Hlimkhawpui 2018: May 2018

Saturday, 26 May 2018

Tomir thla (May) Ni 26, 2018, Issue No. 21

PAGE - 1

TUALCHHUNG :

Boral : May ni 20, 2018 (Pathianni) 5:10 Pm khan Nl. Lalzuimawii (K-33) D/o R. Hmingthansiama Saichhuma Sec. a mi chu thin \ha lo avangin a boral a, a ruang hi lumen niin a tukah Thlanmual-I ah vuiliam a ni.

Damlo : Pi Biakdangi, Saichhuma Sec. a mi chu taksa lam hrisel lohna avangin Investigation hrang hrang tih niin tunah hian in lamah enkawl mek a ni.

## Nguntluangi C/o Chami, Buala Sec. a mi chu May ni 22, 2018 zan khan thisen sang avanng State Referral Hospital, Falkawn-ah Admit a ni.

In ziak tling : Pu Johnny Lalhruaizela S/o R. Lalhmachhuana Vawmphunga Sec. a mi chuan Mizoram Public Service Commission in Limited Departmental Examination a buatsaih chu Exam in UDC a\angin Assistant Grade ah a in ziak tling. Pu Johnny a hi Multi Modal Project Division, PWD Lawngtlai a thawk lai a ni.

HSSLC Passed : Issue hmasa lama tarlan bakah Lalbiakhlua S/o Lallawmkima(L), Saichhuma Sec. a mi chuan HSSLC III Div. ah a passed.
HSSLC passed chanchinbu a la tarlan loh hria kan awm chuan EB te hnenah rawn hriattir thei ula kan lawm hle ang.

Inrindiksiak : Kumin World Cup Football khelh turah Champion tura inrikdiksiak (Prediction) Hlimkhawpui E.B ten an buatsaih dawn a, ring dik zinga vannei ber hnenah lawmman \ha tawk tak hlan a ni dawn. A duh apiangte tan Champion tura rin thehluh theih a ni ang a, Hlimkhawpui chhuak leh tur lamah kimchang zawka tarlan a ni ang.

Kumpuan Sub.Commtt. ngenna : Veng-chhung a ruihhlo a hluar chho a, hei hian ruk ruk a keng tel a, chhungtinte fimkhur tur leh khawtlang a lo thianghlim zawk nan ruihhlo zuar kan hriatte man an nih theih nan Duty te hnenah report zel turin kumpuan Sub-Committee chuan mitinte a ngen a ni. Tin, ruihhlo ti \hinte pawh midangte buaina siam leh hnawksak zawnga khawsa lo turin a chah nghal bawk.

HEADLINE :

YMA DAY ROPUI TAKIN LAWM A NI DAWN
SECTION INELNA TAN CHHOH A NI TA
    Branch YMA Exe. Committee in a lo rel tawh angin YMA Day chu ropui takin ruai leh infiamna hrang hrang nen lawm a ni dawn ta. Section hrang hrangte inelna pakhat Football chu \an chhoh a ni ta der mai. Infiamna dang tam zawk hmangin YMA Day - June ni 15, 2018 hian Section tinte inel a ni bawk ang.
    YMA Day pual a Section tinte inelna tur leh item neih dan tur hetiang hian ruahman a ni :-

a) Football : Section tin atangin Team khat \heuh tel theih a ni. Pool ‘A’ ah hian Buala Sec. (Seeded), Kapdaia Sec. leh Lalsavunga Sec. an awm a, Pool ‘B’ ah hian Saichhuma (Seeded), Damvea Sec. leh Vawmphunga Sec. te an awm ho bawk. He YMA Day Tournament hi Knock out System a khelh tur a ni ang, khelh hunchhung hi 35+35 Minute a ni ang a, hemi hunchhung a an inhnehtawk a nih chuan Penalty Shoot Out hmanga chak zawk zawn tur a ni ang.

b) Cultural Dance : Cultural Sub- Committee ten a \ul angin ruahmanna an lo siam ang.

c) Mizo Infiamna : Branch O.B. ten ruahmanna an lo siam ang.

d) Lemchan tawi ( Kumpuan lam hawi) : YMA Day lawm zan a entir tur, Section tin a\angin beisei a ni.

e) Kumpuan Thusawi : YMA Kumpuan thusawi hi YMA Day lawm zanah ngaihthlak a ni ang.

f) Special Item : YMA Day lawm zanah Section tin atangin Special Items an duh apiang pakhat \heuh rawn tihlawhtling tur a beisei an ni.

h) Ruai : Hemi ngaihtuah tur bik Committee din niin ruai Committee in a rel angin YMA Day ruai\hehna a tel tur ten ` 100 thawh \heuh tur a ni a, YMA Member bakah YMA chhângte pawh mi 1 in ` 100 thawhin tel theih a ni bawk dawn a ni.
    May thla ralhmain Section tin ten mahni Sec. \heuh-ah khawn tur a ni ang a, pawisa leh hming list hi Branch Asst. Secretary Tv. Lalkhawmawia hnenah thehluh tur a ni.

i) Essay Writing Competition : YMA member a duh apiangin ziah theih a ni a. Kut ziak emaw khawl chhut emaw pawm ve ve a ni ang. May thla chhungin Convener Pu Robuanga hnenah thehluh tur a ni. Word 1500 - 2000 a khung len tur a ni.
    Heng baka ruahmanna awm thei ang chu Branch O.B. te kutah dah a ni.

j) YMA Day Lady : YMA Day zan Programme a Mizo inthuam a inthuam nula hmel\ha leh piannalh a\angin DAY LADY thlan a ni dawn a, Day Lady thlan hi Hlimkhawpui Chanchinbu Editorial Board ten an buaipui ang.

PAGE - 2

EDITORIAL :

            Chhûra kan ang mai em ?
    Mizo thawnthu ah Nâhaia leh Chhûra chengkek lawhthu kan hmu/hria a, Chhûra chuan Chengkek zar a kuai a, “ Nahâia chu nise heti hian a lo mai tur.” tiin chengkek rah chu a hum a, a thlah leh mai \hin a, Nâhaia lawh sa chu it em em in a awm tiin Pi leh pu ten min hrilh \hin. Nâhaia lawh dan te chu Chhura hian a hmu in a hre vek a; nachang hria se chuan a lo ve thei reng tho si a.
    Mi veng \halai changkan dan leh hmasawn dan te, khawtlang hmasawn chak zia te kan hmu in kan hre tlang hlawm hle. Engvanga changkang bik nge an nih a, khawtlang te chu engvanga hmasawn chak bik nge an nih pawh kan hria. Chhûran Nâhaia chengkek lawh dan a hria a, tum se chuan a lo ve thei reng tho a; mahse, ti ve thei lo emaw a in tih na chu nachang a hriat loh vang a ni. Kan khawtlang mipui ho pawh hi Chhûra ang mai a nachang hre lo kan ni ve mai em?
    Khawtlang hruaitu ten khawtlang hmasawn nan leh changkan nan tiin faina leh thianghlimna kawngah theihtawp a \an la in, mipui lam ten kan tih ve tur a an tuk te hi zawm ila; khawfai leh thianghlim, changkang chu kan ni ve mai awm si a. Tin, khawtlang ti\awp a timualphotu leh hmusitawma min siamtu ruihhlo tualchhunga zawrh leh ruih a khap te hi ti lo ila; khua/veng changkang, thianghlim chu kan ni ve ngei ang le.. Mi veng changkang te kan awh em em hi duh chuan kan ni ve thei reng si a. Khawtlang hruaitu ten tihtur an tih leh tih loh tur an tih zawm hi kan thei reng a, kan zawm duh loh vang te, luhlul kan chhuah avang te hian khawtlang \halai nun hian a tuar a, a changkang lo mai a ni.
    Nachâng kan hriat loh na hi Chhûra ang mai kan nih na a ni mai em le?

CENTRAL YMA CHETVELNA
18.5.2018 :   Zan Dar 7:00 khan Central YMA Hall-ah LBS Suzuki 21st Inter Branch YMA Volleyball Tournament-2018 Spike Off program hman a ni.

18.5.2018 :   Minister- Agriculture Dept hovin Central YMA OB te leh Agriculture Dept. Officer te Minister pisa ah Joint Meeting an nei a, YMA General Conference 2017 thurel, “Hlo tur leh rannung thahna hlo kan hman dan hi fimkhur leh a nihna tur ang taka hman anih theih nan Central YMA in hma la rawh se” tih thu bawhzui dan tur an sawiho.

