Hlimkhawpui 2018: November 2018

Saturday, 24 November 2018

Sahmulphah thla (November) Ni 24, 2018, Issue No. 47

PAGE - 1

TUALCHHUNG :

Boral : Pu Lalthanpuia H/o Lalhmingi Vawmphunga Sec. chu Nov. ni 19, 2018 zing dar 5:40 khan T.B avangin a boral a, hemi ni vek hian Thlanmual-I ah vuiliam a ni.

Damlo : Jacob Malsawmkima S/o Lalbiakmawia Kapdaia Sec. a mi chu pumna avangin Nov. ni 20, 2018 khan State Referral Hospital, Falkawn-ah admit a ni.

##    Lalruatsanga S/o Ramsanga Vawm-phunga Sec. a mi chu School-ah a chesual palh a, Damdawi in panpui nghal niin investigation te tih a nih hnuin in lama enkawl chhunzawm turin hawpui leh a ni.

##    Pi Tlanglawmi, Damvea Sec. a mi chu Nov. ni 20, 2018 khan a chauh thut avangin Durtlang Hospital panpui niin admit a ni.

##    Pi Dailovi W/o Lalbela, Damvea Sec. chu a chetsualna lamah a hnungzâng ruh a tina palh a, Damdawi in panpui niin investigation hrang hrang tih a nih a, in lama enkawl chhunzawm turin hawpui leh a ni.

YMA in ral: Nov. ni 21, 2018 zan khan Pu Lalthanpuia ralna hun hman a ni a, ralna pawisa tlingkhawm ` 7,130 chu a chhungte hnenah hlan a ni. Tin, a chhungte hian a tuamna puan 2 chu \angkai taka a hman atan YMA ah an hlan let bawk.

Voter Sclip semchuak ta: MLA inthlanpui lo awm turah vote thlakna a ken tur Voter Slip chu semchhuah a ni ta a. Vote thlak tur zawng zawng te chuan hei hi ken ngei tur niin thu dawn a ni.

Kawng hawn theih \ep: Mauhakkawn thlen hma kawngpui Cement Concrete (RCC) a siam chu kawng a zauh zawk nan side Drain leh kawngsir \henkhat hnawh mar a ni a. Kawng hi duhthusam a a la char loh avangin la khar rih a ni a, reilote-ah hawn tum a ni.

Kumpuan-ah pe: Pu Thanchhunga, Vawmphunga Sec. a mi chuan kumpuan committee te thingpui in na tur ` 300 a pe. Kumpuan Commtt. te an lawm hle.

HEADLINE :

Ram leh hnam humhalh
Peter Chhakchhuak, Asst.Secretary, CYMA
Chhunzawmna.....
3. ZIRNA HMANGIN RAM LEH HNAM I HUMHALH ANG U : A \ha zawk dawng tur leh nei tura beihna hi Zirna a ni a. Mimal zir thiamna hi chhungkua, khawtlang, ram leh hnam dinchhuahna leh humhalhna atana pawimawh a nih avangin Zirna i uar ang u.
Ram leh hnam humhalh nan eng hmanrua nge \ha ber ang tih hriatthiam a har hle mai. Engpawhnise, ram leh hnam humhalh nan zirna hi zofate tan hmasawnna lungphum pawimawh tak a ni. Tunah hian YMA leh Mizoram SSA Mission te kan thawk ho mek a, hei hian a tum ber chu zofate zirna kawnga hma kan sawn theih nana hmalak a ni a, a lawmawm hle. Ramin hma a sawn zel avangin chumi rual a ke pen tur chuan thiamna a pawimawh a, chumi nei tur chuan taimakna, dawh theihna leh teirei peih mi nih a ngai. Kan rama hnaruak hrang hrang awmte luahkhat thei tur hian zirna i uar ang u. Kan rama hnaruak awmte kan luahkhah a, kan thawh zel chuan kan rama hnamdang leh ramdang mite hian thawh tur an nei dawn lo. Chuvangin, thiamna hmangin kan rama hnamdang awmte hi kan umchhuak ang a, kan ram hi kan humhalh dawn a ni.
Mihring kan fing tial tial a, ram leh hnam chhan nan kan awm khauhna leh chakna hmang thei lova thiamna loh theih lova hman a ngaih hun a awm dawn. Tuna kan district tlemte neihah pawh a luahkhat tur Mizo kan awm loh avangin kan Deputy Commissioner leh Superintendent of Police te hi a tam zawk hnamdang an ni a, a pawi tak zet a ni. Kan duh emaw, duh lo emaw a thawk thei mizo kan awm si loh avangin kan ram rorelna hi hnamdangte kutah a tlu lut mek a ni. Ram leh hnam chhan nan zirna uar ila, Central Service/All India Service lama kan luh theih nan theihtawp i chhuah ang u. Central YMA chuan Central Service/All India Service lama kan luh tam theih nan tiin a \ul ang ang lo buaipui turin thawktu a ruai a, duh ang takin kan la hmang \angkai tawk lo niin a lang a, a pawi hle. Engtik hunah pawh Office hunchhungin dawr theih reng a ni. |angkai takin hman i tum ang u.

