    Sd/- Sangzuala
    Secretary    Chairman
Hlimen Vengthar Welfare

Advertisement....

I lo hrisel zawk zan
    Hun leh tha leh Sum tam tak senga Hmunpui lam pan ngai lovin sum tlemte sengin Sawmpuii Drug Store Dam veng ah hengte hi a tih theih e. BP Check, Zunthlum , Blood Group , Malaria, Ran nung seh, Nebuliser, Pulse Oximeter (Kan taksa a Oxygen awm zat enna) Venflon Vuah Inchiu leh Dressing  a tih theih ta e.
(2-1)    Ramlawma, Damveng

Âr |ha mi
    Ar tui tam chi(Vanaraja) ar, keimahni ar tui ngei, khawl hmanga kan awp keu tir, a note chu lei theih in a awm ta e. Artui pawh lei tur kan nei reng a, rawn ngaihven rawh le.
    Ar note     -  pakhat (1) = ` 50
    Artui    -  pali = ` 50 / plate khat(1) = ` 300

        Maziri, Hlimen Vengthlang

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2018  thla Budget  pe tla tawh te:
1.    Kapdaia Sec.    2. Saichhuma Sec.

DAMVEA SECTION
    Damvea Sec. te chuan sum tuak nan Septictank khur laiin zingkar hnatlang an nei \hin a, member thawkchhuak te leh inhlawhna siamsaktu Pu B.Lalbiakmawia Kapdaia Sec. a mi chungah hruaitu ten lawmthu an sawi tak meuh meuh a ni.

BUALA SECTION LAWMTHU
    Buala Section Godown chu sak zawh a ni ta a, bungrua pawh inthiar luh nghal a ni.
    He Godown kan sak hlawhtlin theihna atan hian Pu Lalbiakvela (Adviser) te chhungkua in an va thawhhlawkin, an chungah kan va lawm em. Cubic, Cement leh Balu zawng zawng hi anmahni tum vek a ni a, Tin, a bang tur rangva kan neih bak zawng, thingzai leh a \uldang a piang min tumsak bakah, thingpui tui tak tak min tumsak vek a. Heng bakah hian min awm pui rengin ruahmanna tam tak min siampui a. A chungah hian lawmthu sawi sen loh kan ba a ni. He godown sak hi nihnih chhung sak a ni a, member tlawmngaia hnatlang a rawn thawkchhuak zawng zawmgte chungah Section Committee chuan lawmthu a sawi tak zet zet bawk a ni.
Sd/- Secretary

Kapdaia SECTION
    Pu Sangzuala Kapdaia Sec. a mite chuan an fapa boral ta Tv.Zodingliana hriat reng nan Sec. YMA ah Khuang Stand mawi tak leh rotling tak an rawn pe a, hetianga YMA te min han hlan ta hi Sec. chuan an chhungkaw chungah lawmthu kan sawi tak meuh meuh a ni.
    Kapdaia Sec. huam chhung (Park kawngah) tumahin Bolder leh Rora a chhut tur lungnawi bun loh ni se, a chhan chu Park kawng hi nitin mitam takin an rawn tlawh, veng hmel lanna a nih a vangin thu i awih hram hram ang u, a lo ti mek pawhin tuna kan tih lai bak chu tih loh hram i tum tlang ang u

Advertisement...

Quality Feeds
    Ar vulhtu hlawhtling nih i duh em? Ar \hangduang tak, ar in rimchhe ve lo, ar damdawi dang pek ve ngai lo leh ar note vaccine pek sa, arsa tui bik leh thau chhia pai lo i duh chuan JAPFA leh NYTRIX Archaw te hian Japfa arnote ngei hi han chawm chhin la a \hatna chu i hmuin i hriatthiam ngei ka ring e. Archaw dang man tlawm tak tak leh vawkchaw \ha leh buk tling em em mai kan kawl tel reng bawk e.

    Location : Saikhamakawn., Aizawl
    Adds : H.Lalliantluanga Building Quality Feeds
(4-2)    Ph. 8258075268, 8575651021 Call

MD Septic Tank Servise
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                 Ph.No
(10-7)                          9436199884, 9862476439

Kohhran News
HLIMEN VENGTHAR kohhran
    Hlimen Vengthar Presbyterian Kohhran hi April ni 1, 2001 ah Preaching Station ah dah a ni a, Nov. ni 22, 2002 khan Kohhran puitling a din niin chhungkaw 67 an lawi mek a ni.  Kohhran member 296 awmin chung zinga 148 chu hmeichhhia niin Mipa 148 an  awm a.Tin, tunah hian Kohhran Upa 5-an awm mek a ni.
    Sande Sikul  ah hian hming ziak zawng zawng hi 244 an ni, puitlingah mi 142 in hming ziak in, naupang lamah mi 102 in hming an ziak bawk. Kristian |halai Pawl member hi 81 niin chung zinga 53 chu hmeichhia niin 28 chu mipa an ni.
    Tin, Kohhran hmeichhia member hi 95 an awm a, Kohhran Pavalai Pawl ah hian member 35 an awm mek bawk a ni.

Sport News
Taekwondo
    Mizoram Amature Taekwondo Association (MATA) Award 2016 - 2018 sem zawh takah Hlimen a\angin Nl Lianthangpuii D/o Lalhmangaiha, Kapdaia Sec. CMTC player chuan Best Taekwondoist Award a dawng. Hetiang award ropui a dawng thei hi kan chhuangin kan lawmpui tak zet zet a ni.

Volleyball
    Aizawl South III MLA Cup Volleyball Tournament, Tachhip Volleyball Court a khelhah tarlan tawh angin Hlimen a\angin hmeichhia team 2 leh mipa team 2 an tel a. Hmeichhe team pahnih te hian final an lut ve ve a ni.
    Tin, mipa ‘A’ team ten Final lutin Mipa ‘B’ team te erawh semi final-ah an vanduai ta a ni. Final hi Feb. ni 24, 2018 (Inrinni) hian khelh a ni a, he thu buatsaih lai hian chanchin hriat hman a ni lo.

Advertisement...

ADMISSION NOTICE
    Brighter Higher Secondary School, Kulikawn, Tlangnuam Road-ah 2018 - 2019 Academic Session atan Class IX, X & XII (Arts & Science) admission a hawng leh ta e. 15yrs Anniversary lawm nan March thla chhung admission-ah concession siam a ni.
School Offers :
    * Board Exam top 10 tan Laptop/Scooty
    *  Distinction chin tan ` 7,500

    Contact :     8414956902 (Principal)
(7-3)            9436755455 (Vice Principal)

ADMISSION OPEN FOR 2018 SESSION
    Solomom’s High School Kulikawn Aizawl-ah Class -VIII to X tan Admission hawn mek a ni. Mathematics leh Science subject a harsatna neite duhsak an ni ang. Kan School hi kum 15-na a tlin lawm nan Admission pawh 50% in kan tihniam e. Kum sawmthum chuang Mathematics subject a experience nei tawh ten an zirtirna hmunah hian i fate rawn dah ve rawh le.
1. Admission zat    : ` 600
2. Admission hawn \an ni  : 12.2.2018 (9 Am to 3 Pm)

Contact : 8014442431         Sd/- Principal
(10-3)      9774406688    (Topten Maths Tutor)

Ramtuk thla (February), 2018, Issue No 7

PAGE - 1

TUALCHHUNG :

Damlo :  Pi Lalrinmawii W/o Lalzarliana, Damvea Sec. a mi chu zunthlum leh nerve \ha lo avangin Feb. ni 13, 2018 (Thawhlehni) khan State Referral Hospital, Falkawn-ah Admit niin enkawl mek a ni.

##    Pi Ramthangi Damvea Sec. a mi chu taksa harsatna avangin Doctor te rawn a investigation te tih a nih hnuin inlamah enkawl mek a ni.

##    Feb. ni 15, 2018 khan Lalnunpuia S/o  Pu Zangenga Kapdaia Sec. chu Civil Hospital ah a ril zai a ni.

##    Tv. Lalengkima S/o Lalkamlova (L) Buala Sec. a mi chu chu Feb. ni 15, 2018 khan Greenwood Hospital ah laser hmanga pile khawih a ni.

Check up : Feb. ni 6, 2018  (Thawhlehni)  khan  Tv.  Andrew Lalnunpuia  S/o  JK  Lalengzauva  chu  BM Birla  Hospital,  Kolkata  ah  in  check  up  in  an kal  a,  Feb. ni 12, 2018  khan In  lamah an  lo haw leh niin  thu  kan  dawng.

YMA Hall-ah Lam zir ngawrh : Chapchar Kut a kan entir tur  hnamlam chu YMA hall-ah zanlamah lam zir \hin a ni a, a bul a hnai a awm ten kan hrethiam hram hram dawn nia.

Chhiah/leiman khawn :Feb. ni 12-14, 2018 chhung khan Revenue Dept. chuan Local Council Office ah leiman/ Zoram chhiah lakkhawmna an nei.

UPHC Hriattirna : Feb ni 22 & 23, 2018 hian Staff Training neih a nih dawn avangin OPD khar a ni ang. Tin, sawrkar chawlh, Sunday leh thlatin a Inrinni vawihnihnaah OPD khar \hin a ni ang.
    UPHC chung chang leh inentir tur ten hriat duh kan neih chuan Ph No. 8729823319 ah biak theih reng a ni.

HEADLINE :

KUMPUAN HAWNG
Leadership / Account/ Minute training nei
   
    Branch YMA in ruahmanna a lo siam tawh bawhzuiin Feb. ni 16, 2018 (Fri) zan khan YMA Hall-ah Function pawimawh tak hman a ni a, Central YMA hruaitu a\angin Pu Lalrochuanga Pachuau, Treasurer chu a lo kal.
    He Programme hi Pu Lalhmuchhuaka President Branch YMA in a kaihruai a, Pu Biaknghinglova Branch Exe. Committee Member in hunserh a hmang bawk.
    He Function pawimawh tak hi Branch OB ,Branch Exe. Committee member te leh Section  Office Bearer te tan buatsaih a ni a, member kal dan chu hetiang a ni:-

Branch Exe. Committee    -    22
Section OB
Buala    -    6
Damvea    -    3
Kapdaia    -    6
Saichhuma    -    6
Lalsavunga    -    5
Vawmphunga    -    5
Total    -     53
    He hun hi Session 3-ah \hen a ni a, hetiangin:-
Session 1-na : Account / Minute training neih a ni a, Tv. R. Lalawmpuia Secretary Branch YMA in training hi a pe a, Branch YMA sum hrang hrang te hi kumtawp hun remchangah Audit leh tur a ni a,  mumal zawk leh rualkhai zawk a sum vawn dan kan kalpui theih nan leh Minute  felfai zawk a kan vawn/ziah theih nan he training hi buatsaih a ni.