19.5.2018 :   Mission Vengthlang YMA in an vengchhung a Padma Shree Awardee- Pi Khawlkungi (L), Pu C. Rokhuma (L), Rev. Dr. Lalmalsawma(L) te hriatrengna lung an phun chu Pu Vanlalruata President in a hawng a, Pu Lalrinawma CEC, Pu Chawngthankima CEC ten an \awiawm.

21.5.2018 :   MSU General Hqrs. buatsaihin Lal Thanhawla Auditorium ah HSSLC Exam 2018 a Mizo Zirlai, Stream tin a Top-3 te chawimawina hun hman a ni. Pu Vanlalfela CEC leh Pu F. Lalfakawma CEC te an tel.

21.5.2018 :   Chief Secretary Conference Hall-ah Food, Civil Supplies & Consumer Affairs Dept. Officers leh Central YMA hruaitute Joint Meeting an nei a, mipui ten buhfai leh Gas buk tling ngei an dawn theihna tura hmalak dan tur an sawiho. He hunah hian Central YMA OB te bakah Pu C. Vanlalsanga CEC, Pu M.S. Ralte CEC, Pu H.F. Lalrinpuia CEC te an tel.

22.5.2018 :   Myanmar atangin Upper Chindwin Youth Network hruaitu ten Mizoram an rawn tlawh a, Central YMA Office ah Meeting neih pui an ni a, Pu Vanlalruata, President, Pu R. Lalngheta, Vice President, Pu Peter Chhakchhuak, Asst Secretary, Pu Z. Dengthansanga CEC, Pu M.S. Ralte CEC te an tel a. Ruihhlo do kawnga hmalak dan tur an sawiho.

24.5.2018 :   Shri M. Venkaiah Naidu, Vice President of India in Mizoram a rawn tlawh a, NGO aiawh ten Raj Bhavan- ah an hmu a, Pu Vanlalruata, President leh Tv Lalhmachhuana, Gen Secretary te an tel.

24.5.2018 :   Ramhlun South Branch YMA in, “ Faina” tih hla music video tlangzarh Program an hmang a, Pu Fabian Lalfakawma, Fin. Secretary leh Pu R. Lalduhawma CEC ten an hmanpui.

PAGE - 3

HRIATTIRNA :

Thing Mistiri Association hriattirna
    Hlimen thing Mistiri Association chuan Sorkar thuchhuah angin tun a\ang chuan nikhatah ` 800/- kan hlawh ve tawh dawn a ni tih mipuite kan inhriattir e. Hetih rual hian hruaitu thar leh rate \henkhat pawh siam nghal a ni.
    Kum 2018 - 2019 chhunga hruaitu turte :-
    President   :   Pu V.L.Huapzauva
    Vice President   :   Pu V.Thanchhinga
    Secretary   :   Pu Tlanghmingthanga
    Asst.Secretary   :   Pu R.Lalneihtluanga
    Treasurer   :   Pu Lalnunsanga
    Fin.Secretary   :   Pu Lalhruaitluanga
    Inchung chih man : Inchhun siam a\anga a chung chih thlengin ni khatah ` 1,000/-
    Chokut siam man -   4”X4” (Charchar) - ` 50/ft
       4”X3” (Chartin)    - ` 40/ft

    Sd/- Secretary
    Hlimen Thing Mistiri Association

NAUPAI REPORT CHUNGCHANG
    Vengchhungah hmeichhia tupawhin eng ang dinhmun a\ang pawhin nau kan pai thei a. Kar 12 (thla 3) hma ngei a Sub-centre a in report hi kan tih ngei ngei tur a ni a, thla 3 hma a in report lo chuan nau neih lawmman dawn theih a nilo. Nau kan pai tih kan hriat vel leh kan in report \hin dawn nia.
    - Health Clinic

Road Protection
    Road Protection Committee in a lo rel tawh angin Taxi Stand felfai zawk a a awm theih na tura ruahmanna a siam chu a taka hman niin Taxi Driver ten thuawih taka an hman avangin Road Protection Committee chuan lawmthu a sawi tak meuh meuh a ni.
    Chutihrualin Taxi Stand siamah hian Taxi lo chu lirthei engchi mah dah awih a ni lo a, a dah lui chu action lak a ni ang.
Sd/- Secretary,
Road Proctection Committee

Advertisement...

MD Septic Tank Servise
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak kan ni e. Kan rate a tlawm bawk.

Regd. No MSR542,                 Ph.No
                                     9436199884, 9862476439

ADMISSION NOTICE
    Biakliana Memorial Higher Secondary School, Kulikawn Near BN Hospital, Aizawl-ah kum 2018 - 2019 Academic Session atan Class IX - XII (Arts) admission a tih theih leh ta e.
    HSLC result hnuhnung berah 77% in an passed a, HSSLC result-ah 100% in an passed bawk. I tu leh fate rawn dah ve teh le.

(4-2)            Contact : 9862756137, 9862356886

LAWRKHAWM :

UPHC Report
    May ni 19 - 25, 2018 chhunga UPHC Hlimen Report tlangpui hetiang hi a ni :-
OPD - 119           Naupai enzat - 5
Naupiang zat - Nil       Emergency - 9
Dressing - 15           Inpatient - Nil
    June ni 1, 2018 (Zirtawpni) hian Melthum ah Free Clinic neih anih dawn avangin OPD khar a ni ang.

Chhiatni Report
    Nl. Lalzuimawii puala buhfai leh pawisa khawn khawm dan leh thlanlaih dan ziaka hmuh theih chin :-
Section             Chhungkua    Pawisa   Buhfai   Thlanlai

Buala 122 1,010 133 22

Damvea 116 1,080 124 10

Kapdaia 127 1,210 135 10

Lalsavunga 39 380 39 4

Saichhuma 91 730 110 5

Vawmphunga         40             400         45 2
    Total                535            4810      586   38
    Saichhuma Sec. hi chhiattawk Section an ni.

GOSPEL CAMPING
    Isua |hiante Team chuan June ni 4 - 9, 2018 chhung hian thlarau lama tuihalna nei leh a duh apiangte tan Chhandamna Camping a buatsaih leh dawn a, a duh apiangte tan luh theih a ni e.

Speaker    :   Upa H.Lalnunzira
       C. Lalrampana
A hmun   : P/S - II, Hlimen
A hun   : June ni 4 - 9, 2018
    Registration : 12:00 p.m - 5:00 p.m
    Chaw ei lova luh tur a ni ang.
Ken turte   : Bible, Note bu, Thleng & no, Buhfai 5 Kg.

Lawmthu   :   Dt. 14th-25th May, 2018 chhunga Camping neih zawh taka sum leh pai, thil pek dang, tha leh zung sengtute leh Security hna tlin taka min thawhsaktu Br.YMA chungah thinlung takin lawmthu kan sawi e.

Report   :   Camper lut zawng zawng
       Mipa - 21     Hmeichhia - 1   Total - 22
       A tawp thleng a awm - 15

           Sd/- N.ZOLIANSANGA
           Secretary
Contact : 9862-372-655   Isua |hiante Team

ADDMA Zone X-ah hlimen
    Aizawl District Disaster Management Authority ah Hlimen hi Kulikawn, Tlangnuam, Saikhamakawn, Melthum te nen Zone X ah kan awm ho a. Kan Zone hi Asst. Commissioner and Zonal Officer Alan Lalthanzara’n a vil mek a ni. Aizawl khua leh District veng hrang hrang hi Disaster Zone a \hen ani a. Zone tin hi Executive Magistrate/MCS in an vil a ni.
    May ni 25, 2018 khan PWD, D&MR, G&MR Dept. ten   Ngaizela lung tlak hlauhawm leh mipui tan a him lo lai te endik a Joint- Verification te neiin member engngemaw zat an thawkchhuak a ni.

PAGE - 4

KEIMAHNI :

Hlimkhawpui Budget
    Hlimkhawpui March & April. 2018 thla Budget pe tla tawh te:
1.   Saichhuma Sec.   2. Kapdaia Sec.
3.    DamveaSec.   4. Buala Sec.
5.   Lalsavunga Sec.
    Tin, Kapdaia Sec. te hian May & June an rawn tlak ta bawk.

Lalsavunga Park Duty tur te
May ni 27, 2018 (Pathianni) : 1. Pu Lalrinmawia 2. Tv. R. Lalrindika 3. Pu Zoramhmangaiha 4. Pu Biaknghinglova 5. Jerome Lalduhbika 6. Pu Zoramsiama 7. Tv. Lalpekthanga 8. Tv. Lalnunmawia (BS)   9. Tv. Lalnunsiama 10. Tv. Samson Lalrinfela.