4. RAM NGAW LEH NUNGCHA HUMHALH : Thing leh mau, ramngaw leh nungcha lui tuite hi mihringte mamawh min petu leh siamtu a nih avangin uar lehzualin a humhalh kawngah \an i la ang u. Kan rama thing leh maute an chereu hian sik leh sa a lo danglam a, chu chuan kan eizawnna thlengin a nghawng a. Kan ramngaw \ha kan vat a, kan hal \hinte hi a uihawm takzet a ni. Chutih lai chuan Branch YMA tam takin ramngaw humhalh \ulna leh pawimawhna hriain, an huamchhung ramngawte an humhalh a, YMA Park huamchhunga thing leh maute humhalh a hma ka la hi a lawmawm takzet a, i humhalh zel ang u. Kan rama ramngaw, thing leh maute kan humhalh \hat loh chuan YMA ten ‘Kan zotlang ram nuam’ ti a hlim taka kan sak \hin hi, ‘Ka chenna ram thlaler a ni Lalpa’ ti a thlak a ngai palh ang tih a hlauhawm hle.
Phek 2-na-ah chhunzawm a ni...

PAGE - 2

EDITORIAL :

|hanharh a |ul
    Kar hmasa Issue kan thlir chuan kan aiawh a kan Constituency a ding tur ten kan veng tana an hmachhawp hrang hrang te tarlan ni a, atu a pawh lo tling sela, an thutiamah dingin kan khawtlang pawhin hmuh theihin hmasawnna duhawm tak a hmuh ngei beisei ila, mipui ten Vote kan thlak hian kan aiawha a ram leh hnam, kan khawtlang tana dingchhuak tur kan thlang tihna a ni a, an thutiamte chu kan zavai aiawh a thutiam a ni a, a hlawhtling ngei theih nan mipuite pawhin kan ngai pawimawhin bawhzui a \ul hunah pawh bawhzui a ngaihven hi kan tih tur pawimawh tak pakhat a ni.
    Mi kan tehna tlanglawn tak chu thutiamah a ding em tih a ni a, thutiam hlen leh hlen loh hi Politician te chauh a\anga teh tur a ni hauh lo. Mitinin kan mamawh em em mai a, kan thutiam anga kan din loh fo avangin chhungkua, nupa leh khawtlang in harsatna a tawh phah fo a, mahni nun ngei pawhin hniam lam pan phah \hin. Sap thufingin ‘ i zuan hmain i tlakna tur en hmasa rawh’ a tih angin kan nunah hmasawnna awm tur chuan kan tumah kan chiang em, enge ka hmachhawp a, ka thil tih mek hian enge min thlen anga, a rah chhuah enge ni ang tih te kan chhut ngun a ngai khawp mai.
    Kan khawtlangin kan mamawh em em chu rilru lama hmasawnna hi ni in ka hre fo mai. Infak aiin chhiatna lai in hriatsak te, kan hnemhnanpui hauh lo tur, rah \ha a chhuah rin vang pawh ni lem lova, sawi nuam tih vang satliah ngawta thu leh hla lo vaivir ve chiam te hi sim hlauh tur a ni. Heng te hian khawtlang nun a tihniam em em a, midang a kaikanga, tumah \ah reng reng a kan in hmulo a nih chuan a tuartu chu nang leh kei hi kan ni leh tho sia, chuvangin, a eng zawng a thlir thiamin nun hausa zawk nei turin hmalam panin ke i pen teh ang u.

ZIAKTUTE HUANG :
Phekhma chhunzawmna........
Mihring te hi tui tel lovin kan awm thei lova, mihring kan pung zel angin tui kan mamawhna pawh a pung ve zel a. Amaherawhchu, tuihna siamtu ber kan ramngaw te kan \hiah nasat avangin kan tuihnate a kangchat mek a, veng leh khua tam takah tuikang nghah a ngai ta. Tuihna \ha leh kan mamawh khawp tui kan neih theih nan kan rama lui tuite kan enkawl a vawn\hat leh kan ram ngawte kan humhalh \hat a pawimawh em em a ni.YMA ten PHE Deptt. te theihtawp a thawhpuiin tuihna humhalh kawngah hma kan la a, Central YMA chuan kan hmalakna avanga tuihna nasa taka a pun thu Branch YMA hrang hrang a\angin kan dawng a, a lawmawm tak zet zet a ni.
Kan ram timawitu, ramsa leh luidung nungchate i humhalh zel ang u. Branch tam takin ramsa leh nungchate humhalhin Nghafuan kan veng a, luidung kan humhalh a, chutih laia sorkar Officer lian e, Contractor lian leh YMA hruaitu silai nena ramvah ching, luidung nungchate tûr a hrai \hin kan lo awm palh a nih chuan khawngaih takin bansan tur leh kan rama ramngaw leh nungchate min humhalhpui turin YMA ten kan sawm che u a ni.
- Remchang hmasa-ah chhunzawm a ni ang.