Session 2-na : Pu Lalrochuanga’n Leadership training a pe a, hruaitu dinhmun a ding tan tih lam tih vak emaw, tih lo zawng tih loh vak te a \hat loh thu te, Party behchhan a  lo YMA te a fuh loh thu te sawiin hruaitu dinhmun pawimawh zia a sawi a. Hotu ni lova, hruaitu ni turin fuihna thu \ha tak tak a sawi a, hruaitu kalkhawm ten hlawkthlak an ti hle.

Session 2-na hman zawh a nih hnu hian Refreshment tuihnai tak ei ho a ni.

Session 3-na : Kum 2018 YMA kumpuan ‘ Ram leh Hnam humhalh’ tih chu Pu Lalrochuanga’n a hawng a, Branch tih tur hrang hrang te sawiin  tun ang zel a kan kal chuan hun reilote hnuah chimral kan nih thu te sawi in chumi laka kan him theih nan  sumdawnna kawnga fin a \ul zia te, taimakna leh mahni hna \heuh a rinawmna pawimawh zia te leh hmalakna tur tam zia te sawiin midang tih tur mai a dah lova, tun a\anga hmalak theih na zawn \heuh ah \an la zel turin kalkhawm te a fuih bawk a ni.
    Pu Lalrochuanga thusawi zawh hnu hian Pu Lalhmuchhuaka’n ‘ Vote of thanks’ sawiin hun tawp a siam a, zan dar 10:30 velah he inkhawm pawimawh hi \in a ni ta a ni.

PAGE - 2

EDITORIAL :

          Tu’n nge siam|ha ang
    Mizo ziaktu lar pakhat chuan Mizo te hi Corruption in min chiah hneh tawhzia leh kan hnam a eichhiat zia tarlan nan, “Corruption hi kan Culture a nih tawh loh vek pawhin kan Sub-Culture chu a ni chiang a ni,” a ti a. He thu hi a dik leh dik loh chu keimahni \heuh inzawh leh inchhan theih tak a ni ang.
    Curruption vang a ni emaw nilo emaw kan ram, kan khawtlang chu siamthat a ngai tak zet zet a, YMA kumpuanah pawh hman hial a lo ni tawh \hin reng a ni. A chunga tarlan tak khi a dik a nih chuan tu’n nge kan ram, kan khawtlang chu siam\ha ta ang le? Mizoram Chief Minister hlui pakhat chuan kan hnam hi thinlung leh rilru a\anga kan siam\hat a ngaih tawh thu a sawi a, a sawi dik hle rualin tu’n nge siam\ha ang tih bawk hi zawhna awm thei a ni lehpek awm e.
    Eng hnam pawh hi mimal hrang hrangin nun an hman/thawh khawm; lo langsar ta hi khawtlang nun chu a ni mai a. A chhiat a \hat thu-ah pawh mimal nun bawk hi a pawimawh ber chu a ni awm e. Mimal nun hi a lo zikchhuahna bul ber chu chhungkua a ni a, nu leh pa ngaihdan \hanlenpuitu naupang rilru hi chhungkua a\anga lo insiamchho a ni. Chuvangin, kan hnam, kan khawtlang nun insiamna chu chhungkaw tin a\ang hian a ni a tih theih ang.
    Chutichuan, kan khawtlang nun siam\hatna hmun hmasa ber tur chu chhungkua a ni nghal a. Mimal leh chhungkua a\anga \an a nih loh chuan kan khawtlang nun chhe mek hi a ler lamah kan \huai dawn tihna a ni a, a kung lam a \hat si loh chuan a rah chhia thenfai ringawt chuan thui a daih chuang lovang. Chuvangin, kan khawtlang a chhiat a \hatah chhungkua/mimal tinte kan pawimawh tak zet zet a ni.

Central YMA thu thar
10.02.2018 - Chapchar Kut 2018 lawm dan tur chungchangah Central YMA, Aizawl Thunders, Mizoram Taxi Association, Zoram Drivers Union, Aizawl City Bus Owner Association, ZOHANFED, MIMA, MMCOA ten Central YMA Hall ah Joint Meeting an nei a. Pu Vanlalruata-President, Pu R. Lalngheta-Vice President, Pu Fabian Lalfakawma-Fin Secretary, Pu MS Ralte CEC, Pu K. Laldawngliana CEC, Tv Zochhuana CEC te an tel.
10.02.2018 - Lengte Branch YMA bultumin Lengte YMA Office ah Lengte rama huan enkawltute enfiah leh thlalaksakna hun hman a ni a, Tv Lalhmachhuana-Gen Secretary; Er Lalrinmawia CEC; Pu R Lalpeka CEC; Pu Lalthanfela CEC; Pu K.Darthantluanga CEC; Pu Lalduhawma CEC; Dr Malsawmliana CEC; Pu RS Lalrinnunga CEC; Pu Lalbiakkunga CEC ten a hmunah kalin thil awmdan an enfiah.
15.02.2018 - Zofa Global Network buatsaihin Vanapa Hall ah 1st Zofa Global Convention neih a ni a, Pu R.Lalngheta-Vice President; Pu Peter Chhakchhuak- Asst Secretary te an tel a.
Hnam inpumkhatna kawnga YMA in hna a thawh \hat avangin Chawimawina Frame Citation chu ZGN hnen a\ang hian an dawng.
16.02.2018 - Minister-Art & Culture pisa ah Chapchar Kut 2018 Organising Committee Meeting neih a ni a, Central YMA OB te an tel.

Advertisement....

ADMISSION OPEN FOR 2018 SESSION
    Solomom’s High School Kulikawn Aizawl-ah Class -VIII to X tan Admission hawn mek a ni. Mathematics leh Science subject a harsatna neite duhsak an ni ang. Kan School hi kum 15-na a tlin lawm nan Admission pawh 50% in kan tihniam e. Kum sawmthum chuang Mathematics subject a experience nei tawh ten an zirtirna hmunah hian i fate rawn dah ve rawh le.
1. Admission zat    : ` 600
2. Admission hawn \an ni     : 12.2.2018 (9:00 Am to 3:00 Pm)

Contact : 8014442431         Sd/- Principal
(10-2)      9774406688    (Topten Maths Tutor)

Quality Feeds
    Ar vulhtu hlawhtling nih i duh em? Ar \hangduang tak, ar in rimchhe ve lo, ar damdawi dang pek ve ngai lo leh ar note vaccine pek sa, arsa tui bik leh thau chhia pai lo i duh chuan JAPFA leh NYTRIX Archaw te hian Japfa arnote ngei hi han chawm chhin la a \hatna chu i hmuin i hriatthiam ngei ka ring e. Archaw dang man tlawm tak tak leh vawkchaw \ha leh buk tling em em mai kan kawl tel reng bawk e.

    Location : Saikhamakawn., Aizawl
    Adds : H.Lalliantluanga Building Quality Feeds
(4-1)    Ph. 8258075268, 8575651021 Call

ADMISSION NOTICE
    Brighter Higher Secondary School, Kulikawn, Tlangnuam Road-ah 2018 - 2019 Academic Session atan Class IX, X & XII (Arts & Science) admission a hawng leh ta e. 15yrs Anniversary lawm nan March thla chhung admission-ah concession siam a ni.
School Offers :
    * Board Exam top 10 tan Laptop/Scooty
    *  Distinction chin tan ` 7,500

    Contact :     8414956902 (Principal)
(7-2)            9436755455 (Vice Principal)

PAGE - 3

HRIATTIRNA :

Health Clinic hriattirna
1.    Mizoram State Health Care Enrolment ti duh tan April 2018 thleng inziahluh theih a ni e.
2.    RSBY Health Care a mi tur Economic & Statistics lamin an rawn thlanchhuahte hrilh in nih vek tawh avangin March 2018-a thlalak hma a  in in ziaklut lo a nih chuan RSBY Health Care ti tawh ngailo tura Cancel in ni ang.
3.    Mizoram State Health Care chung changa enrolment ti duh tan a hnuai a mi ang hian duhthlan theih a ni ang.

Local Council hriattirna
    Tunlaiin SIPMIU Pipeline phum mek avangin hmun \henkhatah lung (Cubic), Rod te phawrh a \ul a, phawrhna hmun bulhnai ah te dah/chhawp a ni \hin a, vantlang ta a nih avangin khawtlang hruaitute phalna lo chuan lak emaw hman emaw phal a ni lo tih kan in hriattir e.

Sd/- Lalhmingliana Chairman. LC

HSA hriattirna
    Hlimen Sazuar Association (HSA) Member nilo chuan March 2018 a\ang chuan ran talh/zawrh phal a ni tawh dawn lo a, member ni duh chuan Secretary te hnenah February thla chungin Membershipfee ` 100 pek vek tur a ni e.
    Tin, vengchhungah sa thianghlim lo zawrh leh hralh phal a ni lo a, hmun danga mite pawh rawn zawrh phal a ni lo bawk a ni.
    Sd/- Lalremthanga
    Secretary, HSA

Bo chhar
    Pu R.Lallianbuka Damvea Sec. te Varandah ah Jacket (Jumper) la \ha tak mai theihnghilh in awm a, a neitu chuan a awm dan chiang taka sawiin ngaihven vat tur a ni e.