June. ni 3, 2018 (Pathianni) : 1. Pu Robuanga 2. Pu Laldawngliana 3. Pu Zairemthanga 4. Pu J. Vanlalbiakdika. 5. Tv. Zonunsanga 6. Pu Andrew C. Lalrinchhana 7. Pu Lalchhantluanga 8. Tv. Joseph Laldinliana 9. Pu Zomuanpuia (KD) 10. Tv. Lallawmsanga (KD)

YMA in ral
    May ni 22, 2018 zan khan Nl. Lalzuimawii ralna hun hman a ni a, ralna pawisa tlingkhawm ` 8,730/- chu a chhungte hnenah hlan a ni.

Camp pualin pe
    Branch YMA huan chuan Isua |hiante team in Gospel Camping an buatsaihah ` 5,000/- an pe.

Damvea Section
    May ni 19, 2018 (Inrinni) khan Damvea Sec. te chuan SIPMIU hnuaiah Side Drain siamin inhlawh hnatlang an nei a, Member thawkchhuak zawng zawngte chungah leh inhlawhna siamsaktu chungah Section hruaitu ten lawmthu an sawi tak meuh meuh a ni.

Advertisement....

Sports News
TAEKWONDO
2nd Kukkiwon Cup - Indian International Taekwondo Championship, May ni 22nd - 24th chhung a Delhi-a khelh zawh tak ah, Mizoram Team chuan Gold 16, Silver 14, Bronze 13 lain a pumpuiah an Champion a ni. Tv. Lalfakzuala S/o Lalhmingmawia, Saichhuma Section, CMTC chuan Junior Individual ah Gold medal la in, Hlimkhawpui EB te chuan kan chhuangin a kal leh zelna turah duhsakna kan hlan mawlh mawlh a ni.

VOLLEYBALL
LBS SUZUKI 21st Inter Branch YMA Volleyball Tournament- 2018 khelh mek ah Hlimen Branch YMA Volleyball Team te pawh telin, mipa Team in Branch pahnih - Darlawng leh Bunghmun hneh tawhin May ni 28,(Thawh\anni) hian Maubawk an tum leh ang. Hmeichhe team te pawhin ITI hneh tawhin May ni 29, (Thawhlehni) hian Armed Veng ‘S’ an khel leh ang

KAN THEN TAK

Lalzuimawii, KUM 33
    Zuimawii hi Pu R. Hmingthansiama leh Pi Biakthansangi-te fa tlum ber niin kum 1984 April ni 14 khan Civil Hospital, Aizawl-ah a lo piang a. An unau hi mipa 1 leh hmeichhia 2 an ni.
    An upa ber Biakthanmawia hian kum 2014 March ni 14 khan a lo boralsan tawh a ni.
    Kum 2005 October ni 10 khan Vanlalhruaia nen Phuldungsei-ah inneiin fanu Lalpekhlui (Kum 12 mi) an nei a, eng emaw harsatna avangin an nupa hi an khawsa dun thei ta lo a ni.
    Zirna lamah hian a kal thui vak lo va, in lamah a \ul ang ang thawkin eizawnna avangin Chennai lamah kum 2013 khan a kal a, Beautician hna thawkin heta \ang hian Chennai lama a hna hi a hun tawp thlengin a thawk a ni.
Eizawnna avanga Chennai-a hna a thawh lai March, 2018 thla tawp lam khan a taksa lamah a insawisel \an a. Doctor hnenah inentirin admit a ni a.
    Test chi hrang hrang an tih hnuah a thin a \ha lo hle tih leh mitliamte a lo nei a ni tih hriat a ni a. Doctor leh Nurse te’n theih tawpa an enkawl hnu pawhin hma a sawn vak lo va. Aizawl lamah an chhungte hriattir a nih hnuin Aizawl-ah lak chhoh a ni a.
    Aizawl an lo thlen hnu hian Falkawn Referral Hospital-ah May 17, 2018 (Ningani) khan Admit a ni a.
    Doctor leh Nurse te’n theih tawpa an enkawl hnu pawhin a natna chuan \hat lam aiin zual lam a pan zel ta zawk a. Hetihrual hian, May 20, 2018 (Pathianni) khan amah pawh a harh \ha viau a, a chhungte leh \henrual \ha te, amah kantute pawhin beiseina sang zawk nen an \insan hnu hemi ni tlai lam dar 5:10 khan kan rin loh takin min lo kalsan ta a ni.

Saturday, 19 May 2018

Tomir thla(May) Ni 19, 2018, Issue No. 20

PAGE - 1

TUALCHHUNG :

Boral : Pu Lianchhingpuia (K-95), Vawmphunga Sec. a mi chu May ni 15, 2018(Thawhlehni) khan Awmlai-in a boral. A ruang hi lumen niin a tuk May ni 16, 2018(Nilaini) khan vuiliam a ni.

Damlo : Nl. Lallawmzuali D/o Lalnghinglova(L) chu a kawng \halo leh pum lam fello avangin Durtlang Hospital-ah enkawl mek a ni.

##    Lallawmsanga S/o Biakropuia, Saichhuma Sec. a mi chu May ni 16, 2018 khan Saikhamakawn-ah Bike in a su a,a ban ruh ding lam a tliak a.Durtlang Hospital panpui niin May ni 18, 2018 khan zai a ni a, enkawl chhunzawm mek a ni.

##    Nl. Lalrinchhani D/o K. Pakunga Vawmphunga Sec. a mi chu Durtlang Hospital ah a rilphir zai niin tunah inlamah enkawl mek a ni.

Nau nei thar : Pu Bradley Lalchhanchhuaha leh Pi Lalnunsangi (Jipuii) te nupa Saichhuma Sec. a mi te chuan an fa pahnihna atan May ni 17, 2018 ( Ningani) khan UPHC ah fanu duhawm tak an nei thar.

##    Pu Lalrinzuala leh Pi Zoremsiami te nupa, Lalsavunga Sec. a mite chuan an fahmingkoh atan May ni 17, 2018 khan State Referral Hospital, Falkawn-ah fapa duhawm tak an nei thar.

YMA in ral : May ni 17, 2018 zan khan Pu Lianchhingpuia ralna hun hman niin ralna pawisa tlingkhawm ` 7,670/- chu a chhungte hnenah hlan a ni. Pu Lianchhingpuia chhungte hian a \ul apiang a hman atan puan 2 YMA-ah an hlan let bawk.

Vawk thi awm nual : Tunlai vawk hrileng avangin kan vengah pawh vawk thi sawi tur a awm nual a, hri avanga thi te hi hmun remchanga paih mai lova phum theih zel a \ha khawp mai.

HEADLINE :

HSSLC Result chhuak ta
Mizoram Board of School Education in Higher Secondary School Leaving Certificate a tih chhuah takah kan veng a\anga pass thar kan hriat theih chin te :-## Lalmuanpuii (VP) - Dist. L in Geog, Mizo, Edu, Pol Sc.

D/o Thangrehlova

## Laltlanchhuaha (BS) - Dist. L in Pol Sc. Hist, Edu.
S/o Lalngaihawmi

## Lalhriatpuia (BS) - I Div. Arts L In Edu.
S/o Lalthanpuia

## Lalruatkimi(SCS) - I Div. Arts L in Mizo & Geog.
D/o Lalbiakmawia

## Lalmuanpuii (BS) - I Div Arts.
D/o Lalchhuana

## Lalrosanga (SCS) - I Div. Arts.
S/o Lalrenrela

## Ruth Lalengzami(KD) - I Div. Arts
D/o Lallianpuia

## B. Vanlalhmangaihi (KD) - I Div. Arts.
D/o B. Lalbiakmawia

## Vanlaldiki (LSV) - I Div. Arts
D/o Lalsangluri

## Laltlannungi (LSV) - I Div. arts
D/o Lalrinkimi

## Lalpekkima (BS) - II Div Com.
S/o Upa Lalengliana

## Lalhruaizela (BS) - II Div. Arts
S/o R. Lalzuala

## Lalramnghaki (BS) - II Div Arts.
D/o Lalengliana

## Lalpekhlua (BS) - II Div Arts
S/o Upa Lalengliana

## C. Zothantluanga (BS) - II Div. Arts
S/o C. Zoramchhana

## Vanlalruatkima (BS) - II Div. Arts
S/o Lalbiakvela

## B. Zothanpuia (SCS) - II Div. Arts
S/o B. Lalrinpuia

## Lalhmangaihsanga (LSV) - II Div. Arts
S/o K. Lalchhuanawma

## Lallawmsanga (SCS) - II Div. Arts.
S/o Vanlalliana

## Vanlalruati (VP) - II Div Arts
D/o Lalhmingmawia

## Julie Zonunsangi (VP) - II div. Arts
D/o Laltluanga

## Liantluangpuii (DV) - II Div. Arts
D/o A . Lalhmachhuana

## Anil kanti (DV) - II Div. Arts.
C/o C. Lalengzauva

## Joseph Laldinsanga (DV)- III Div Arts.
S/o PC Lalramdina.

##    Lallawmkimi (SCS)   -   III Div Arts.
    C/o Zokhuma
    Chhuah hmaih palh an awm chuan karleh lamah tarlan leh an ni ang.