KAN |HEN TAK

LALTHANPUIA (48)
    Pu Lalthanpuia hi Pu Beruaia (L) leh Pi Thanghnuaii-te fa tlum ber niin kum 1970 khan a lo piang a. An unau hi hmeichhia 3 leh mipa 3 niin a naupang ber a ni.
    Kum 1988 khan Lalhmingi nen inneiin fa pathum - hmeichhia 2 leh mipa 1 an nei a, tin, tu 2 a nei bawk.
    Pu Lalthanpuia hi a naupan lai a\anga naupang tlawmngai leh viak \ha a ni a, \henrual zingah pawh tlawmngai thei tak a ni. A tlangval laiin Music lamah a tui thei hle a, 1989 vel band ‘Zoawi’ Group indinin Hlimen a Band indin hmasa pawl an ni a, an phak tawk tawkin an concert ve \hin.
    Kum 1999 khan Home Guard-ah \angin kum 9 a \ang a. An hotute duhsaknain transfer-ah pawh hmun hrehawm/hmun dangah pawh sawn lovin, an pute bulah a awm reng \hin.    Kum 2008 khan 1st MAP-ah an hotute duhsaknain a lut leh a. Hetah pawh hian an hotute duhsakna chang zelin a hun tawp thlengin a thawk a ni.
    Pu Lalthanpuia hi a pachangin a natnate pawh hi a sawi mai mai ngai lo va. Nov. ni 13, 2018 (Thawhlehni) khan Durtlang Damdawi Inah admit a ni a, Doctor leh Nurse te’n theih tawp an lo chhuah nghal a. Durtlang Hospital a\angin Greenwood Hospital-ah refer lehin a natna chi hrang hrang exam-in a chuapa tui tlingte siakchhuah a ni a. Heti chung hian a thawhah hi a la reh thei chuan lo va. Nov. 16, 2018 (Zirtawpni) khan ICU-ah dah luh niin a tukah ICU a\angin a chhuak leh mai a. Cabin lamah enkawl a nih hnuin Nov. 18, 2018 (Pathianni) zan khan ICU-ah dah luh leh a niin Nov. 19, 2018 (Thawhtanni) zing dar 5:40 khan min lo kalsan ta a ni.

Advertisement....

HRIATTIRNA / ADVERTISEMENT
INTERNATIONAL SCHOOL THAR
ADMISSION OPEN
    Falkawn Hospital Veng (Dr. J.Zamanthangi Building) ah International School thar, “Redwood Academy” (KG-I to Class IV) 2019 Session ah hawn a ni dawn a. Admission hi 15th October to 30th November, 2018 chhung hawn a ni. School Bus hi Aibawk to Falkawn leh Ngaizel to Falkawn inkarah ruahmanna siam a ni dawn.. Admission dilna form hi Falkawn School Building-ah leh Kulikawn BN Hospital-ah lak theih a ni ang.
    Admission Fee   ` 3,000 (Including first month’s Fee)
    Monthly Fee   ` 1,000
(7-5)       Contact : 9366241224       Sd/- Principal

PAGE - 3

HRIATTIRNA :

Ngenna
    Tunlai hian Phunchawngzawl Quarry lung chu kawng chep tak karah ngawrh taka phurh chhuah a ni \hin a, Vengchhung mi tam tak ten eizawnna a hmangin a lawmawm hle. Chutihrualin, chawlhni (Sunday) ah pawh chawl lovin phurh chhuah \hin a ni a, kawnga chep nen Pathianni hi chuan phurh loh nise a lawmawm hle ang Tin, zanlamah laklawh tawp a nih loh chuan kal loh theih nise a lawmawm hle bawk ang.
    Tin, Hlimen Quarry chhungah leivung paih phalloh thu Local Council ten vawi tam tak an chhuah tawh hnuah pawh paih a la ni fo a, tin, kawng dungah hnawksak khawp a paih a ni te hi khawtlang zah lohna lian tak a ni. Tin, Side Drain hnawh a leivung la paih te paih fai turin kan in hriattir bawk e.

Sd/- Secretary, Road Protection Committee

            Zuar lo tur a ngenna
    Kumdangah pawh kan lo tih \hin tawh angin, Halpuah, halmawi leh silai lem a mu kapchhuak thei zuar lo turin kan Branch huamchhung a dawrkai te kan inngen tak meuh meuh a. Halpuah, halmawi leh silai lem a mu kapchhuak thei te hi mihringte tana \angkaina nei lo, hriselna tichhe thei, a lo thlawna sum tam tak sen ralna a nih bawk avangin he kan ngenna hi min zawm sak hram kan beisei a ni. Zuar lui kan awm chuan a \ul anga action lak a ni ang.

KUMPUAN HRIATTIRNA
    Vawmphunga Sec. huamchhung pherpui bulah zu leh ruihtheih thil dang ti \hin in awm a, hetiang ti hmuh leh man in nih chuan chanchinbu-ah hming tarlan zel a ni tawh ang a, hmalak nghal zel a ni ang. Kumpuan hmalakna kawng hrang hrangah hian khawtlang kan \anrual a pawimawh tak zet a, in finchhuah zel turin kan in ngen bawk a ni.

Advertisement......
MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak kan ni e. Kan rate a tlawm bawk.