Kohhran te hnena ngenna
    Veng tinah hian hapta khat chhung hian Inrinni a\anga Ningani thleng hian zanlamah Kohhran leh a hnuaia rawngbawlna Programme atan hman vek a ni a, zirtawp zan chiah hi zan awl a ni a, hei hi YMA ten kan lo intitatu ve bakah Central lam pawhin  YMA zanah a lo siam \hin a, hemi zana Kohhran ten Programme kan siam dawn a nih chuan YMA-in Programme a neih dan te min zahsak ve turin kan inngen a. YMA in hemi zanah Programme pawimawh a neih chuan in zahsak hram \hin a \ha khawp mai. Kohhran Programme lian tham su zawngin YMA pawhin lo theih loh thil a nih loh chuan programme siam loh hram a tum \hin a ni.

LAWRKHAWM :

UPHC Report
     Feb. ni 10 - 16, 2018 chhunga UPHC report tlangpui  heiang hi a ni :
OPD- 77, ANC - 2,Naupiang zat - 1, Inpatient-2, Dressing-18, Emergency - 6,
Feb.ni 13, 2018 Doctor a training avangin OPD khar a ni.

Vengchunga hmalakna hrang hrang
     Tunkar tir lam a\ang khan Quarry chim area chu Rigid Pavement (RCC) a chhun tura hmalak \an chhoh a ni ta a, a kawng pawh JCB hmanga siam rem mek zel a ni. Tin, tuihawk luanna atana Culvert siam hna pawh thawh chhungzawm mek zel a ni bawk.
    Tin, Branch YMA in a thawh mek, kawng zauh hna pawh thawh mek zel a ni a, JCB in a laih theih chin bak chu hal tlak a ni a, kar leh lam chuan zawh fel  thawkhat theih rin a ni.
    PWD lam pawhin Tlang Field kawng chu zo fel tawh a, Feb. ni 14, 2018 a\ang khan Hlimen-Melthum  kawngpui dung chu an khawih \an ta bawk.  Jan. ni 23, 2018 a PWD leh SIPMIU lamin an lo en tawh bawhzuiin SIPMIU in kawngpui dunga pipeline phumna  laih siam\hat leh hna chu PWD-ah hlan a lo ni tawh a, Estimate ` 43,76,779 chu pawm fel a ni tawh a , 1750 mts a thui a huam anga, lei chuang then a, siam rem zawng zawng pawh a huam a. Tin, tunah hian Pipeline phum tur hi 700 metre (Internal road/ Step Area etc.) vel a thui ala awm ni a hriat a ni.

Kangmei laka fimkhur
    Tunlaiin in kang leh ram kang hriat tur a tam chho hle, in lam leh ram lamah kan chet fimkhur a ngai takzet a ni. In kan chhuahsan dawn leh zan mut dawnah kangmei tichhuak theite enfel hmasa \hin ila. Tin, ram lamah pawh kan meizial bung paih chung changah leh kangmei tichhuak thei dang dangah i fimkhur lehzual teh ang u.
    Mitkhap kar lekah kan neih rohlu mai bakah nunna hlu tak kan chân thei a ni tih hriaiin mitin te i fimkhur tlang ang u.

Advertisement...

ADMISSION OPEN (2018 - 2019 SESSION)
    KG-I to Class-VII Admission hawn mek a ni a, February thla chhunga admission ti te tan U.S a\angin achanve tum sak an ni ang. Tin, U.S a mite hnen a\angin Online Class pek \hin an ni dawn bawk.
Admission fee ` 1,000/-
    Sd/- ALVIN LALTLANMAWIA
    (Principal)
(3-3)    F.THANGMAWIA MEMORIAL SCHOOL

RALTE ELECTRONIC SALE AND SERVICES      
TV, Washing Machine, Musical Keyboard .Computer..etc Kan siam thei e. Tin,Mobile Phone chhia Kan siam thei a. A chhia Kan lei duh e. COMPUTER leh a kaihhnawin chihrang hran g Kan zuarin Kan siam thei bawk. Bungrua siamtur a zirin Kan pan chilh thei bawk. 
A Hmun : Kulikawn Alpha Hospital Opp.        
(4-1)                             Ph..8575178302/8787351881
 

Japan Technology  
    Septic tank paih kher ngai lova ek tiral thei Japan Technology a siam niin, a rimchhia a ti reha, ek a tiral thei, feet 6 square ekin khurah bûr khat a tawk.
    Bûr 1 =Rs. 2500
    Ph: 7085361848 / 9612002616 / 70052266119

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2018  thla Budget  pe tla tawh te:
1.    Kapdaia Sec.    2. Saichhuma Sec.

Lalsavunga park duty tur te
Feb. 18, 201 (Pathianni) : 1. Pu Robuanga. 2. Pu Zairemthanga. 3. Pu J. Vanlalbiakdika. 4. Tv. Zonunsanga. 5. Pu Andrew C. Lalrinchhana. 6. Pu Lalchhantluanga. 7. Pu Laltlankima (DV). 8. Tv. Joseph Zodinliana.

Feb. ni 25, 2018 (Pathianni) : 1. Pu Lalhmuchhuaka. 2. Pu H. Ralkapthanga. 3. Pu Lalremmawia. 4. Pu F. Zosangzuala. 5. Pu N. Zoliansanga. 6. Tv. Lalkhawmawia.  7. Pu Lalrinchhana  8.Pu Lalneihtluanga (DV)

DAMVEA SECTION
    Feb. ni 10, 2018 (Inrinni) khan Damvea Sec. te chuan Pu Lalhmingliana Quarry-ah sum tuak nan rora chhuin an hnatlang. Inhlawhna siamsaktu, hnatlang thawkchhuakte chungah leh ei leh in tumsaktute chungah hruaitu ten lawmthu an sawi tak zet a ni.

Buala SECTION
    Kumin chhunga hian Section huamchhunga mipa leh hmeichhe tan Tlawmngai Award siam a ni leh dawn a, Section Acivity leh Branch Activity a\anga  teh a ni ang. He Award hi kum 2 chhung lo kalpui tawh niin Lalthansanga Award leh Lalvulliana Award tih a lo ni tawh a ni. He Award hi kan chhungte boral tawh hriatreng nan emaw a Sponsor duh kan awm chuan Section OB te hnenah hriattir tur a ni a, Citation man ` 1000/- tum ve a ngai a ni.
    Gas lak dan tur chu |helretkawna Zohmingthanga Point ah leh Mualzawlah tar a ni a, mahni lakna tur \heuh lo inen leh mai tur a ni. Chhungkaw tin te mahni lakna a la \heuh turin kan inngen nawn leh e.

Garage luah theih
    Mualzawl a Waiting shed chu Branch YMA chuan Garage atan man chawia luah theih turin a siam dawn a, motor tê - Car etc. pakhat dah theih a ni dawn a, a luah duh chuan Branch YMA Secretary Tv. R. Lalawmpuia hnenah in hriattir mai tur a ni e.

Membership / chhiatni fund
    YMA Membership fee leh Chhiatni Fund chu khawn mek zel a ni a, Membership fee hi Feb. thla chhunga khawn zawh tur a ni a, Chhiatni fund hi March thla chhunga khawn zawh tur a ruahman a ni a, huntiam ral hma lo pe thei turin chhungtinte lo inring lawk turin kan in ngen nawn leh e.

Advertisement...

MD Septic Tank servise
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542   ,                 Ph.No 9436199884,     (10-6)                                9862476439

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
    VL-a,
(6-5)    Ph.No : 9402344486, 9615266170
 

Kohhran News
Isua Krista kohhran
    Feb. ni 9-11, 2018 khan Isua Krista Kohhran hmeichhe Pawl inkhawmpui, Aizawl East Bial chu  ITI Kohhran ah neih a ni a. Kan veng a\ang pawhin member engemawzat an kal.

Sport News
Taekwondo
    Lalfakzuala S/o Lalhmingmawia chuan 18th Asian Games Invitation Tournament , Jakarta, Indonesia a Feb. 10-13, 2018 chhunga khelh zawh takah   India  Poomsae Team chu Bronze Medal a lakpui. Lalfakzuala hi July thla a \an tur Asian games ah India aiawh a thlan zingah tel a ni.
    Feb. ni 15, 2018 chawhnu 2:30 vel  khan Zoram leilung rawn rapin Lengpui ah lo hmuah a ni a, Kan veng a lo thlen hnuin YMA Hall ah YMA bultumin lawmna hun buatsaih a ni a, Faka hi MATA hruaitu leh an Coach ten an rawn \awiawm a, he lawmna inkhawm tawiah hian Local Council leh Football Club lawmpuina thuziak mawi an lo hlan a, Branch YMA in pawisa fai ` 3000 hlan a lo hlan bawk. Hetianga International Level a Medal hawn thei Hlimkhawpui tlangval kan nei hi kan chhuangin kan lawmpui takzet a ni.

Football
    NECS Cup 2018 khelh mek ah Feb. ni 15, 2018 khan kan Veng LC team te chu Lengpui VC team nen inkhelin kan veng Team te hi 2-1 in a vanduai a ni.
    Kan veng Player 4 ngawtte chu Aizawl FC Squad ah telin Mamitah MFA Cup khelin an fehchhuak a, Aizawl FC hi Aizawl district aiawh an ni. Player 2 dang te pawh All India Police League khelin Jammu ah an thang lai a ni bawk. Kan veng player ten an  theihtawp an chhuah nachungin kan veng Player pawimawh 6 te awm lo hi kan tuar ta a ni.
    Kan veng Player te beidawng mai lo a, hmaalam an pan zel theih nan kan \anrual deuh deuh a \ul hle.

Volleyball khel |an dawn
    Aizawl South-III MLA Cup Volleyball Tournament chu Feb. ni 19, 2018 (Thawh\anni) a\ang hian Tachip Volleyball Court-ah khelh \an  a ni dawn ta a. he Tournament-ah hian kan veng a\angin mipa team 2 leh hmeichhia team 2 an tel dawn niin thu kan dawng.
    Feb. ni 19, 2018 (Thawh\anni) Match 2 na-ah kan veng hmeichhe ‘A’ team ten an khel dawn a, hmeichhe ‘B’ team ten Feb. ni 20, 2018 (Thawhlehni) Match 1 na-ah an khel bawk ang. Hemi ni vek hian Match 3 na-ah mipa ‘B’ ten an khel anga, Match 4 na-ah mipa ‘A’ team ten an khel bawk dawn a ni.