PAGE - 2

EDITORIAL :

Malsawmna
    I dinhmun a khirh viau a ni thei, mite tana malsawmna nih hi i tan a theihloh niin i hria a ni thei e. Mahse, kawngkhat talin tute tan emaw chuan malsawmna kan ni thei a ni tih hi kan vawn tlat a pawimawh.
    Mite tana malsawmna ni tur chuan inphahhniam \ul tlat changte a lo awm a, mahni neih ang ang pawh chan a \ul chang a lo awm bawk a, midangte kal ngam lohna ah kal te a lo tul bawk a, zahthlak tawpkhawk tawn tlang a ngaih changte a lo awm bawk. Malsawmna ka va nihna turte tana hmuh phak lek lova tlanbosan daih duh chang a awm thei.
    Mahni inphatna tello chuan Malsawmna kan ni thei lovang. Kan rin Lal Isua ngei pawh kha mahni inphatin khawvel chhandam nan leh lei mite malsawmna ni turin he leiah, thilsiamte angah lo changin mihringte tawrh atana na ber thihna thlenga tuar turin a nihna leh a ropuina a phat vek a ni si a. Midangte tan malsawmna kan nih dawn chuan chu dinhmun chu kan hriatchian a ngai.
    I tana malsawmna kha midangte tan malsawmna a ni ve thei em? Midangte tana malsawmna ni tur chuan engtia han thawh chhuah chi nge ni ta ang le? Mite kan tan malsawmna an nihna kawng hi ka ngaihtuah ngai em? Ka ngaihtuah \hin a nih chuan chu kawng chu zawhin midangte tan malsawmna ka nih ve theihna turin ka pen chhuak ve tawh reng reng em? Ka lungngaih laia mite min hnemna hi ching ve in midang lungngaite ka hnem ve tawh em? Ka harsat mangan laia kan ban leh kan pur \hinte hi hrechhuakin midang harsa leh mangangte tan pûr chawkna turin ka inphal ve em? Heng zawhnate hi kan rilru \heuhin ngaihtuah ila, midangte tan malsawmna ni thei turin kan rilru i siam ang u.

KAN THEN TAK

LIANCHHINGPUIA, KUM 95
    Pu Lianchhingpuia hi Pu Mama(L) leh Pi Hnawngi(L) te inkara fahmingkoh ni turin, 1923 May thla khan Phulpui khua-ah a lo piang a. An unau hi hmeichhia 3 leh mipa 2 an ni.
    Kum 1949 khan Pastor Chuautera kutah Chalthangvungi nen an innei a, a nupui hian kum 1972 khan a boralsan tawh a ni. Fa -hmeichhia 4 leh mipa pakhat an nei. Pu Lianchhingpuia hian tu 21 leh tuchhuan 17 a nei. Kum 1964 khan Hlimen-ah an rawn pem.
    Pu Lianchhingpuia hi Indopui 2-na hun laia Lushai Scout-ah lo \ang tawh a ni a. Pathian thu duhmi tak anih avangin he a hna-ah pawh hian rei thawk hman lovin Pathian rawngbawlin, khaw hrang hrangah Pathian thu hrilin a vak kual \hin a ni. Hemi hnu hian Assembly of God (AG) kohhranah Pastor-ah nemngheh niin, pension thlengin he hna hi a thawk a, kum upa a nih hnu-ah remchan zawkna avangin Presbyterian Kohhran-ah a lawi leh ta a ni. Thu leh hla thiam, Pathian thu sawi thiam tak niin; mi hriat hlawh tak a ni. Amah hi Solfa thiam hmasa, zai hruaitu \ha tak, thu leh hla lama tui tak; hemi kawnga mite kaihruaitu \ha tak a ni \hin. Midangte rawngbawlsak ngaipawimawh tak mi anih avangin hun engemaw chen Church Auxiliary for Social Action (CASA)-ah Social Worker hna a thawk \hin bawk a ni.   Tin, kum 1987 khan Hlimen VC Member a lo ni ve tawh bawk a ni.
    Pu Lianchhingpuia hi mi taima, kut hnathawh ngaina mi leh mahni intodelh duh mi a ni a, hemi avang hian a hmuingilin malsawmna tam tak a dawng nghe nghe a ni. Tu leh fate huikhawm thiam leh kaihruai thiam tak a ni.
    Pu Lianchhingpuia hi upa tawh lam a nih hnu-ah pawh chak lohna leh natna nei ngai lem lo. Kum 2018 kumtir chho a\angin upat chaklohnain tlakbuak chho mah se insawiselna em em pawh a nei lem lova. A boral ni - May ni 15, 2018 ah pawh a inthiar zo, a mu hahchawl, tifai tura a chhung ten an kaitho tur chu kaihthawh zawh nilovin, hahchawl hlen tawh turin chatuan ram a lo pan ta a ni. A boral thleng hian a tupa Zoramsiama te chhungkua nen an khawsa ho a ni.

Chhiatni Report
    Pu Lianchhingpuia puala buhfai leh pawisa khawn khawm dan leh thlanlaih dan ziaka hmuh theih chin :-
Section              Chhungkua    Pawisa   Buhfai   Thlanlai
Buala                      129          1,110      145       15

Damvea 114 1,060 120 5

Kapdaia 116 1,130 130 8

Lalsavunga 37 350 37 4

Saichhuma 115 1,000 131 5

Vawmphunga           61             570      67 -
    Total                 572   5,220      630   38
    Vawmphunga Sec. hi chhiattawk Section an ni.

PAGE - 3

HRIATTIRNA :

NAUPAI REPORT CHUNGCHANG
    Vengchhungah hmeichhia tupawhin eng ang dinhmun a\ang pawhin nau kan pai thei a. Kar 12 (thla 3) hma ngei a Sub-centre a in report hi kan tih ngei ngei tur a ni a, thla 3 hma a in report lo chuan nau neih lawmman dawn theih a nilo. Nau kan pai tih kan hriat vel leh kan in report \hin dawn nia.
    - Health Clinic

Bike Chabi bo
    Damveng leh Central Workshop inkarah bike Chabi, a locket a um lem a Contessa tih inziak (A sen) tih bo a ni a, a lo hmu emaw chhar emaw chuan a hnuaia hming tarlan ah hian min hriattir theih chuan kan lawm hle ang.

    In \hian,
    Lalmuanpuia, Central Workshop
    Ph : 9862737864

Road Protection
    Road Protection Committee in a lo rel tawh angin Taxi Stand felfai zawk a a awm theih na tura ruahmanna a siam chu a taka hman niin Taxi Driver ten thuawih taka an hman avangin Road Protection Committee chuan lawmthu a sawi tak meuh meuh a ni.
    Chutihrualin Taxi Stand siamah hian Taxi lo chu lirthei engchimah dah awih a ni lo a, a dah lui chu action lak a ni ang.
Sd/- Secretary,
Road Proctection Committee

Advertisement.......

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
(6-6)   VL-a, Ph.No : 9402344486, 9615266170
MD septic tank servise
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak kan ni e. Kan rate a tlawm bawk.

Regd. No MSR542,                 Ph.No
                                     9436199884, 9862476439

ADMISSION NOTICE
    Biakliana Memorial Higher Secondary School, Kulikawn Near BN Hospital, Aizawl-ah kum 2018 - 2019 Academic Session atan Class IX - XII (Arts) admission a tih theih leh ta e.
    HSLC result hnuhnung berah 77% in an passed a, HSSLC result-ah 100% in an passed bawk. I tu leh fate rawn dah ve teh le.