Regd. No MSR542,                 Ph.No
                                     9436199884, 9862476439

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-5)   VL-a, Ph.No : 9402344486, 9615266170

LAWRKHAWM :

Chhiatni Report
    Pu Lalthanpuia puala buhfai leh pawisa khawn khawm dan leh thlanlaih dan ziaka hmuh theih chin :-
Section                Chhungkua    Pawisa   Buhfai   Thlanlai
Buala                       95   720      117   24
Damvea                   84   800    89    9
Kapdaia                 116   1,080    105       10
Lalsavunga      25      240 26      5
Saichhuma   92   740       105 14
Vawmphunga          34               430   35    -
    Total                  446   4,010   508 62
    Vawmphunga Sec. hi chhiattawk Section an ni.

Sawihona nei
    Nov. ni 17, 2018 (Inrinni) khan Local Council leh Hlimen Sa zuar Association chuan YMA hall ah sa zawrhna hmun chung chang sawihona hun an hmang.
    Tuna sa sahna (sa zawrhna) hmun venglaikawn hi a chep tak em avangin ruahmanna \ha zawk nen a hmundanga insawn dan chung chang sawiho a ni a, ruahman ang chuan Quarry chim area ah sawn tum a ni a, kumin Krismas hma ngei a hmalak a, ruahmanna felfai, thinghlim zawk leh bawlhhlawh sawngbawl dan thlenga ngun taka ngaihtuah ngai a nih avangin hma la chung zel a, a \ul ang zel a hmalak a nih tur thu kan thudawnna chuan a tarlang a. Tlailamah Hlimen Sa zuar Association te buatsaih chawhlui tuihnai tak an kilho nghal bawk.

Hmalakna kal zel
    Kan kawngpui dung a lo him zawk nan Road Protection Committee chuan hma a la zel dawn a, kawngpui dung hi vantlang ta a nih angin mahni inkawt pawh nisela lirthei nileng emaw zankhua a dah emaw a remchanglo a, man theih a ni. Tin, bungrua engchi pawh dah hnawk lo turin Road Protection Committee chuan mitinte min ngen leh a ni. Tin, hunpui kan lo hnaih leh ta a, kan khawtlang leh Park tlawhtu ten harsatna lian zawk an tawh mai loh nan Lalsavunga Park hawn hun leh enkawl chung chang ah ruahmanna felfai zawk a awm theih nan Local Council ten Nov. ni 21, 2018 khan L.A.D hotute an hmu bawk.

Branch YMA lawm
    Branch YMA in UPHC-ah mutbu/thuamhnaw dahna tur donate nise a tih chu siam zawh a ni ta a, Pu Vanlalsawma, Lalsavunga Sec. chuan hlawh engmah phut lovin min siam zawhpui a, a chungah Branch YMA chuan lawmthu a sawi a ni.
    Tin, Branch YMA Sound System leh thil dang a man ngai miah lova min siamsak \hintu Pu Zoramkalsiama, Saichhuma Sec. a mi chungah Branch chuan lawmthu a sawi tak zet zet bawk.

Tleirawl pualin hun hmang dawn
    Hlimen Branch YMA hnuai a Kumpuan Committee te chuan tleirawl kum 15 - 17 inkar ten nun kawng dik an zawh chhoh zel theih nan YMA Hall-ah kokhawmin Dec. ni 15, 2018 (Inrinni) zan dar 7:30 hian hun hmanpui a rel a. Hlimen huamchhunga tleirawl kum 15 - 17 inkarte chu nu leh pa ten kan fate kaltir \heuh turin Branch YMA chuan a ngen tak meuh meuh a ni.

PAGE - 4

KEIMAHNI :

Hlimkhawpui Budget
    Hlimkhawpui September & October 2018 thla Budget pe tla tawh te:
1.   Saichhuma Sec.   2. Damvea Sec.
3.   Kapdaia Sec.   4. Buala Sec.
5.   Lalsavunga Sec.
    Saichhuma Sec. ten kumin chhung Budget an tlak fel ta bawk.

Kumpuan hmalakna
    Lalchungnunga S/o C.Zaliana chuan Thanchhunga te pawisa Rs 3300 a ru a, kumpuan comtt. te chuan zilh hauhna pein pek let tir leh vek a ni.
    Tin, Zoramthanga S/o Rokima (L) Saichhuma Sec. chu a zu fun 30 man a ni a, excise ah pek a ni.
    Kumpuan Sub Committee, Hlimen Branch YMA chuan kan khawtlang a lo thianghlim deuh deuh nan a \ul angin hma a la zel a, he hmalakna kal zelah hian \anrualna a pawimawh avangin kan khawtlang hi ruihhlo leh buaina hrang hrang laka kan fihlim deuh deuh theih nan chhungtinte Kumpuan Sub Committee chuan thawhpuiah a sawm a ni.