Ramtuk thla (February) 2018, Issue No. 6

PAGE - 1

TUALCHHUNG :

Nau nei thar : Feb. ni 8, 2018 khan Pu P.C  Lalramdina leh Pi K. Lalremruati  te nupa, Damvea sec. a mi te chuan State Referral Hospital, Falkawnah fapa duhawm tak an nei thar.

UPHC chung chang : Feb. ni 13, 2018 (Thawhlehni) hian doctor-in training a neih dawn avangin OPD khar ani ang. Sawrkar chawlh, Sunday leh thlatin inrinni vawi 2 na hi OPD khar \hin a ni ang.

Khawmpui hmang : Feb. ni 9 - 11,2018 chhung khan Hlimen Pastor Bial Kohhran hmeichhia khawmpui chu Melthum Kohhran-ah neih a ni a, bial chhung Kohhran panga - Saikhamakawn, Melthum, Hlimen Damveng, Hlimen leh Hlimen Vengthar a\angin khawmpui hmang an \hahnem hle.

Veng chhung a hmalakna hrang hrang : Kawrpui thlang, Quarry kawng tawn tirh laih zauh hna chu thawh chhoh mek zel a ni a, tun kar tir lam a\ang khan JCB hmanga laih zauh \an a ni a, he hna hi Branch YMA in a thawk a ni.
    Quarry chim Area kawngpui hmun hnihah pawh Humepipe phum tura buatsaih mek a ni bawk.
    Tin, SIPMIU hmalakna a pipeline phum pawh thawh mek zel a ni a, Kawngpui dungah chuan Venglai Biakin bul, Zonal Tanky a\anga semdarhtu Pipe lian in zawmna tur lai chu laih zawm a ala ni lova, Road Cut ngai anih vangin rokhawlhna dang a awm loh chuan karleh thawh\annni zan khian Road Cut hi tih tum a ni a, tin, SIPMIU in Pipe line an phum avanga kawng an laih chhiat siam\hat leh hna chu PWD ah hlan a ni tawh niin thu kan dawng bawk.
    Heng hmalakna hrang hrang avanga  harsatna kan lo tawk deuh a nih pawhin lo hrethiam hram turin khawtlang hruaitu ten min ngen a ni.

Pem thar :  Lalzetluanga te nupa chu  Bungkawn a\angin kan vengah rawn pemin Damvea Sec. a Pi Thangchungchungi (Pi Nutei) te inhnuai  an luah a ni.
Lam zir :  2018 Chapchar kut ah hnam lam entir tur a nih avangin YMA Member te hruaitu ten hnamlam zir hun an puan hunah zir thei tur a in rin lawk tur a ni e.

HEADLINE :

Branch exe. committee neih a ni
   
    Feb. ni 9, 2018 zan khan YMA Hall ah Branch Exe. Committee neih a ni a, thurel tlangpuite:-
1. March ni 1-2, 2018 chhunga AR Lammual a Chapchar Kut hman turah Mizo hnam lam -Cheraw kantluang, khuallam leh Chai entir tura beisei kan nih angin tihhlawhtlin ngei nise, Cultural Sub- Committee ten a \ul angin hma lo la se tih a ni.

2. Forest Dept. a\anga kangmei laka kan him zawk theih nan leh nungcha humhalh tura ngenna hmuh anih angin Banner siam a, tar nise, OB ten ruahmanna lo siam se tih a ni.

3. Mualzawl a YMA Waiting shed hi tun aia \angkai zawk a hman a nih theih nan  Lirthei dahna (Garage) atan man chawia luah theih tura siam danglam nise tih a ni.

4. Kumin YMA Day June ni 15, 2018 chu ruai nen ropui taka lawm nise, OB ten ruahhmanna siam a, a \ul anga Committee leh a thlirho leh tur a tih a ni.

5. Thlanmual Sub Committee in rawtna an rawn thlen chu sawiho a nih hnuin hetiang hian ruahmanna siam a ni.
(a) Jack hammer 1, bawngtuthlawh 6, tu\hulh 3 te chu Chhiatni Fund a\anga lei nise.
(b) Thlanmual-I & II hi kumin krismas dawn hian mahni chhungte thlan tihfai/chei Nî bik siam nise. A hun leh ni chungchang ah hian Thlanmual Sub Committee ten ruahmanna lo siam se tih a ni.
(c) Thlanmual -II ramchhungah hian Pikup tal leng tura kawng siam tura hmalak nise tih a ni bawk.
(d) Thlan hi zingkarah ni tawh lovin tuk\huan eikham, zing dar 9 ah laih \an tawh nise tih a ni.

6. Heng mite hi Cultural Sub Committee member atan lak belh an ni- Pu Lal\anzuala (LSV), Tv. John Lalhunhlua (DV), Pu C. Lalnunsangzuala (KD), Tv. Lalhriatpuia (VP), Nl. Laltlanmawii (BS), Tv. Lalhmingchhuanga (SCS), Tv. Lalzopuia(KD), Nl. Malsawmdawngkimi (BS), Pu Lalthantluanga (VP), Pu R. C. Lalroliana Trea.

7. Heng mite hi YMA Chhang Sub Committee member atan lak belh an ni- Pu Lal\anzuala (LSV), Tv.Lalchhanhima (DV), Pu Lalhminghlua (KD), Tv. Lalhriatpuia (VP), Nl. Laltlanmawii (BS), Nl. Lalhriatpuii (SCS).

8. Heng mite hi YMA Life member an dil angin CYMA ah dilpui nise tih a ni - Pu Lawmtluanga, Pu R. Lalremruata, Pu Liansangpuia, Pu Samson Zorammuana.

9.  Vawmphunga Section ten Thakthing Bazar-a Bazar fee khawn an dilna atana Branch YMA a phalna an rawn dil angin phalsak an ni.

10. Local Council a\anga Local Council Award 2018 (Mipa leh hmeichhe tan) dawng tur te thlang tur Branch YMA a ngenna an rawn thlen chu pawm a ni a, Committee pawh hetiang hian siam a ni:-
Chairman     : Lalkhawmawia Asst. Secy
Secretary    :     Pu Andrew C. Lalrinchhana
Members     : Pu Lalrinmawia, Pu Zoramhmangaiha, Pu Pakunga, Tv. R. Lalawmpuia, Section tin Leader te.

(Phek thumna ah chhunzawm a ni.)

PAGE - 2

EDITORIAL :

      Pathian |ih nun
    Kan ram hian a hnam engpawhin Pathian thu hi kan duhin kan tuipui hle a. Kohhran kan ngaisangin kan dan pawimawh reng mai. ‘Kohhran in a ti’  kan tih tawh chuan a mi mir hian kan ngaipawimawh a, hei tak hi kan nuntlan hona tinuamtu a ni. Kohhran hi awm ta lo se kan ram hi engtin tak awm ang maw. Kohhran avang hian  kan ram leh hnam pawh hi a lo him ti ila kan sawi sual lovang. Kohhran hmasa hunlai ah pawh an kalsual chuan ram leh khawtlang rorelna a \huanawp a, mipuiin an tuar nasa a nih kha.
    Hetih lai hian kohhran a awm, kohhran lawi mimal tinte hi a pawimawh lai tak chu kan ni. Zoram kohhran leh a chhunga awmte hi kan zalen a, a duh duh a tui tuiin Pathian thu kan sawi nuai nuai a, lehlam zawnga ngaihtuah chuan a nawmna lai tak pawh a awm. Piangthar apiangin kan sawi kan sawi mai zawng a nih hi.
    An tia lawm, Sâp pa kan rama lo kal haw leh chuan, “Mizoram chu mi zawng zawngin a duh duhin Pathian Thu an sawi mai,” a tia, a \hiante chuan, “An buai lo em ni?” tiin an zawt lêt a. Chu Sâp pa chuan, “Buai love, mahse, an inpawmtawn chuang lo,” a ti e an tia. Hei hian kan ram Kristianna kawng thui tak a sawi awm e. Hei hi engvangnge ni ngai ang le?
    Hlim kan duh, lam kan duh, tui reng kan duh, Piangthar kan lam; chutih rual a kan tlakchham chu ‘Pathian \ih nun hi a ni.’ Pathian \ih nun chuan sual a hua a, huaisen takin a dodal a, khawi hmunah pawh a lang leh lang lo-ah pawh a nun a danglam ve ngai lo. A huho (Kohhran) a ni emaw, mimal nun a ni emaw, Piangthar nun chuan Sual huat leh dodal a, sim hming pu tlak rah a chhuah si \hin a ni.