(4-1)            Contact : 9862756137, 9862356886

LAWRKHAWM :

UPHC Report
    May ni 13 - 18, 2018 chhunga UPHC Hlimen Report tlangpui hetiang hi a ni :-
1. OPD - 50 2. Emergency - 9 3. Dressing - 12
4. Naupai en nzat - 2   5. nau piang zat - 1
    May ni 14, 2018 khan naupang Specialist Dr. Lalduhawmi lo kalin mi 37 an inentir. May ni 16 & 17, 2018 khan Doctor in leave a lak avangin OPD khar a ni.

M.U.P. lawmthu
    Kar kalta May ni 10, 2018 khan Hlimen MUP Member ni 35 te chuan bus pahnih hmangin Mizoram University kan fangkual a, mitvarthlak kan tiin min buaipuitu leh kalna leh ei leh in min tumsaktu Dr. Lalnunmawia chungah MUP te chuan lawmthu kan sawi a ni.
    Sd/- President
    MUP Unit, Hlimen

Lawmthu sawina
    Kan pa/pu Lianchhingpuia’n min boralsan chung changah khawtlang nu leh pa, YMA nula tlangval ten min buaipuina leh min \awiawmna zawng zawng avangin kan lawm tak zet zet a. Kan tana tha leh zung sum leh pai seng zawng zawngte Lalpa’n a let tam takin rul che u rawh se tih hi kan \awng\aina a ni e.
    In khawngaihna dawngtu,
    A tu leh fate,
    Hlimen Vengchhak

Chhiattawh a chunga lawmthu sawina
    Kan pa Lalruatkima’n min boralsan chung changah lawmthu sawi tur kan ngah hle mai. A dam loh tirh a\anga veng chhung leh veng pawn a\angin min ngaihsak tu leh min buaipuitu zawng zawngte in chungah kan lawm tak meuh meuh a. Tin, a boral tih hria a engkim kan tih ve ngai lova min buaipuitu YMA nula leh tlangval bakah khawtlang nu leh pate chungah thinlung takin lawmthu kan sawi a, Lalpa’n a let tam takin malsawmna in vur che u rawh se tih hi kan \awng\aina a ni e.

    In khawngaihna dawngtu,
    A nupui fanaute leh a unaute
    Hlimen Damveng

Football Club lawmthu
    YMA Hlimen Football Club te chuan inhlawhna ` 3,300 kan hmu a, hnatlanna min siamsaktu MNF |halai Hlimen Unit te chungah Hlimen Football Club-te chuan lawmthu kan sawi tak meuh meuh a ni e.
    Sd/- Secretary
    Hlimen Football Club

Kan lawmpui tak zet e !!!
Kumin HSLC leh HSSLC result chhuak ah kan venga zirlai te an ti \ha thawkhat viau mai a, \ha taka Pass te Hlimkhawpui Editorial Board ten kan lawmpui tak zet a, a tling zo lo te pawh beidawng mai lova bei ngawrh sauh a, hlawhtlinna chang thei ngei turin duhsakna kan hlan bawk e.

PAGE - 4

KEIMAHNI :

Hlimkhawpui Budget
    Hlimkhawpui March & April. 2018 thla Budget pe tla tawh te:
1.   Saichhuma Sec.   2. Kapdaia Sec.
3.    DamveaSec.   4. Buala Sec.
5.   Lalsavunga Sec.
    Tin, Kapdaia Sec. te hian May & June an rawn tlak ta bawk.

Ralna nei dawn
    May ni 22, 2018 (Thawhlehni) zan dar 7:00 hian Pu Zoramsiama Exe. Committee member chu a pu in a boralsan avangin ralna hun neih tur a ni a, Branch Exe. Committee member te kim taka kal tur a ni e.

Lalsavunga Park Duty tur te
May ni 20, 2018 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama 4. Pu Lal\anzuala 5. Pu Zolianchhunga 6. Pu C.Lalremruata (VP) 7. Pu Lalbiaksanga 8. Tv. Lalromawia 9. Tv. Zonunkima 10. Nl. Lalbiakdiki
May ni 27, 2018 (Pathianni) : 1. Pu Lalrinmawia 2. Tv. R. Lalrindika 3. Pu Zoramhmangaiha 4. Pu Biaknghinglova 5. Jerome Lalduhbika 6. Pu Zoramsiama 7. Tv. Lalpekthanga 8. Tv. Lalnunmawia (BS)   9. Tv. Lalnunsiama 10. Tv. Samson Lalrinfela.

BRANCH YMA THUCHHUAH
    YMA Hall-a Inverter chu Lallawmkima S/o Phirvunga (L) leh Andrew Zodinpuia S/o Lal\anpuia (L) ten lo ru chhuakin an lo hralh a, tunah hian Inverter hi hmuh let leh a ni tawh a, mi rinawm tak Pu Lalbiakzuala Kulikawn in hre lovin a lo lei a, Hlimen YMA ten Inverter an ti bo tih a hriat ve leh thup bo mai lovin hruaitu te be nghalin, a pe let leh a ni.
    Hetianga YMA Hall a mi, vantlangin \ul leh mamawh taka kan hman, an lo ru chhuak a, an hralh duh mai hi YMA chuan hriatthiam har a tiin a thinrim tak zet a ni.
    Pawl, Kohhran, Mimal thil ruk a awm a, hriatchhuah/manchhuah an nih chuan dimdawina tel miah lovin YMA chuan hma ala zel dawn a ni.

    Hlimen Branch YMA

YMA Day Essay
    Kumin YMA Day pual a Essay inziahsiak chung changa hriat tur te:-
1.   Thupui - Ram leh hnam humhalh (1500-2000 Words inkar), A ziaktuin thupuiin a huamchhungah zalenna neiin a ziak thei ang.
2.   Hlimen Branch YMA Member tu pawhin a ziak thei ang a. Kut ziak emaw khawl chhut emaw pawm ve ve a ni ang.
3.   May thla ral hmain Pu Robuanga, Convener hnenah theh luh tur a ni.

    - Sd/- Robuanga
    Convener,
    YMA Day Essay 2018

Sports News
HVC hruaitu
    Kum 2018 chhunga Hlimen Volleyball Club hruaitu thlan tharte :-
    President   :   Pu Lalfakzuala
    Vice President   :   Pu Samson Zorammuana
    Secretary   :   Nl. Lalbiakdiki
    Asst.Secretary   :   Tv. Lalnunmawia
    Treasurer   :   Nl. Zarzokimi
    Fin.Secretary   :   Tv. Ramngaihsanga

CYMA Volleyball
    May ni 18, 2018 (Zirtawpni) zan khan Central YMA Inter Branch YMA Tournament Spike Off Programme hman a ni. He hun hi Pu Lalhmuchhuaka, Chairman CYMA Sports Sub-Committee in a kaihruai a, Pu R.Lalngheta, Vice President CYMA in thusawina hun a hmang. Tin, Mizoram Volleyball Association President leh Main Sponsored a\angin thusawi ngaihthlak a ni bawk. Solo leh zaipawl zai ngaihthlak a ni bawk a, Pu C.Lalnunthanga, Secretary Mizoram State Sports Council in Fixture tlangzarh, Spike-off leh thusawina hun a hmang bawk a ni.
    He Programme-ah hian kan Branch a\angin aiawh tura ruat te an tel ve bawk a ni.
    Kan Branch mipa team te hi Pool A ah awmin May ni 23, 2018 ( Nilaini) dar 10:00 am ah Darlawng Branch nen an inkhel ang. Tin, kan Branch hmeichhe team te hi Pool A ah bawk awmin May ni 25, 2018 (Zirtawpni) ah ITI Branch nen Match No. 5 naah an in khel bawk ang.

Sponsor tu boral
    Kan veng Badminton team ‘ Hlimen Shuttlers’ in Mizoram Badminton League (MBL) kan khel \umhnihna a kan veng team Sponsor tu Pu Rochungnunga (Marova), P & Sons chu May ni 17, 2018 khan Sailam peng, Sialsuk thlen hma ah a lirthei khalh chesualin a boral. Pu Marova hi kan veng Sponsortu a nih mai bakah CYMA ah midangte \anpui nan cheng nuaisawm zet lo hlan tawh tu kha a ni.