CYMA CHETVELNA
16.11.2018 :   Aizawl SP Conference Hall-ah District Level Screening Committee for Implementation of Mahila Police Volunteer meeting neih a ni a, Pu Lalrochuanga Pachuau, Treasurer a tel.
16.11.2018 :   Tuirial Branch YMA ten Ruihhlo an man khawmte halral programme an hmang.
16.11.2018 :   Ashish Kundra, IAS, CEO, Mizoram hovin a Pisa-ah NGO Co-Ordination Committee leh Election Deptt. hotuten Jt. Meeting an nei a, Pu Vanlalruata President, Pu Fabian Lalfakawma Fin. Secretary te an tel.
16.11.2018 :   Bawngkawn Branch YMA-in Golden Jubilee an lawm a, Tv.Lalhmachhuana, Gen. Secretary, Pu Jeffrey L. Fanai CEC, Pu R.Lalpeka CEC, Pu V.L.Chhuanga Chhangte CEC, Pu David Lalnunkima CEC, Pu Lalrindika CEC ten an hmanpui.
17.11.2018 :   Central YMA Office-ah NGO Co-Ordination Committee neih a ni a, Tuikuk Transit Camp-a awm ten MLA inthlana vote an thlak dan tur chungchang leh dan dik lova Tuikuk Electoral Roll-a thun chungchang an sawiho.
20.11.2018 :   Khawzawl khuain kum 50 an tlin (Golden Jubilee) lawmna programme an hmang a, “Pu Vanlalruata President leh Pu Laldawngliana CEC ten an hmanpui.
21.11.2018 :   NGO Co-Ordination Committee Central YMA Office-ah neih a ni a, Prime Minister lo hmuh dan tur leh thu thlen tur chungchang an sawipui.
21.11.2018 :   Shri. Ram Madhav, General Secretary, Central BJP i/c NE, J&K chu Central YMA Office-ah a lo leng a, NGO Co-ordination Committee ten an lo kawm.
22.11.2018 :   Shri Narendra Modhi, Prime Minister of India chu Aizawlah a lo zin a, Aijal Club-ah NGO Co-Ordination Committee ten an lo kawm .

Kohhran News
## KOHHRAN HALL HAWNG : Hlimen Damveng Presby. Kohhran te chuan Nov. ni 17, 2018 (Inrinni) zan khan Kohhran Hall an sak chu hawnna hun an hmang. Bialtu Pastor Rev. Lalchhuanawma'n Hall hi hawngin; Hall tharah hian inkhawmna hun an hmang nghal a ni. Tin, he Hall hi cheng nuai 41 senga sak niin thu dawn a ni.

## Camping nei mek : Isua Krista Kohhran, Hlimen te chuan Chhandamna Camping an nei mek a, Speaker atan Pu Lalrampana, Isua |hiante Team hman a ni a, Campers te hi mipa 16 leh hmeichhia-4 niin Pathianah harhtharna ropui tak an chang niin thu kan dawng.

## PAVALAI MEET HMANG : Hlimen Pastor Bial Pavalai Meet chu Nov. ni 24 & 25, 2018 chhung hian Hlimen Damveng Kohhran-ah neih a ni a. Speaker atan Pu C.Lalzahawma Synod Revival Speaker chu hman a ni. Bial chhung Kohhran 5 atangin pavalaite an tel \hahnem hle.

Sport News
Hlimen Cricket Club : C.A.M buatsaih 3rd Division Screening Tournament khel mek ah Hlimen Cricket Club te pawh tel ve in a tlem berah Match 5 an khel dawn a, Durtlang leh Ramhlun Sport Complex ah khelh \hin a ni.
    Tournament khelh senso a san avanga sum leh paia puitu Branch YMA leh Local Council chungah HCC ten lawmthu an sawi mawlh mawlh bawk a ni.

Volleyball
    Aizawl District Volleyball Association buatsaih Zone ‘A’ 2nd Division Tournament khelh-ah Hlimen Volleyball 2nd Division Team te chuan Tachhip, Dinthar leh Hunthar leh Salem Veng Volleyball Club te hnehin Semi-Final an thleng a, Semi Final-ah hian ITI lakah 3-1 in an vanduai ta hlauh a ni.

Taekwondo-ah che |ha
    1st India Cup Open International Taekwondo Championship 2018 Silchar a khelh zawh takah Lalfakzuala S/o Lalhmingmawia, Saichhuma Sec. a mi chu Pomsae Best Player-ah thlan a ni. Tin, Faka hian Pomsae ah Gold a la a, Fight-ah Silver Medal a la bawk.
    A hlawhtlinna kan lawmpuiin a kal zelna turah duhsakna kan hlan a, hetiang talent nei \ha kan vengin kan nei hi a lawmawm a, veng pawh a chawimawi tak zet a ni.

Saturday, 17 November 2018

Sahmulphah thla(November) Ni 17, 2018, Issue No. 46

PAGE - 1

TUALCHHUNG :

Damlo : Pu Samson Zorammuana H/o Lalrindiki, Damvea Sec. ami chu Pumna avangin Nov. ni 9, 2018 (Zirtawpni) khan Synod Hospital, Durtlang ah Admit a niin, dam takin a lo chhuak leh ta.

##    Pu Lalhminghlua H/o Lalrinkimi, Kapdaia Sec. a mi chu zunkawng \halo avangin Nov. ni 14, 2018 khan Aizawl Hospital-ah admit a niin, dam takin a lo chhuak leh ta.

##    Lalramliana S/o Lalrinliani, Kapdaia Sec. a mi chu pum lam fello avangin Nov. ni 15, 2018 khan Durtlang Hospital-ah admit a ni.