ZIAKTUTE HUANG :

HLIMKHAWPUI CHUNGCHANG
- Lianzampuii Pa
    Hlimen Branch YMA Chanchinbu Kartin chhuak Hlimkhawpui Editorial Board te chibai ule.
    Hlimkhawpui hi nghakhlel tak hian ka lo thlir \hin a. Vengtin leh khawtin YMA Chanchinbu ti\ha te pawh Central YMA -in a thlang \hin a, chuvang chuan uluk leh fimkhur ngai hle in ka hria. Editorial Board te in enfiah a va \ha em!! A chhan \henkhat han tarlang ila. Issue hnuhnung ber Ramtuk Thla (February) ni 3, 2018 a mi phek 4-na chauh hi.
1.    KOHHRAN NEWS -ah \an ila. Thu tlemte ah TIN tih hi hmun 5-ah ngawt alang phawt a, para 4-nen TIN hi a hman loh theih vek a, chhiar pawh a nuam zawk fe ang. A din kum leh ni zawh chiah ah hian zawm phawt nisela Pastor \huthmun nih hi a hluin a ropui hle a ni. Entirnan Mel-3 te, Saikhamakawn te chu Hlimen Pastor Bial chhunga awm ve mai vengte an ni. Pastor te hi an pawimawhin an thuneihna pawh a lian em em a ni. Member 1489 te pawh hi a thuneihna hnuaia awm an ni. Sport News Taekwondo tih hi Kohhran News-ah a tel ve ta em ni tih turin Kohhran News column-ah a awm lawi si a, a hnuai hnuai leh ah MD Septic Tank-ah pawh felthlapin daidanna a awm zel bawk a.
2.    YMA KUMPUAN HAWNG: Fin. Secy. CYMA Pu Fabian Lalfakawma khan lawmthu sawiin hun a khar ni khan ka lo hria a. Mahse Hlimkhawpuiah khan lawmthu a sawi ve ringawt a, a hnuah zaipawl, malzai te kha a la awm niawm tak a ni lawi si a. Pu R. Lalngheta Vice-President CYMA tih pawh hi Vice-President CYMA Pu R. Lalngheta tih zawk tur ni awm tak a ni , a hnuaia mite zel pawh hi an nihna a hmasa zel tur a ni. An hming hmaah, entirnan, Pu Lalhmuchhuaka Upa tiin an dah ngai lo. Kohhran pawhin Upa Lalhmuchhuaka tiin an ziak ang. Kan Branch a\anga sum leh tha hlutak senga telve mi 9 te ziahlan hnu hian he Column hi Fin. Secy. CYMA hi khartir ve mai nise, Tin,Pu Fabian, Tin, Zaipawl,Tin,Tin, fimkhur lehzual nan.
3.    HLIMKHAWPUI AGENTS: Buala Sec. Hlimkhawpui Agent tilo hian Hlimkhawpui Agent atan hengte hi ruat an ni Buala Sec. a\angin.....Damvea Sec. a\angin....Ngun takin han ennawn teh u, a thu kal dan hi...huih a ni mai.
4.    VAWMPHUNGA Sec. pawh hi zingkarah kawngdung tifai leh chhunah \huthleng rawnghnawih leh Bungrua chei thar in hnatlang an neih thu a ni leh thla hi a tawk vingveng hle a, a chung No. 3 nen khian inti thupuifunfe niawm taka han elhkual vel hian Mizo \awng tluangtlam a ti hlu lo deuhin  a hriat, a ulh deuh.
    Kan \hen tak pawh hi han thailan a chakawm hle na a 3-na leh 4-na pawh hi kan pawtchhe ta mai anih hi.

( Hlimkhawpui chanchinbu min hlut saka, thurawn min pe hi a lawmawm. Theihtawp kan chhuah ve zel e. Thurawn zawm vek erawh kan bat a ni kher lo. - Editor)

Advertisement....

ADMISSION NOTICE
    Brighter Higher Secondary School, Kulikawn, Tlangnuam Road-ah 2018 - 2019 Academic Session atan Class IX, X & XII (Arts & Science) admission a hawng leh ta e. 15yrs Anniversary lawm nan March thla chhung admission-ah concession siam a ni.
School Offers :
    * Board Exam top 10 tan Laptop/Scooty
    *  Distinction chin tan ` 7,500

    Contact :     8414956902 (Principal)
(7-1)            9436755455 (Vice Principal)

PAGE - 3

HRIATTIRNA :

HNARUAK
    Central YMA hnuaiah Morgue Bus leh Morgue Van khalh turin Driver pahnih (2) mamawh a ni a, dil duh chuan dilna plain paper-ah ziak in Feb. ni 14, 2018 ral hmain Central YMA Office, Tuikhuahtlang ah thehluh tur a ni.
Interview    : Feb. ni 15, 2018, Dar 12:00 Noon
A hmun     : Central YMA Office
Document thil tel ngai te :
1.  Driving License (Transport) Valid. 2.  Birth Certificate. 3.  Branch YMA hriatpuina.

Local Council hriattirna
    Kum 2017-2018 leiman/chhiahkhawn a lo hun leh tawh a, Revenue Dept. a\angin Collecting Staff an lo kal leh dawn a, chhiah pekna Receipt hnuhnung ber kengin pek vek tur a ni. Huntiam chhunga pe lo te chuan penalty chawi a ngai tawh ang.  Pass nei lo mi inluah pawhin Zoramchhiah ` 50/- pek vek tur a ni. Chhiah pek loh avanga harsatna tawk kan awm pawhin Revenue Dept. in mawh a phur lo ang.
Hetiang hi chhiah pek dan tur a ni ang.
Feb. ni 12, 2018 : Lalsavunga Sec., Damvea Sec.,                Saichhuma Sec.
Feb. ni 13, 2018 : Buala Sec., Kapdaia Sec.,                                             Vawmphunga Sec.
Feb. ni 14, 2018 : Huntiama pe hmanlo te tan.
Chhiah hi 10 :00 Am- 4:00 Pm inkarah Local Council Office ah pek theih a ni ang a, Feb. ni 14 bikah chuan 10 :00 Am- 12:00 Noon chhungin pek tur a ni ang. Pass a hming neitu Aadhaar Card xerox copy emaw Aadhaar No. ken vek tur a ni.
Sd/- Lalhmingliana, Chairman. L.C

PCHZ Society hriattirna
    Keini Phunchawngzawl Zau Society chuan Phunchawngzawl ram hi kan humhalh em em a, khua a lo \hal chho leh \an ta a, kang mei lakah mitin fimkhur turin kan inngen a, ram tikang an awm a, a ti kangtute kan hriat chuan thuneitute hnenah kan report zel dawn a ni.
Sd/- Rochhunga, Chairman, PCHZ Society.

Taxi Fare
    Feb. ni 5, 2018 (Thawh\anni) a\ang hian Hlimen Taxi Rate tihsan a ni tawh dawn a, Melthum Quarry a\anga Hlimen lam zawng mi 1 tan chuan man (fare) ` 30 a ni ang a, School naupang Uniform ha chu Rate pangngai ` 20 a la ni ang.
    Sd/- Secretary, Kulikawn Taxi Welfare

Tuikhurdung zau hriattirna
    Feb. ni 15, 2018 (Ningani) hian tuikhurdung zau a kal \hin zawng zawng ten kawng siam\hat hnatlang neih tur a ni a, bawngtuthlawh, suahdur leh thirtiang neih remchan ang ken \heuh tur a ni. A thawk hman lo tur chu ` 200 a inhlih theih a ni ang.
    Sd/-  VL Auva, Secy.    Sd/-  Ramhminga,Chairman           
hriattirna
    Damveng a kan inbula kan huanah âr thi paih ching in awm a, a rimchhiain hriselna atan a \ha lo hle mai a, tun chinah chuan ti tawh lo turin kan in hriattirin kan inngen tak meuh a ni.
Sd/- Vanlaltluangi, W/o R.Lalengzauva(L), Damveng

LAWRKHAWM :

Phunchawngzawl zau hruaitute
    Feb. ni 4, 2018 khan Phunchawngzawl zau Society hruaitu thlanna neih a ni a, chung mite chu :-
    Chairman    :    Pu Rochunga
    Vice Chairman    :    Pu Vanlalnghaka
    Secretary    :    Pu Than\huama
    Asst. Secy    :    Pu P. Hmingthansiama
    Treasurer    :    Pu Vanlal\ana
    Fin. Secy    :    Pu Hmingthantluanga

UPHC Report
     Feb. ni 3 - 9, 2018 chhunga UPHC report tlangpui  heiang hi a ni :
OPD- 120, Naupai en zat - 13, Naupiang zat - Nil, Inpatient-2, Dressing-23, Emergency - 8,
    Feb.ni 6, 2018 khan Lungleng-I leh N.Lunglengah Free Clinic neih a ni a, Lungleng-I ah mi 111 inentirin N.Lunglng-ah mi 92 an inentir bawk.
    Feb. ni 7, 2018 (Nilaini) khan Doctor in meeting a neih avangin OPD khar a ni. Feb. ni 9, 2018 khan PMSMA day hman a ni a, naupai 12 an inentir.

YMA MEMBERSHIP FEE & CHHIATNI FUND 
    Kum 2018 chhung atana YMA Membership Fee chu Section tin ah khawn mek zel a ni a, February thla chhung a khawn zawh hman tur anih angin chhungtin te lo inring lawk \heuh turin kan han inhriattir e. Tin, Chhiatni Fund tukna pawh sem chhuah mek a ni a, March thla chhung a khawn zawh tur a nih avangin chhungtinte lo inring lawk \heuh turin kan inngen nghal bawk e.

( Branch Committee thuchhuak chhunzawmna)
11. Chhiatni Fund huangchhunga tel ve remchang lo te thih nikhua a Thlanmual a inphum \ul tho si te hnenah Thlanmual Fee siam ve nise tih a ni.
12. SIPMIU in Pipe an phum avanga kawnglaih chhiat te a ranglama siam a nih theih nan hmalak nise tih a ni.

Advertisement.....

ADMISSION OPEN FOR 2018 SESSION
    Solomon’s High School Kulikawn Aizawl-ah Class -VIII to X tan Admission hawn mek a ni. Mathematics leh Science subject a harsatna neite duhsak an ni ang. Kan School hi kum 15-na a tlin lawm nan Admission pawh 50% in kan tihniam e. Kum sawmthum chuang Mathematics subject a experience nei tawh ten an zirtirna hmunah hian i fate rawn dah ve rawh le.
1. Admission zat    :    ` 600
2. Admission hawn \an ni     :    12.2.2018
    (9:00 Am to 3:00 Pm)

Contact : 8014442431         Sd/- Principal
(10-1)      9774406688    (Topten Maths Tutor)

ADMISSION OPEN
(2018 - 2019 SESSION)
    KG-I to Class-VII Admission hawn mek a ni a, February thla chhunga admission ti te tan U.S a\angin achanve tum sak an ni ang. Tin, U.S a mite hnen a\angin Online Class pek \hin an ni dawn bawk.
Admission fee ` 1,000/-

    Sd/- ALVIN LALTLANMAWIA
    (Principal)
(3-2)    F.THANGMAWIA MEMORIAL SCHOOL

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2018  thla Budget  pe tla tawh te:
1.    Kapdaia Sec.    2. Saichhuma Sec.