*********************************************

Gospel Camping nei mek
    Isua |hiante Team chuan May ni 14, 2018 a\ang khan Govt. P/S-II ah Chhandamna Camping an buatsaih a, Camper mi 18 awm mek in an zinga pakhat hi hmeichhhia a ni.
    He Camping hian May ni 26, 2018 (Inrinni) thleng a awh dawn niin thu kan dawng.
    He Camping puala mi \hahnemngai, thilpek petu te chungah Cmping buatsaihtu ten lawmthu an sawi a, tin, thilpek pe thei kan awm chuan lawm takin an dawng thei reng a ni.
    He Campingah hian Branch YMA chuan Security hna a thawk a ni.

Saturday, 12 May 2018

Tomir thla(May) Ni 12, 2018, Issue No. 19

PAGE - 1

TUALCHHUNG :

Boral : Pu Lalruatkima H/o Lalduhsaki, Damvea Sec. a mi chu May ni 7, 2018 (Thawh\anni) chhun dar 12:00 khan Internal Bleeding avangin a boral. A ruang hi lumen niin May ni 8, 2018 (Thawhlehni) khan vuiliam a ni.

Damlo : Pu C.Rozama, Buala Sec. mi chu taksa lam harsatna avangin May ni 3, 2018 khan Nazareth Hospital, ah admit a ni.

## Lalzarzoliana H/o Lalthanzuali, Saichhuma Section chu May ni 8, 2018 khan taksa lam chak lohna avangin State Referal Hospital, Falkawn ah admit niin enkawl mek a ni.

## Pu Lalmalsawma H/o Lallawmsangi, Lalsavunga Sec. a mi chu pum lam fello avangin May ni 9, 2018 khan Durtlang Hospital-ah admit a ni.

## Tv. Lallawmsanga S/o Chalmawii, Kapdaia Sec. a mi chu May ni 8, 2018 khan pumna avangin BN Hospital, Kulikawn-ah admit a ni.

## Zothanpari D/o Zothansanga,Saichhuma Section chu Pum lam \hatlohna avangin hun engemaw chen Nazareth Hospital, Ramhlun ‘N’ ah enkawl anih hnuin May ni 10, 2018 khan a lo chhuak leh ta.

M.Z.U Fang : Hlimen MUP Unit te chuan May ni 10, 2018 (Ningani) khan Mizoram a zirna in sang ber Mizoram University Campus fangin hun an hmang. He hun hmangtute hian nuam an tiin hlawkthlak an ti hle a, Bus pahnih khatin an kal a ni.

Pem thar : Hmun\ha khua a\angin Pu Samsona te chhungkua kan venga an rawn pem in Vawmphunga Section, Lungpher zau bulah an mahni in an rawn luah a ni.

ADVA-ah : Tv. Lalmuanpuia S/o Lalchhuanawmi Buala Sec. a mi chu kum 2018 - 2019 chhunga Aizawl District Volleyball Association Treasurer ah thlan thar a ni.

Nurse zo : Lalduhawmi D/o Larimawia Kapdaia Sec. chu Synod Hospital, Durtlang a\angin \ha takin Nurse a Pass chhuak thar, May ni 8, 2018 khan Graduation Day hman a ni.

HEADLINE :

Branch Committee neih a ni
May ni 10, 2018 (Ningani) zan khan Branch YMA Exe. Committee Vawi - 6 na neih a ni a, thurel tlangpui te :-

1. Kumpuan hmalak dan tur :- YMA kumpuan ram leh hnam humhalh bawhzui nan leh vengchhunga ruihhlo hluar tur ven nan Kumpuan Sub Committee hetiang hian din a ni-
    Chairman   :   Pu Lalrinmawia
    Vice Chairman   :   Pu Lalrinchhhana
    Secretary   :   Pu Vanlalliana
    Asst. Secy   :   Pu R. Zoliana
    Treasurer   :   Pu R.C Lalroliana
    Members   :   Branch OB te, Pu R. Lalngheta , Pu Lalhmingliana ,Pu Pakunga, Pu Vanlaltluanga , Tv. R. Lalrindika , Pu Zoramhmangaiha, Pu Laldawngliana, Pu J. Vanlalbiakdika, Tv. Zonunsanga, Pu R. Lalbiakmawia, Pu Biaknghinglova, Pu K. Lalremruata, Pu Andrew C. Lalrinchhana, Pu Zolianchhunga, Pu Lalchhantluanga, Pu H. Zothansiama, Tv. Lalnunsiama, Pu Lal\anzuala, Nl. Lalbiakdiki, Nl. Lawmsangkimi, Nl. Judy H. Lalbiaknungi.
    Heng bakah hian Section tin OB a\angin Kumpuan Sub Committee member tur pakhat \heuh rawn ruat se tih a ni.

2. YMA Chhang hmalakpui dan tur: Branch YMA hnuaia YMA Chhang din chu YMA Chhang pualin School chawlh hun remchangah intihhlimna buatsaih nise, YMA chhang Sub Committee in ruahmanna lo siam se, Committee-in thlir leh nise tih a ni.

3.Lehkha hmuh : (a) Secretary, Thlanmual Sub Committee hnen a\anga rawtna leh dilna hrang hrang chu hetiang hian pawm a ni-
(i) Jack Hammer hi mimal in hawh loh nise YMA hall-ah dah nise.
(ii) Thlanmual Area te hi mumal leh chiang zawk a chhinchhiah nise. Branch OB te kutah dah a ni.
(iii) Thlanmual I & II te hi Reflector a chhinchhiahna siam nise, Thlanmual Sub-Comtt. ten hma lo la se tih a ni bawk.
(iv) Mitthi awm nikhua a thlanlai te ei leh in hi thingpui chauh lo pawh thlanlai ten a \ul angin lo buaipui se.

(b) Secretary, Local Council a\angin May ni 11, 2018 (Zirtawp) zan a YMA hall a 2017-2018 HSLC Result chhuak a Pass thar te lawmpuina hun an hman tur ah sawmna hmuh a ni a, OB bakah Exe. Comtt. Member kal se tih a ni.

(c) H. Lalngurliani hnen a\angin May ni 15, 2018 dar 2:00 Pm a Archive Hall Babutlanga ‘ Israel hnehna ropuite’ tih lehkhabu tlangzarhna a tel tura sawmna dawn chu Branch aiawhin Pu H. Ralkapthanga Exe. Comtt. Mem. chu kal tur a ruat a ni.

4. Testimonial Certificate : Hmun\ha Branch YMA Secretary hnen a\angin Pu Samsona te chhungkua kan venga an rawn pem thu dawn a ni a, pawm a ni.

5. Sub Committee Report : Branch YMA hnuaia Sub Committee din te hian Branch thlathar Committee apiangin Sub Committee hmalakna report pek \hin nise tih rawtna lut chu pawm a ni.

6. YMA hall light hi engkimlo a awm nual a, a \ul angin light dah belh a LED light pawh dah belh nise tih a ni. Light & Sound kutah dah a ni.

PAGE - 2

EDITORIAL :

Zirna mawlh mai hi
    May ni 11, 2018 zan khan YMA Hall-ah kumin a Matric pass chhuak thar pualin Local Council chuan lawmpuina hun a buatsaih a, zirlaite phurpuina leh fuih hi an nu leh pa, pi leh pu leh chhung leh khatte mai bakah sawrkar leh tlawmgai pawl hrang hrnag te pawh hian kan uar chho ta zel a, a \ha hle.
    Zirna hi Ram leh hnam humhalhna kawnga rahbi pawimawh em em a ni a, thiamna leh hriatna kawnga midang kan khum phawt chuan a chungnung zawk kan ni nghal a ni tih hi zirlai te kan hriat a pawimawh hle.
    Sum leh pai chu eng ang pawn ngah mah ila zankhat thilthu a boral thei, chhe vek thei, midangin min ruksak theih a ni a, thiamna erawh chuan kan damchhung kan rochun, midangte ruksak theih loh, kan thih hnu pawh a midangten an la chhawr theih a ni a, amah Dr. Zoramthanga (Arama) sawi angin lehkhathiam chu khawi hmunah pawh nise hmuhsit an hlawh tak tak ngai lo a tih te kha a va dik ril em.
    CYMA pawhin Central Secvice lama Mizo te kan lut tam theih nan a theihna kawngah nasa takin hmalak a tum a, a lawmawm hle. Tin, Pathianin mihriangte hi hmasawnna kawnga kal zel tura a siam, thil siam bik kan nihna hi kan hriat chian a pawimawh hle bawk.
    Amaherawhchu, zirlaiten tunlai khawvel mil zela an khawsak a, zirlai an ni tih in hrechang lova I.T lama a \ha lo zawnga an kal thui erawh thil pawi tak, hmasawnna daltu a ni tih hre nawn leh teh se.