##    Pu Laldawngliana H/o Lalfamkimi, Buala Sec. a mi chu Nerve lam \ha lo avangin Doctor te rawn a investigation te tih niin tunah in lamah enkawl mek a ni.

##    Pi Lalramlawmi w/o Zoramthanga, Buala Section chu ni 16, November, 2018 khan Presbyterian Hospital, Durtlangah Sciatica vanga zai niin enkawl chhunzawm mek a ni.

##    Pi Zothansangi W/o C.Zoramchhana, Buala Sec. a mi chu Nov. ni 14, 2018 khan Civil Hospital-ah a hnute zai niin tunah in lamah enkawl mek a ni.

##    Pu Dengsailova H/o Pi Romawii Saichhuma Sec. a mi chu tunlai hian inlamah enkawl mek a ni.

Best Midfielder : Tv. Vannunmawia S/o Sangzarliana, Kapdaia Section chu ADFA 1st Div. League khelh zawh tak ah Best Midfielder ah thlan niin a team (Aizawl FC Academy) chu a champion pui a ni. Hlimkhawpui EB te chuan hetiang a talent nei \ha kan nei hi kan chhuangin kan lawmpui hle.

Property Tax khawm mek : Tunkar chho khan Local Council Office ah AMC Property Tax khawn mek a ni a, tax hi indinglai a\anga lak niin a hmun a zir te, a upat a zir te, a sak dan a zir tein a in ang lo a, sawi tawh \hin angin kan veng hi AMC Area a Tax hniamna ber zone a awm mek kan ni.

************************************************************

Vote thlak hi kan tih tur, kan chanvo pawimawh a ni tih hriain MLA inthlan lo awm turah vote nei chin chuan vote i thlak \heuh ang u.

************************************************************

HEADLINE :

BRANCH YMA EXECUTIVE COMMITTEE VAWI 12- NA NEIH A NI
Nov. ni 16, 2018 (Zirtawpni zan) khan YMA Hall-ah Branch YMA Executive Committee vawi 12-na neih a ni a, thurel tlangpuite:-

1. Kum 2019 Hruaitu thlan : Kum 2019 Branch YMA hruaitu thlan dan turah hetiang hian ruahmanna siam a ni:-
A hun : December ni 14, 2018 (Zirtawpni) zan Dar 7:00
A hmun : YMA Hall
Nomination siam a ni a, chung zing a\ang chuan mi paruk thlanchhuah leh tur a ni ang.
Tin, programme kimchang zawk chu O.B te kutah dah a ni.

2. Sum audit : Kumin chhunga Branch sum, Chhiatni fund sum, Property sum, Hlimkhawpui sum te chu December ni 11, 2018 (Ningani) zan dar 7:00 ah YMA Hall-ah audit tur a ni a, Auditor atan heng mite hi ruat an ni :- (1) Pu H. Ralkapthanga, Convener (2) Pu Duhthusama (3) Tv. Lalkhawmawia.

3. Lawmman chung chang : (i) Committee kalkim lawmman: - Kumin chhunga Branch Committee meeting Vawi 12 neih a kalkimte hnenah lawmman ` 400 man hu pek nise tih a ni.
(ii) Hnatlang kalkim : Kumin chhunga Branch YMA in hnatlang a koh Vawi 5 neih a kalkim te hnenah ` 500 man hu thilpek nise tih a ni bawk.
(iii) Local Council Award : 2018 Local Council Award Selection Committee Convener hnen a\angin report ngaihthlak a ni.
(iv) YMA Chanchinbu la \ha lawmman : Kumin chhunga YMA Chanchinbu la \ha ber Section hnenah lawmman hetiangin siam a ni:- Section copy la tam ber ` 1000 man hu, percentage a lak a la tam ber ` 1000 man hu pek an ni ang.

4. Advance Krismas hman dilna : Damvea Section ten Advance Krismas hman an dilna chu remtihsak an ni

5. Member ruat belh dilna : Kumpuan Sub-Committee-in member atana mi 11 ruatbelh an rawtna chu pawmsak an ni.

6. |anpui dilna : Hlimen Cricket Club hnen a\angin CAM buatsaih 3rd Division Screening Tournament an khelh turah sum leh pai a harsatna an neih avanga Branch YMA a \anpuina an rawn dilna chu ngaihtuah sak niin ` 5000 a \anpui nise tih a ni.

7. Vantlang Information mike chungchang : Vantlang Information mike tun aia \ha leh changtlung zawk a siam chungchanga rawtna lolut chu Local Council-ah kumthar lamah rawtna thlen a bawhzui nise tih a ni.

8. Tleirawl/Rawlthar kohkhawm chungchang : Kumin kumtawp December ni 14, 2018 (Zirtawp) zan a YMA Hall a tleirawl/rawlthar kohkhawm nise ti a rel tawh chu, Branch YMA OB inthlan hun a nih leh tak avangin Kumpuan Sub-committee-in a hun leh ni lo ruat \ha leh se tih a ni.

9. Report : Kumpuan Sub-Committee leh Thlanmual Sub-Committee hnen a\angin an hmalakna report ngaihnawm tak ngaihthlak a ni bawk.