Lalsavunga Park Duty tur te
Feb. ni 11, 2018 (Pathianni) 1. Pu Lalrinmawia. 2. Tv. R. Lalrindika 3. Pu Zoramhmangaiha 4. Pu Laldawngliana 5. Pu Biaknghinglova. 6. Tv. Lalpekthanga (KD) 7. Pu Jerome Lalduhbika (BS) 8. Tv. Lalnunsiama (BS).
Feb. 18, 201 (Pathianni) 1. Pu Robuanga. 2. Pu Zairemthanga. 3. Pu J. Vanlalbiakdika. 4. Tv. Zonunsanga. 5. Pu Andrew C. Lalrinchhana. 6. Pu Lalchhantluanga. 7. Pu Laltlankima (DV). 8. Tv. Joseph Zodinliana.

Damvea Section
    Damvea Section te chuan Kum 2018 chhung atana Branch a an budget ` 4500/- chu an tlak fel ta.

Leadership Training nei
    Feb. ni 8, 2018 (Thur) chhun dar 11:00 khan khan Central YMA leh Nehru Yuva Kendra Sangathan, Aizawl \angkawpin a buatsaih Training on Youth Leadership and Community development chu CYMA Hall, Tuikhuahtlangah   neih a ni a, kan Branch a\angin Pu Lalrinmawia Vice President a kal.
    He Training hi Pu Lalrochhuanga Pachuau Trea. CYMA in a kaihruaia, Resourse Person ah Pu R. Lalngheta Vice Precident CYMA chu hman niin Pu Ngheta Paper buatsaih ‘Hruaitu mawhphurhna- Pawlah leh Khawtlangah’ tih chu zirho niin kalkhawm ten hlawkthlak an ti hle a, he trainning hi City Branch tana buatsaih niin Branch aiawh mi 85 vel an kalkhawm a ni.

DAMVEA SECTION
    Feb. ni 3, 2018 (Inrinni) zingkar khan Damvea Sec. Committee member te chuan Section huamchhungah ui leh âr pawn chhuak vaiin an hnatlang a, member thawkchhuak te chungah hruaitu ten lawmthu an sawi a. Tin, ui leh âr vulh chhungkua ten kan ran te pâwn chhuak lo tura khuahkhirh turin hruaitu ten an ngen nghal bawk a ni.
    Feb. ni 10, 2018 (Inrinni) hian Pu Lalhmingliana Quarry-ah sumtuak hnatlang an ko a, he thu buatsaih lai hian hnatlan dan kimchang hriat hman a ni lo.

Vawmphunga Section
    Vawmphunga Sec. Asst. Leader in rokhawlhna  avanga a dinhmun a chelh theih tak loh avangin Pu Lalruatdika chu Asst. Leader atan thlan thar a ni.

BUALA SECTION
    Buala Section huam chhungah Local Council-in Point a rawn siam belh tak avangin chhungtinte mahni awmna tur Gas Point tarchhuah a ni a, mahni lo in en mai tur a ni. Tin, chhungtin te mahni lakna tur point ah chauh la turin kan inngen e.
    Pu Zohmingthanga Point a la turte chu Pu Rochhunga kawmthlangah leh |helretkawn a Notice Board ah tar a ni a, Mualzawl a la tur chu Mualzawl ah leh Pu Lalchhawna in kawt Notice Board ah tar a ni.

Kohhran News
Isua Krista Kohhran
    Hlimen Isua Krista Kohhran hi July ni 25, 1983 khan din niin tunah hian Kohhran member 243 awmin chung zinga 113 hmeichhhia niin Mipa 130 an  awm.
    Tin, tunah hian Kohhran Upa 6, T.Upa 3 leh Senior 3 an awm mek bawk.
    Pathianni sikul  ah hian puitlingah mi 109 in hming an ziak a, naupang lamah mi 81 in hming an ziak bawk. Kohhran |halai Pawl member hi 65 niin chung zinga 18 chu hmeichhia niin 47 chu mipa an ni.
    Tin, Kohhran hmeichhia member 63 an awm mek bawk a ni.

Presbyterian Church of india
    Hlimen Damveng Presbyterian Kohhran hi Nov. ni 2, 2002 khan din niin tunah hian Kohhran member 541 awmin chung zinga 276 hmeichhhia niin Mipa 266 an  awm. Tin, dan zawh kim mi 395 an awm bawk.
    Damveng Kohhran ah hian Kohhran Upa 8 an awm mek a, Sunday School ah hian puitlingah mi 250 in hming an ziak a, naupang lamah mi 185 in hming an ziak bawk. Tin, K|P member hi 107 niin chung zinga 40 chu hmeichhia niin 67 chu mipa an ni.
    Tin, Kohhran hmeichhia member 191 niin Kohhran Pavalai member  55 an awm bawk.


Sport News
Football
    NECS Cup 2018 khelh mek ah Feb. ni 6, 2018 khan Lammual ah Hlimen Local Council Team chuan an match hmasa ber ah  Ramthar Local Council team  khel in Hlimen LC team te hi 4-3 in an chak a, Hlimen tan hian Vanlal\hasanga’n goal 2 thunin Rampianmawia leh Malsawmdawngkima ten goal khat ve ve an thun bawk.
    Feb. ni 15, 2018 (Ningani) chawhma dar 10:00 khian  Lengpui VC team nen an inkhel leh ang. Lengpui VC team te hian kum 2016 khan kan veng team hi an lo pet tla tawh a, kum 2018 ah erawh result \ha zawk nen hnehna kan chan ngei beisei chungin atam thei ang berin Hlimen LC team te i \awiawm ang u.

Advertisement....

MD Septic Tank Servise
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542   ,                 Ph.No 9436199884,     (10-5)                                9862476439

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

    VL-a,
(6-4)    Ph.No : 9402344486, 9615266170

Ramtuk thla (February) Ni 3, 2018, Issue No. 5

PAGE - 1

TUALCHHUNG :

Boral : Pu Zonunsanga (K 47) H/o Lalremruati Kapdaia Sec. a mi chu Jan ni 30, 2017 dar 12:00 khan Lungna avangin a boral. Hemi ni vek hian vuiliam a ni.

Damlo: Tv. Lalremruata S/o Lalsiamliani Saichhuma Sec. a mi chu Jan. ni 31, 2018 khan Falkawn Hospitalah zai niin Feb. ni 2, 2018 khan inlama enkawl chhunzawm turin a lo chhuak.

##    Pi Lalhriatpuii W/o Lalhmingmawia Buala Sec. ami chu Feb. ni 2, 2018 khan Civil Hospital ah admit leh a ni.

Nau nei thar : Pu Zakaria L.C leh Pi K. Lalthangpuii te nupa chuan an fa 3-na atan State Referral Hospital, Falkawn -ah  Jan. ni 30, 2018 khan fapa duhawm tak an nei thar.

Senghawi dawn : AMC-in thuchhuah a lo siam tawh bawhzuiin phalna neilo a vantlang hmuna Banner/ Hoarding / Poster tarte senghawi hna chu kalpui mek a, kan vengah pawh  Feb. ni 15, 2018 hian an lo kal dawn niin thu kan dawng.

YMA in Ral : Dec. ni 31, 2017 zan khan Pu Zonunsanga, Kapdaia Sec. a mi  ralna hun hman a ni a, ralna sum tlingkhawm ` 7,750 chu a chhungte hnenah hlan a ni a, Pu Zonunsanga chhungte hian a \ul apianga hman atan Branch YMA-ah puan 2 an hlan let bawk.

Aadhaar Card thleng  : Adhaar Card a lo thlen belh a, naupang lam ta pawh engemaw zat a lo thleng a, Local Council ah Office hawn  hunchungin ngaihven theih a ni.

Chhiatni fund khawn \an   : Kum 2018 chhung atana Chhiatni Fund chu khawn mai tur a kalpui mek zel niin chhungtin hnena tukna lehkha pawh sem chhuah \an mek a ni a, Chhiatni fund hi kumin March thla ralhma a khawn zawh vek tur a ruahman a nih avangin pek hunchhunga pe vek thei turin chungtinte lo inrinlawk a \ha hle ang.

UPHC Dressing hun : Dressing hun zing dar 6-8 ni \hin kha February thla atang tlai dar 2:00 - 4 :00 inkarah Dressing hi tih \hin tawh tur a ni ang.

HEADLINE :