KAN THEN TAK

LALRUATKIMA CHANCHIN TLANGPUI
    Pu Lalruatkima hi H.Chalchhunga(L) leh Tlanglawmi te fa sawm leh pakhat zing a a pariatna ni turin Dt. 4.1.1974 khan a lo piang a, an unau hi hmeichhia 1 leh mipa 10 an ni.
    Zirna lamah hian Primary School hi Hlimen P/S-II ah kalin Govt. Hlimen Middle School-ah kal chhuak lehin High School hi Hlimen High School-ah leh Hrangchhunga High School-ah a kal a, Class 10 pass lovin School hi a chawlhsan a ni.
    Ruatkima hi naupang harhvang tak mai, mi pawi sawilo tak leh \henrual kawm nuam timi a ni a. Infiamna hi nuam a tiin a bik takin Hockey hi a tuina zawng tak a ni a, Mizoram aiawhin Sub-Junior-ah Delhi-ah te kal tawhin Under 17-ah Mizoram aiawhin Karnataka-ah a lo inkhel ve tawh bawk. He a thiamna avang hian tuna a eizawnna Police Deptt.-ah hian Dt. 1.2.1999 khan lutin a thihni thleng hian a thawk a, hotute duhsakna dawngin Naik (bel hnih) ah a Promotion tawh nghe nghe a ni.
    Kum 2001 April ni 10 khan Lalduhsaki D/o R.Lalengzauva(L) nen kohhran dan thianghlimin an innei a, fanau malsawmna dawngin fapa pahnih leh fanu pakhat an nei a ni.
    Ruakima hi a phak ang tawk tawkin Kohhran leh khawtlangah a inhmang ve \hin a, Section YMA-ah kum engemaw zat chhung chu Office Bearer a lo ni tawh a, a thihni thleng hian Committee member \angkai tak a ni, tin kohhran lamah Hlimen Damveng Pres. Kohhran ruai Committee Member ni lai mek a ni bawk.
    Amah hi tunlai khawvel a harsatna miten an tawh mek zu lamah hian harsatna te a tawk ve phat phat a. Kum 2017 August thla a\angin a pum lam a sawisel a, theih ang angin enkawl a ni. A natna hian a kiansan tak tak loh avangin Damdawi In lamah te enkawl \hin a ni. January 2018 a\ang phei chuan a hna lamah pawh kal thei lovin In lamah an inenkawl a. April ni 24, 2018 khan Alpha Hospital-ah admit a ni a, zual lam a pan zel avangin April ni 25, 2018 khan Durtlang Hospital-ah admit niin ICU-ah ni 7 enkawl a ni a, \hat lam pan deuh ni a hriat avangin ward-ah sawn chhuah a ni a, ward-ah ni 5 chhung awm lehin \hat lam a pan hlei thei lova, May ni 6, 2018, Dar 1:00 ah lo zual lehin ICU-ah bawk dahluh leh a ni a, thisen var tlachham a ni tih hriat a ni a, thisen var hi unit 15 pek niin thisen pangngai Unit 4 pek a ni bawk. Tin, a thin lam \hat loh avangin a kawchhungah thisen a chhuak nasa a, hei hi tuar lovin theih tawp chhuaha Doctor leh nurse ten an enkawl chungin Dt. 7.5.2018 chhun Dar 12:00 khan chatuan ram min lo pansan ta a ni.

Advertisement....

PAGE - 3

HRIATTIRNA :

Special Camping
    A hun       : Dt. 14-26.5.2018
    A hmun    : Govt. Primary School-II
    Speakers : Upa H.Lalnunzira, C.Lalrampana
       Thlarau lama nun tuihalte leh harsatna nei apiangte tan a luh theih e. Lut tur ten mahni mamawh - mutbu, thleng leh no, Bible leh Note bu, buhfai kg 5 ken tur a ni a, Camp fee a awm lovang. Camping hi chawei sa a luh tur a ni ang, tin, dar 6:00 Pm-ah chuan thlenkim vek tawh tur a ni ang.
    Contact No. : 9862372655, 8258002650
    Sd/- N.Zoliansanga
    Secretary
    Isua |hiante team

Volleyball Club hriattirna
    May ni 17, 2018 (Ningani) zan hian Pu Lalfakzuala, Buala Sec. te inah kum 2018 - 2019 chhunga Hlimen Volleuball Club hruaitu tur thlanna hun hman tur a ni a, Volleyball khel \hin te leh Volleyball a tuimi te kim taka kal turin hriattir kan ni e.

THING MISTIRI HRIATTIRNA
    May ni 13, 2018 Pathianni chawhnu inkhawm ban (dar3:00 p.m.) hian Hlimen Thing Mistiri Association member te Chairman Pu V.Thanchhinga te in ah thu pawimawh tak ngaihtuah tur a awm avangin Hlimen a Thing Mistiri zawng zawng te kalkhawm tur a ni e.

Bus tlan dan tur
    Action Committee, ACBOA ruahman angin May ni 14, 2018 (Thawh\anni) a\angin hetiang hian kan vengah Bus a tlang ang.
Zinglamah 7:15 Am ah venglaikawn a\angin a chhuak anga, Ngaizel ah tawp tawh lovin khawpui chung a Bus Route a zawh tlang nghal ang. Tin, 8:30 Am ah chhuak a awm leh anga, a chunga mi ang khian a tlan ang.
    Tin, chawhnu dar 2:30 leh dar 4:00 ah Hlimen pan tur Bus chu Kulikawn (Kan veng bus Stand) ah a ding \hin anga, chawhnu Bus chhuak, Hlimen pan tur te hi Zion Street a\angin Hlimen timing nang tur apiang te an ni ang.
    Rate hi Hlimen - Kulikawn (Kulikawn - Hlimen) ` 10/-, Hlimen - Sikulpuikawn - ` 15 a ni ang.

NAUPAI REPORT CHUNGCHANG
    Vengchhungah hmeichhia tupawhin engang dinhmun a\ang pawhin nau kan pai thei. Kar 12 (thla 3) hma ngei a Sub-centre a in report hi kan tih ngei ngei tur a ni a, thla 3 hmaa in report lo chuan nau neih lawmman dawn theih a nilo. Nau kan pai tih kan hriat velah kan in report \hin dawn nia.
    - Health Clinic

Thlanmual hriattirna
    Thlanmuala thlan chhinchhiah tura vawi tam tak kan lo hriattir tawh chu May ni 4, 2018 a Thlanmual Sub-Committee \hukhawm chuan a chhinchhiahna awm lo chu thlan hmunruak ah a dah tawh a ni.

LAWRKHAWM :

Chhiatni Report
Pu Lalruatkima puala buhfai leh pawisa khawn khawm dan leh thlanlaih dan ziaka hmuh theih chin :-
Section Chhungkua Pawisa Buhfai Thlanlai

Buala 131 1,180 145 17

Damvea 97 890 101 -

Kapdaia 126 1,220 131 3

Lalsavunga 38 370 35 8

Saichhuma 117 1,010 134 4

Vawmphunga    39               380   42      6
    Total      548      5,050   588 38
    Damvea Sec. hi chhiattawk Section an ni.

HSLC PASSED
    Issue hmasa lama tarlan bak heng ahnuai a mite hian HSLC \ha takin an passed :-
##    Vanlalzari D/o Pastor Lalawmpuia (VP)   I Div.
##    Kirti Dhamala D/o David Dhamala (LSV)   I Div.
##    Jyoti Dhamala D/o David Dhamala (LSV) I Div.
##    Zohlimpuii D/o Lalbiakliana (DV) II Div.
##    Juliet Lalduhsaki D/o Lalniliana (VP) II Div
##    Ramhlimpuii D/o Zonunpari (KD) II Div.
##    Lalthanpuii D/o Vanlalliana (SCS) II Div.
##    Zomuanawmi D/o Lalremsanga (LSV) III Div.
##    Zomuanpuii D/o Lalremsanga (LSV) III Div.
##    Lalremruati D/o J.Vanlalhruaia (SCS) III Div.
    Issue hmasa lam leh tun Issue a tarlan bak HSLC passed hria kan awm chuan Editorial Board Member te hnen rawn report thei ula kan lawm hle ang.