PAGE - 2

EDITORIAL :

           I pawimawh
    Khawvel mihringte hi engtik lai pawh a suangtuahna thar nei reng; thil thar zawk hmuha hriat chak leh tawn chak a bei a, hmanhlel kan ni deuh vek mai awm e. Hunbi a lo inher dawn pawhin engemaw a thlen turah ngaiin kan nghakhlelin kan urlawk nasa hle \hin. Naupangin nulat tlangval hun a nghakhlel a, nula leh tlangval ten nupui pasal neih hun tur an thlir a, nupui pasal nei tawh ten chhungkaw hmalam zel tur thlirin an hmanhlel a, chu chu mi pangngai kan tih ten an thil thlir chhoh dan kalphung pangngai, khawvel pianken pakhat chu a ni.
    Engpawhnise, thilthar a lo thlenin chona thar kan hmachhawn tel fova, kan hmachhawn thil avangin thil thar a lo chhuak thei bawk a, chuvangin, engkimah nang leh kei chu a pawimawh ber te zinga mi kan lo ni ta a ni.
    Kan khawtlang pawh hian nangmah avangin hmai uanna leh hmai huhna a tawng thei a, nang leh kei avangin kan khawtlang hi a nuamin a nuam lo thei tih hi thil chiang tak a ni. Han chhut vang vang la, kan khawtlang tan hian enge i thlen a, kan chhungkua ah engdinhmun nge ka chelh tih hi ngun takin in zawt fo teh? I chhanna chuan i zawhna pek chu a chhang fuhin i lung a awi em le?
    Pathianin he khawvela awm tura a duan bik liau liau i ni a. I hlu a ni. Chutihrualin, hla thu in i thawh loh avangin tam tak an boral e.. a tih ang khan kan khawvel hman mek kan hman thiam loh avangin he khawvel, kan khawtlang, kan chhungkua leh keimahni ngei pawhin kan chhiatna tur thil kan thlen tir fo a\ang hian harh chhuak ila, Ram leilung fa, roluahtu kan ni tih i hre teh ang u.

AIZAWL SOUTH-III CANDIDATE BIHCHIANNA

F.LALREMSANGI (BJP) :

Nl. F.Lalremsangi hi Pu F.Rinchungnunga leh Pi Lalrinthangi te inkarah January ni 25, 1978 khan Tualte (Champhai District) ah a lo piang a, an unau hi hmeichhia 2 leh mipa 2 an ni. Kum 1983 khan Falkawnah pemin tun thlengin Falkawn-ah hian an cheng chhunzawm ta a ni.
Zirna lamah M.A.(Pol.Sc.) niin Post Graduate Diploma in Computer Application a zir chhuak bawk. BJP-ah hian Aizawl District-ah Vice Chairman nihna a chelh mek a, tin, V/C member, Chairman Chhimphei Jt. V/C, President All Mizoram Village Council Assn., nihna te a chelh mek bawk a ni. Tin, kohhran lamah chuan Falkawn Presby. Kohhran-ah a lawi mek a ni. Eizawnna lamah - Damdawi dawr Falkawn-ah neiin Damdawi mantlawm zawrhna (Jan Aushadi Store) a nei mek bawk a, Zogo Tours & Travels (thlawhna ticket bookna) neiin Millenium Centre-ah Toys zawrhna dawr a nei bawk a, Govt. Approved supplier a ni bawk.
HLIMEN KHAWTLANG TAN A HMACHHAWP A NEIHTE
1. Phunchawngzawl Road leh Tuikhuah dung Road RCC a siam. Rawthing hmun Road (Zorema sih) thleng a lo neitute tan Motor lut thei turin hmalak.
2. Phunchawng zawl, Tuilut mual kawng kan siam ang. Stone Quarry nei duhte tan helai hi Stone Crusher bunna hmun tha a ni..
3. Central Workshop leh a chhehvel ram hi Hlimen khaw mipuite duhdan anga hman \angkaina tur zawn a, Central Scheme hnuai a mirethei in neilote insakna hmun ah hmangin tuna cheng mek te duhsak hmasak an ni ang.
4. Khaw chhung mipuite mamawh ang zelin MLA Fund dah a ni ang. MLA leh khawtlang hruaitute nena a \ha ber tur sawihona neih bak chu MLA ah dil buai a ngai lo ang.
5. Hlimen tan Bazar building sak a nih theih nan hmalak.
6. Public Water Supply, Private Connection,, Electric Line te ti pung in Tui/Electric connection a harsatna sut kian a ni ang.