CHHIATNI FUND AWMZIA LEH A HMAN DAN TLANGPUI
Kum 2018 atan khawn leh dawn
   
    Hlimen Branch YMA in chhiat tawhte a lo hautak tak avangin khawtlang mipuite tana thil \angkai tak a nih beiseiin kum 1983 kumtir lam khan Chhiatni Fund hi a losiam \an tawh a, kum 35 na a lo tling ta hial a ni. He Chhiatni Fund hi kan khawtlang tan a lo \angkai hle reng a, hetih hun lai hian \henawm khua/Branch te leh Zoram hmun tam zawkah pawh an lo la siam ve thei lo a ni. A \hat zia leh \angkai ziate hriain vawiin ni-ah chuan keini Branch aia uar zawk leh duhthawh zawk an ni deuh vek tawh a ni.
    He Chhiatni Fund, chhungtin tena kan thawhkhawm hi YMA pawisa a ni lova, YMA Account ah pawh lut lovin Chhiatni Fund Sub-Committee dinin an ni hian an enkawl a ni. Kan khawtlangah thihna tawkte an lo awmin hetia kan thawhkhawm a\ang hian a \ul apiang tumsak \hin a ni a, kuang man ringawt te hi a hautak hle a, tlaivar zana tlaivarte ei leh in leh Gas mante thlengin a tum \hin a ni. |umkhat thihna lo thlengah hian ` 4,000 - 5,000 pawhin min Complete thei tawh lo hial a ni. Chhiat tawkte tan a hahdamthlak a, engmah ngaihtuah ngai lovin YMA in he fund a\ang hian a \ul zualpui te chu a tuamhlawm \hin a ni. Thihni a chhungtina ` 10 kan khawn \hin pawh hi Gas bur khat man bak adang zawng chu chhiat tawkte hnena hlan \hin a ni tawh a, thlanlai senso leh tlaivar zana senso chu Chhiatni Fund a\ang vek hian tum tur a ni tawh a ni.
    He chhiatni Fund pe ve duhlote chu he Fund a\anga chhawmdawlna ah hian an tel ve thei ngai lova, chhiat tawk thei vek kan nih avangin mitinin ngaih pawimawh a \ha hle. Chhungtin in thihna/chhiatna kan tawh vek loh avangin tlem te te a kan thawh tlingkhawm hian chhiat tawkte a tuam hlawm thei a ni tih hriat reng a \ha hle.
    Tin, vengchhunga thihna mai bakah ‘ruang’ kan veng a\anga chhuakte pawh kuang tumsak \hin an ni a, tin, chhiatna dang - hmun danga thite, chhiatna thil dang thleng thutah te pawh he fund a\anga a \ul anga chhawmdawl \hin an ni. Thlanmual bungruate,  chhiatni a kan mamawh dang dang leh kuang khuhna tlengin he fund a\ang hian neih/kawl reng a ni. Kuang khuhna phei hi chu mitthi chhungte apiangin hmang thei ila, nalh leh mawi taka siam, mitin ina kan duh dan taka kan siamtir \hin anga siam a ni. Hman nachang hre zel ila, senso a tihlem ang. Chhiattawh bawk, hautak bawk si hi a ti nep deuh dawn a ni.
    Kan khawtlangah chhungtinte khawsakna a in chen  loh avangin kan thawh theih tawk ang zel tura rin anga kan thawh dan tur hi intuk \hin a ni a, , veng \henkhatah chuan rethei leh hausa pawh heng thilah kher hi chuan an hrut rual vek zawk a ni. Chuvangin, chhiatni fund hi a hlu a, kan mamawh \heuh a, pe thei vek zel ila, he fund a\anga chhawmdawlna kan dawng lo a nih chuan thil lawmawm leh vanneihthlak tak a ni thung a ni. I ngaihlu deuh deuh ang u.

PAGE - 2

EDITORIAL :

          Rahbi
    Thingtlang khaw pakhat-ah (an khaw hming ka sawi mai thei ta lo) chuan zingthawh dar an vaw \hin a, \halaite chuan zing an thawhma phah a, chu chuan rah \ha chhuahin faina kawngah hma an sawn a, an thlawhma lak leh an sum lakluh te pawh a pun phah a, hma nasa takin an sawn niin an sawi tlat mai. Eizawnna avangin zan rei tak thleng a hnathawkte pawh kan awm ta. Tin, taksa bawrhsawmna avanga mu hleitheilo engmaw an awm bawk a. Chhan hrang hrang - Kohhran Programme, pawl thil  etc avanga mu hma hman lo te pawh kan awm ngei ang.  Amaherawhchu,a tam zawk te chu zan lama hnathawk lem lo, T.V en leh Mobile khawih avanga mengrei te kan ni hlawm a, changkanna in a ken tel a nih avangin in dem ngawt erawh a fuh ber lo.
    Englekhawle, kan menrei chhan chu engvang pawh ni se, kan tho tlai ta em em  mai hi pawiin chu kawng hrang hranga hmasawnna daltu lian leh kan hmalam atana  thil pawi tak chu a ni chiang khawp mai. Kan in thin harh deuh chu a ngai a ni. Tin,nu leh pa/ pi leh pu  te pawhin kan tu leh faten zingkara an tihtur tuk sak thiam hi a va pawimawh em.  Naupang te an nih lai a\anga  zingkar a\angin hnathawhpui te, entir nan - tual han phiahfai pui mai emaw tunlai \awng taka ‘Walk’ pui emaw te pawh a \ha hle ang.
    Zing kan thawh tlai a chhuanlam hman tam ber chu tih tur a awm chuanglo tih hi a ni a. Hei hi chu thatchhe \awngkam mai a ni. Thawhtlai hi thatchhhiatna bul a ni a, kan ram leh hnam hi humhalh a,  dingchhuak tur leh hmalam pan zel tura  a kan duh tak zet chuan kan tho tlai tur a ni a lo. Mi ropui nia khawvelin a sawi te zingah hian tho tlai an vang teh a nia

Harh la, tho hma la, hmalam pan rawh.

YMA kumpuan kaihhruaina
Chhunzawmna.....
BRANCH YMA TIH TUR :
5.    Eirukna leh hlemhletna tibo tura hmalak :
a)    Ram leh khawtlang hmasawnna tura sawrkar hmalakna hrang hrangte, a nih tur ang taka thawh leh kalpui a nih theih nan leh hman a nih theih nan zir chian/enpui nise.
b)    Mipuiin Gas, Buhfai leh mamawh dang te buk tling dik taka kan chan theih nan hma lak nise.
c)    Kut tling lova sum la lut thinte endawng thiam tura inzirtir nise.
d)    Kan hnam nun zemawia seng luh tlak loh eirukna leh hlemhletna laka kan fihlim theih nan inzirtir nise.
 

6. Zirna lama hmalak :
a)    Zirna leh thiamna hi hnam \han zel nan te, hmasawnna leh himna atan thil \ul leh pawimawh a nih avangin, theih tawpa hmalak ni se.
b)    Mizoram-a Central leh State Institution hrang hranga ram leilung fate’n seat an neih luahkhat ngei tura inzirtir ni se. Mizoram pawna Zirna In hrang hranga kan State Quota pawh ram leilung fate’n kan chan ngei theih nan theih tawpa hmalak ni bawk se.
c)    All India Service/Central Service-ah a tam thei ang ber lut tura infuih a, Central sawrkar hnuaia hna dangah pawh a tam thei ang ber lut tura infuih ni bawk se.
d)    Zirna lama Talent nei \ha, zir zelna atana sum leh pai lama harsatna nei te chhawmdawlna kawngah hmalak nise.
e)    Mahni huam chhunga zirna kawng hrang hranga hlawhtlingte chawimawi kawngah nasa leh zuala hmalak nise.
 

7. Inpumkhatna lama hmalak :
Mizoram leh hmun hrang hranga Mizo/Zo hnahthlakte inpumkhatna atan hmalak nise. Hetihlai hian chibing inlahrang zawnga thil tih hian ram leh hnam inpumkhatna a tihchhiat theih avang leh inthendarhna a thlen theih avangin, chibing inlahrang zawnga hma lakna reng reng dodal zel nise.
 

8.    Hmalakna tur dang te :
a)    Kumpuan pualin Committee siam nise.
b)    Kumpuan pual inkhawm buatsaih a, a hma thei anga hawnna neih ngei nise.
c)    YMA Day leh YMA hminga inkhawmna-ah leh remchang dangah te Kumpuan chungchang sawi \hin nise.
d)    Mahni Branch huam chhunga Zirna In-ah Kumpuan inzirtirna neih nise.
e)    Branch YMA Chanchinbu nei chuan Kumpuan Kaihhruaina hi tarlan nise. Kumpuan lam hawi thuziak a tam thei ang ber tarlan \hin nise.
f)    Kumpuan bawhzuina-ah a \ul dan a zirin Sawrkar, Kohhran, Political Party, Local Council/Village Council leh tlawmngai pawl dang te nen thawhho nise.
g)    Heta tarlan bak \ha leh mamawh dan a zirin hmalak nise.

Advertisement....

ADMISSION OPEN
(2018 - 2019 SESSION)
    KG-I to Class-VII Admission hawn mek a ni a, February thla chhunga admission ti te tan U.S a\angin achanve tum sak an ni ang. Tin, U.S a mite hnen a\angin Online Class pek \hin an ni dawn bawk.
Admission fee ` 1,000/-

    Sd/- ALVIN LALTLANMAWIA
    (Principal)
(3-1)    F.THANGMAWIA MEMORIAL SCHOOL

PAGE - 3

HRIATTIRNA :

Taxi Fare
    Feb. ni 5, 2018 (Thawh\anni) a\ang hian Hlimen Taxi Rate tihsan a ni tawh dawn a, Melthum Quarry a\anga Hlimen lam zawng mi 1 tan chuan man (fare) ` 30 a ni ang a, School naupang Uniform ha chu Rate pangngai ` 20 a la ni ang.
   
    Sd/- Secretary, Kulikawn Taxi Welfare
    Ngaizel Road

HNARUAK
    Central YMA hnuaiah Morgue Bus leh Morgue Van khalh turin Driver pahnih (2) mamawh a ni a, dil duh chuan dilna plain paper-ah ziak in Feb. ni 14, 2018 ral hmain Central YMA Office, Tuikhuahtlang ah thehluh tur a ni.
Interview    : Feb. ni 15, 2018, Dar 12:00 Noon
A hmun     : Central YMA Office
Document thil tel ngai te :
1.  Driving License (Transport) Valid
2.  Birth Certificate
3.  Branch YMA hriatpuina

Local Council hriattirna
     ‘Capacity Building in Electronics System Design and Manufacturing Scheme’ chu  NIELIT Aizawl pawhin a kalpui mek a, he Scheme hnuaiah hian ‘ Repairing and maintenance of Power Supply, Inverter & UPS’ Course , Class -X pass chin emaw ITI Course zo chin tan emaw hawn mek a ni a, zir hunchhung hi karthum(3) a ni a, hetiang lama tui; training duh te chu tun thla (Feb.) chhung ngeiin Local Council Office ah in report tur a ni e.
    Tin, Village Education Development, Hlimen ten SBI Account chung thil pawimawh leh SBI lama thehluh tura awm a, Local Council Office-ah aranglama ngaihven tur a ni e.