UPHC Report
    April ni 28 - May ni 11, 2018 chhunga UPHC Hlimen Report tlangpui hetiang hi a ni :-
1. OPD - 166 2. Emergency - 29 3. Dressing - 22
    May ni 9, 2018 khan PMSMA hman niin naupai 6 an inentir May ni 11, 2018 khan ENT Specialist Dr. Lalhmingmawii a lo kal a, mi 18 an inentir.
    May ni 14, 2018 hian naupang Specialist Dr. Lalduhawmi a lo kal dawn a, inentir man a thlawn a ni ang a, Card man ` 10 a ni thung ang.

Lawmpuina hun hmang
    May ni 11, 2018 zan khan Local Council chuan YMA hall ah 2017-2018 Session a HSLC pass thar te lawmpuina hun buatsaihin Pu Lalhmingliana Chairman LC in a kaihruai a, Pu C. Lalengzauva Teacher Govt. H/S in hunserh a hmang. Thusawi tura sawm - Dr. Malsawmtluangi (Tawktei)   leh Dr. Zoramthanga (Arama) ten zirlai fuihna thu \ha, ngaihnawm leh benglut tak tak an sawi bawk. Pu J. Vanlalbiakdika Secy. LC in lawmpuina thilpek hun kaihruaiin he huna lokal khawtlang hruaitu ten HSLC pass thar te hnenah lawmpuina thilpek hlanna an nei a ni. Lawmpui an hlan zawh hnu a Pu Vanlalhruaia Vice Chairman LC in Vote of Thanks a sawi zawh hnuin he inkhawm tawi hi tihtawp a ni ta a ni. Ban hnuah Refreshment an nei chhunzawm bawk.
    He hun ah hian YMA OB, MUP OB leh MHIP OB te bakah zirlaite \awiawmtu kal an \ha hle. Tin, PMES a Cl-VIII zirlai leh zirtirtu ten he hun hi an chhim bawk.

PAGE - 4

KEIMAHNI :

Hlimkhawpui Budget
    Hlimkhawpui March & April. 2018 thla Budget pe tla tawh te:
1.   Saichhuma Sec.   2. Kapdaia Sec.
3.    DamveaSec.   4. Buala Sec.
5.   Lalsavunga Sec.
    Tin, Kapdaia Sec. te hian May & June an rawn tlak ta bawk.
YMA in ral
    May ni 9, 2018 zan khan Pu Lalruatkima ralna hun hman niin ralna pawisa tlingkhawm ` 8,970/- chu a chhungte hnenah hlan a ni. Pu Ruatkima chhungte hian a \ul apiang a hman atan puan 2 YMA-ah an hlan let bawk.

YMA Day Essay
    Kumin YMA Day pual a Essay inziahsiak chung changa hriat tur te:-
1.   Thupui - Ram leh hnam humhalh (1500-2000 Words inkar), A ziaktuin thupuiin a huamchhungah zalenna neiin a ziak thei ang.
2.   Hlimen Branch YMA Member tu pawhin a ziak thei ang a. Kut ziak emaw khawl chhut emaw pawm ve ve a ni ang.
3.   May thla ral hmain Pu Robuanga, Convener hnenah theh luh tur a ni.

Lalsavunga Park Duty tur te
May ni 13, 2018 (Pathianni) : 1. Pu RC Lalroliana.      2.   Pu R. Lalbiakmawia 3. Pu Vanlalliana 4.   Pu K. Lalremruata 5. Pu Lalnunhlimpuia (DV) 6. Pu Lawmtluanga (DV) 7. Pu H. Zothansiama 8. Nl. Judy H. Lalbiaknungi 9. Nl. Lawmsangkimi.
May ni 20, 2018 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama 4. Pu Lal\anzuala 5. Pu Zolianchhunga 6. Pu C.Lalremruata (VP) 7. Pu Lalbiaksanga 8. Tv. Lalromawia 9. Tv. Zonunkima 10. Nl. Lalbiakdiki

YMA-ah pe
    Pu Lalramchuana, Buala Section chuan Thlanlaihna a hman tur Suahdur \ha tak mai Branch YMA ah a rawn hlan a, a chungah hruaitu ten lawmthu an sawi tak zet zet a ni.

YMA ngenna
    CYMA Volleyball Tournament ah kan Branch kan tel ve dawn avangin Player ten Practise an \an chho dawn ta a, chuvangin, Mualzawla lirthei dahtu te pawh lo inthiar fihlim hrih turin kan in ngen tak meuh meuh a ni e.

Advertisement....

ADMISSION FOR DIPLOMA IN MEDICAL

LABORATORY TECHNOLOGY (DMLT)
Laboratory Technician zir duhte tan Mizoram a zirna hmasa leh changtlung ber ah class X pass chinte tan Admission 15th June 2018 thleng hawn a ni leh ta e. Hrechiang duh tan ahnuai a address-ah hian Office Hour chhunga dilna form lakchhuah leh biak theih reng a ni e.
Academy of Paramedical Technology (APT)
T-24, Dr. H.L.Malsawma Building
Tuikhuahtlang, Aizawl
(1-1) Ph-0389 2300480, 8729972618, 8794185683

Sports News
TAEKWONDO
    Asian Championship khel tur zawnna Selection-ah Lalfakzuala chu thlantlin niin May ni 13, 2018 (Pathianni) lo awm turah hian India Camp Kashmir-ah a zawm ang. He Championship khel tur hian amah bakah Mizo pahnih thlan tel an ni.
    Asian Championship hi Vietnam-ah May ni 24 - 28, 2018 chhungin khelh tur a ni a, India Camp-ah hian karkhat chhung Training an neih hnu-ah Vietnam an pan dawn niin thu kan dawng.

CYMA Volleyball
    CYMA Volleyball Tournament lo awm tur atan kan Branch team te pawh inbuatsaih chho zel in Practice pawh ngawrh taka beih tumin an in buatsaih mek.

Lawrkhawm chhunzawmna....

BIANGBIAKNA
(Lalrinnungi, 2nd Position HSLC)
Chhunzawmna........
EB   :   Eng Subject nge i lak chhunzawm ang?
RN   :   Biology leh Mathematics.
EB    :   Exam laiin i zir nasa zual em?
RN   :   February thla vel khan ka bei ngawrh ve deuh a, Exam lai tak kha chuan ka zir nasat phah chuang lo.
EB   :   I zirna kawnga harsatna/hriatthiam loh i neih in engtin nge i tih \hin?
RN   :   Ka thiante nen kan sawiho a, chuta ka la hriatfiah loh chuan zirtirtute ka zawt \hin.
EB   :   Internet i khawih em? I zirlai puitu atan i hmang   \hin em ?
RN   :   Ka khawih tam lo khawp mai, a chang chuan han rawn ve zeuh chang chu a awm ve tho.
EB   :   In chhung chet lamah eng ber nge i khawih \hin?
RN   :   Insuk leh thleng sil hi a ni mai.
EB   :   Lehkha zir dan \ha ber nia i hriat?
RN   :   Constant Learning (Chawl lova vawikhata tih vak ni lova zir reng) hi a \ha ber niin ka hria a, tin, Pathian thuawih hi a pawimawh ka ti a. Tin, subject thiam loh bik kan neih pawhin kha Subject ah khan hun tlem han pek belh bik ila a \ha hle bawkin ka hria.
EB   :   Zirtirtu te fuihna i dawn zinga i \angkai pui ber ni a i hriat enge le?
RN   :   Class VIII kan nih laia Miss Margaret-in min hrilh ‘School luhna a \ha emaw \ha lo emaw mahni hi kan pawimawh ber a, kan rilru sukthlek hi a pawimawh a ni’ a tih kha a ni.
EB   :    School lamah Co-Curricular Activities lam ah te engnge i tih ve \hin?
RN   :   CCA bikah hi chuan Literary Club ah hian ka awm a, Essay lam pang hi ka ti ve \hin.
EB   :    I zirlaipui te hnen a i thuchah duh ?
RN   :    Lehkha zir chung pawh hian Pathian tan hian hun siam theih vek a ni a, Inkhawm taima turin ka chah duh a. A chhan chu Pathian chuan min rul let leh vek dawn a ni.
EB   :   I zirlaibu piah lamah eng lehkhabu te nge i chhiar \hin?
RN   :   Bible hi a ni mai, lehkhabu dang hi chu ka chhiar lem lo (Holy Bible hi tum 2 a chhiar chhuak tawh a ni.)
EB   :   Engang mizia nge i ngaihsan zawng?
RN   :   Mahni nihna ang anga lang ngam te hi ka ngaisang ber. Mize zawi, kawm nuam leh smart tak te pawh hi ah...(A nui seih a.)