Sd/- Lalhmingliana, Chairman. L.C

HSA hriattirna
    Member nilo chuan vawk talh khap a ni a, kar khatah vawk pasarih (7) talh nise a ti a ni. Vawk talh tur ten Pu N.Zonunmawia hnenah in report tur a ni. Sa dawhkan man ` 30 kan lak \hin chu ` 50 ni tawh se tih a ni a, an inreport na-ah pek lawk tawh tur a ni. Hei hi February thla a\anga hman \an tur a ni. HSA Member ni duh chuan Secretary te hnenah ` 100 pein member a nih theih a, February thla chhungin pek vek tur a ni. Vawksa Rate ` 280 hi mipuite kan inhriattir nawn leh a, engemaw pawisa nawi neih loh avangin buk lung 1 kg a Gram 100 dahbelh a bukin ` 300 a tih kan pawm bawk.
Sd/- Secretary, H.S.A. Hlimen

Bawng kahraina
    Rural Animal Health Centre, Hlimen chuan bawng kahraina (A1) a nei thar a, bawng vulhtute tan koh theih a ni e.
    Bawng kahrai (A1) lama tui mite tan Bawng kahrai training AH&vey Deptt. chuan a buatsaih dawn a, Training duh chuan Hlimen Vety Office-ah Feb. ni 7, 2018 ralhmain in report tur a ni.
    Sd/- Veterinary Field Assitant        Hlimen

LAWRKHAWM :

Chhiatni Fund tuk
    Jan. ni 29, 2018 (Thawh\anni) zan khan Branch YMA hruaitute leh Section YMA hruaitu te chuan kum 2018 chhung atan chhungtin te chhiatni Fund an tuk a, chhiatni fund khawn hna hi Section tin ten mahni area \heuhah an thawk dawn a ni. Hemi zana chhiatni Fund intuk dan khaikhawmna chu hetiang hi a ni e :-

    Section          Chhungkaw zat       Tuk zat(`)
    Buala                     146              41,000
    Damvea                 143              39,150
    Kapdaia                 141              36,700
    Lalsavunga              40              12,200
    Saichhuma            130             38,000
    Vawmphunga          63             20,750
                     Total    663           1,87,650
 

Chhiatni Report
    Pu Zonunsanga puala buhfai leh pawisa khawn khawm dan leh thlanlaih dan ziaka hmuh theih chin :-
Section              Chhung kua    Pawisa    Buhfai    Thlanlai                              

Buala                         108         970        120    12            

Damvea                     126       1,190        133    3    

Kapdaia                     119       1,090        128    5           

Lalsavunga                  35        330           35    2            

Saichhuma                  87         950          92    5        

Vawmphunga              38         450          40    5  
    Total                      513     4,980        548    32  
    Kapdaia Sec. hi chhiattawk Section an ni.

UPHC Report
     Jan. ni 27- Feb. ni 2, 2018 OPD report tlangpui :- OPD- 176, Naupiang zat - Nil, Inpatient-1, Dressing-12, Emergency - 8,
    Feb.ni 6, 2018 hian Lungleng-I leh N.Lunglengah Free Clinic neih a ni anga, atuk Feb.ni 7 hian Doctor-in training a neih dawn avangin OPD khar a ni ang.
    Feb. ni 9, 2018 hian PMSMA day hman leh tur a ni a, naupai thla 4 chunglam inentir leh tur a ni e. Tin, Jan. ni 31, 2018 khan Ruh Specialist Dr Mankima a lokal a, February thla hian Specialist hi a lokal leh theih  beisei a ni.

Hlimen Vengthar Welfare hruaitute
    Feb. ni 2, 2018 zan khan 2018 Hlimen Vengthar welfare hruaitu thlanna neih a ni a, chungte chu :-
    Chairman    :    Pu Sangzuala
    Vice Chairman    :    Pu B. Lalbiakmawia
    Secretary    :    Tv. Lalthlengliana
    Asst. Secy.    :    Tv. Lalpekthanga
    Treasurer    :    Pu H. Lal\anpuia
    Fin. Secy.    :    K. Lalremruata

Advertisement....

Computer Class Free Admission
    Computer Class (CCC, CCA, DCA), Maths tuition, I.T Tuition, Spoken English ah te Admission a tih theih e.
    SB INFOTECH
    Thakthing Damveng
    C. Dothanga (IPS rtd) Building
(2-2)    MB : 7308002120/8787883628

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2018  thla Budget  pe tla tawh te:
1.    Kapdaia Sec.

Branch Exe. Committee
    Feb. ni 9, 2018 (Fri) zan dar 7:00 hian Branch Exe. Committee chu YMA Hall-ah koh ani a, kohna dang siam a nih dawn loh avangin hei hi kohna puitlingah ngaih tur a ni e.
Sd/- Secretary

Lalsavunga park duty tur te
Feb. ni 4, 2018 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David Vanlalhuma 6. Pu Zolianchhunga 7. Pu Lalbiaksanga. 8. Tv. Lalromawia. 9. Tv. Zonunkima.

Feb. ni 11, 2017 (Pathianni): 1. Pu Lalrinmawia. 2.    Tv. R. Lalrindika 3. Pu Zoramhmangaiha 4. Pu Laldawngliana 5. Pu Biaknghinglova. 6. Tv. Lalpekthanga (KD) 7. Pu Jerome Lalduhbika (BS) 8. Tv. Lalnunsiama (BS).

Kapdaia Section
    Central Workshop kawt (Kudam) bulah motor zanriah phal a ni lo a, lung (Border) leh rora chhut tur bun phal a ni lo. Lalsavunga Park kawng a nih avangin helai zawl hi lirthei inpelhna ber a ni a, tunhnuah Boulder leh motor lian dah tawh lo turin kan in hriattir e. Thuawih lo a tilui kan awm chuan Action lak a ni ang.
    Vawk kahna (Gas) \ha tak lei thar a ni a, ` 100 in a mamawh tan hawh theih a ni.

YMA kumpuan hawng
    Central YMA chuan Jan. ni 30, 2018(Thawhlehni) zan khan Vanapa Hall-ah kum 2018 a YMA kumpuan ‘Ram leh hnam humhalh’ hawnna inkhawm a buatsaih a, CYMA President hlui Pu Lalbiakzuala’n a hawng.
    He programme hi Pu R.Lalngheta, Vice President  CYMA; kumpuan Chairman ni bawk chuan a kaihruai a, Pu Peter Chhahchhuak, Asst.Secy. CYMA in hunserh hmangin Tv. Lalhmachhuana, Gen.Secy. CYMA in report a pe a, Pu Lalbiakzuala President CYMA hnen a\angin thusawi \ha tak ngaihthlak a ni. Tin, Pu Fabian Lalfakawma, Fin.Secy CYMA in lawmthu sawina hun a hmang bawk. Tin, zaipawl leh mal zai mawi tak tak ngaihthlak a ni bawk. Hemi zan hian kan Branch a\angin mi 9 an kal ve bawk a ni.

Vawmphunga Section
    Feb. ni 3, 2018 zingkar khan Vawmphunga Sec. te chuan an Sec. chhung kawngdung tifaiin hnatlang an nei a. Tin, chhun lamah Sec. \hutthleng rawng hnawih leh bungrua chei thar hnatlang an nei bawk. He thu buatsaih lai hian hnatlan dan kimchang hriat hman a ni lo.

Hlimkhawpui Agents
    Buala Section Hlimkhawpui Agent atan Tv. Zonunsanga chu ruat thar niin Pu Laltlankima chu  Damvea sec. a\angin Hlimkhawpui Agent atan ruat thar a ni bawk.

Kohhran News
Presbyterian Church of India
    Hlimen Presbyterian Kohhran hi April ni 27, 1906 khan din niin tunah hian Kohhran member 1489
awmin chung zinga 762 hmeichhhia niin Mipa 727 an  awm. Tin, dan zawh kim mi 1130 an awm bawk.
    Tin, tunah hian Kohhran Upa 9 awmin Bialtu Pastor \huthmun a ni bawk.
    Tin, Pathianni sikul (Sunday School ) ah hian puitlingah mi 654 in hming an ziak a, naupanglamah mi 440 in hming an ziak bawk. Tin, K|P member hi 431 niin chung zinga 169 chu hmeichhia niin 262 chu mipa an ni.
    Tin, Kohhran hmeichhia member 520 niin Kohhran Pavalai member hi 104 lai an ni bawk.
    (Hlimen a Kohhran hrang hrang chanchin tlangpui hi Issue tinin tarlan \hin tum a ni.)

Sport News
Taekwondo
    Lalfakzuala S/o Lalhmingmawia chuan Feb. ni 6, 2018 hian India Team zawm turin Delhi panin a tukah 18th Asian Games Invitation Tournament,  a khel turin Jakarta, Indonesia lam panin an chhuak leh nghal ang.

KAN THEN TAK

ZONUNSANGA (Kum 48)
    Pu Zonunsanga hi Pu Tlangrawta leh Pi Denghnuni (L) te inkarah an fa palina ni turin kum 1970 khan Tualte khuaah alo piang a. Tualte a\angin Aizawl Ramthar ah pem in, kum 1994 khan tuna a chenna Hlimen, Aizawl ah hian an chhungkuain an pem ta a ni.
    Pu Zonunsanga te unau hi Sawm leh pali(14) niin hmeichhia 10 leh mipa 4 an ni. Kum 1993-ah Pi Lalremruati nen inneiin fa pali(4) an nei.
    Pu Zonunsanga hi kuthnathawka eizawng niin mi taima tak a ni a, kut themthiamna lamah pawh talent nei \ha tak a ni a, \henrual kawm thiam leh naupang huikhawm thiam tak a ni.
    Kohhran lamah Pavalai pawlah OB niin Vice-Chairman leh Asst. Secretary te pawh lo thawk ve tawh in tunah hian taksa lam harsatna avangin member a ni a. Tin, Biak In enkawl hna pawh rinawm takin kum engngemaw ti chhung chu a thawk a, Kohhran pawh hi neitu chan a chang em em a ni.
    Kum 1998 a\ang khan Saitika natna in a tlakbuak a, thisen sang, zunthlum leh nerve natna in tlakbuak chhunzawmin vawi tam tak Doctor te rawn in enkawl a ni \hin a. Kum 2016 kum chanve a\angin a natna hian zual lam a pan a, kum 2017 December  damdawiin ah lutin enkawl niin, in lamah te inkawl leh a nih hnuah kumthar ah BN Hospital-ah lut leh in a natna hian ziaawm lam pan thei lovin Doctor leh Nurse te theihtawp chhuah in Jan. ni 30, 2018 zing lam dar 12:12 khan min lo kalsan ta a ni.

Advertisement....

MD septic tank servise
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542   ,                 Ph.No 9436199884,     (10-4)                                9862476439