K.S.THANGA (INC) :

Pu K.S.Thanga hi Pu Bualtuma(L) leh Pi Dar\hiangi te inkarah June ni 22, 1960 khan Tachhip khua-ah a lo piang a, an unau hi 6 an ni. Kum 2014 khan Abigail Zothansiami nen inneiin fa - mipa 4 leh hmeichhia 2 an nei a, Luangmual, Aizawl-ah an cheng mek a ni.
Zirna lamah hian PU a passed a ni. Tin, Kohhran lamah Salvation Army-ah lawiin Kohhran Commtt. Member a ni a, thuhriltu a ni bawk.
Mizo National Movement (Ram buai lai) ah khan ram tan tha leh zung sengin a ram mu ve a ni. 2008 Election –ah INC ticket in Aizawl South-III ah thlan tlin a ni a. Parliamentary Secretary ah dah niin Deptt.
pawimawh tak tak a enkawl. 2013 Election-ah INC ticket bawkin Aizawl South-III ah thlan tlin leh a ni a, Parliamentary Secretary ah bawk dah leh a ni a, Deptt. pawimawh tak tak a enkawl leh a, tichuan, 2017 kum tawp September thla-ah Minister of State ah hlan kai a ni a, Independent charge in Agriculture, Irrigation & Water Resources Deptt leh Land Resources, S & WC Deptt te 2018 Election hma thlengin a enkawl a ni.
HLIMEN KHAWTLANG TAN A HMACHHAWP A NEIHTE
1. Badminton/Volleyball/Table tennis/Bazar/Community hall awm theih na tur Multipurpose Hall sak
2. Quarry Kawng siam hmabak siam chhunzawm
3. Hlimen Veng chhung Tui Connection in a thlen phak loh te thlen tir
4. Hlimen Playground tun aia zau zawk leh changtlung tur a siam that
5. Hlimen Veng chhung Internal Road(mauhak kawn to Vengthar/\helretkawn to mauhakkawn/vengthar biakin to vengthar kawng te Concrete Pavement
6. Hlimen Quarry Chim huam chhung awm ze nei tak a siam
7. Vengthlang Chuanhnuai Balcony siam
8. Vengchhung a Luikawr awmte, a chung khuh a, inkal pawh theihna tur Step Siam.

PAGE - 3

HRIATTIRNA :

Zuar lo tur a ngenna
Kumdangah pawh kan lo tih \hin tawh angin, Halpuah, halmawi leh silai lem a mu kapchhuak thei zuar lo turin kan Branch huamchhung a dawrkai te kan inngen tak meuh meuh a. Halpuah, halmawi leh silai lem a mu kapchhuak thei te hi mihringte tana \angkaina nei lo, hriselna tichhe thei, a lo thlawna sum tam tak sen ralna a nih bawk avangin he kan ngenna hi min zawm sak hram kan beisei a ni. Zuar lui kan awm chuan a \ul anga action lak a ni ang.

Advertisement.....

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak kan ni e. Kan rate a tlawm bawk.

Regd. No MSR542,                 Ph.No
                                     9436199884, 9862476439

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-4)   VL-a, Ph.No : 9402344486, 9615266170

************************************************************

Kan Branch President Pu Hmua chuan an inneih cham vawi 33-na pualin arsa tuihnai tak mai min rawn hlui hnawk mai. Kan va tlai em. Nupa hlim tak ni zel turin duhsakna kan hlan e.

************************************************************

LAWRKHAWM :

MPF OFFICE HAWN A NI TA
    Nov. ni 13, 2018 (Thawhlehni) zingkar khan inthlanna boruak muanawm leh thianghlim a awm theih nana beitu MPF Local Forum te chuan Hlimen Venglai a Pi Lallianmawii te inah an Office hawnna an nei a. Presbyterian Kohhran Bialtu Pastor Lalchhuanawma chuan Pathian hnenah an Office thar hi hlanna neiin a hawng a ni.
    MPF Office thar hawnna/hlanna ah hian LC leh Party hrang hrang hruaitu te leh Hlimen chhunga NGO hrang hrang ten an \awimawm a ni.

Thlan fel ni ta
    Nov. ni 14, 2018 (Nilaini) khan Neida (TATA) hnuaia kan venga vawkin sak diltute YMA hall-ah kal khawmin vawkin sak diltu mi 40 chuangte chu vawkin sakna bungraw\henkhat a thlawna dawng tur thlan fel an ni ta.
    He project hi NGO pakhat Opendoors ten buaipuiin a tira diltu mi 100 chuang a\angin a dawng tak tak tur hi thlan chhuah leh an ni a, heng thlanchhuah te hian intiamkamna fel tak an nei vek a ni.

MLA Candidate Bihchianna......
PROF. F.LALNUNMAWIA (MNF)

Prof. F.Lalnunmawia hi Pu F.Lalthlamuana(L) leh Pi Lalhmangaihi te inkarah Oct. ni 28, 1973 khan Samtlang khua-ah a lo piang a, an unau hi hmeichhia 1 leh mipa 3 niin a upa ber a ni. Kum 2003 khan Vanlalngheti nen inneiin fa hmeichia 1 leh mipa 1 an nei a, Chawnpui Vengah khawsa mekin Seventh Day Adventist kohhran-ah an lawi a ni.
    Zirna lamah kum 2002 khan Ph.D a zova, kum 2018 June thla khan Professor-ah hlankai a niin Mizoram University-ah Botany Deptt. ah Professor hna a thawk mek. Kum 2008 khan UDA Ticket in Aizawl South-III-ah a lo ding tawh a, tunah MNF Party-ah hian Secretary Policy & Programme Deptt. a chelh mek a ni.
HLIMEN KHAWTLANG TAN A HMACHHAWP A NEIHTE
1.   Vengthar leh High School Veng mipuite tui pek.
2   |helretkawn to Khurpui Jeepable Road.
3.   Community Hall sak.
4.   Food Processing Plant emaw sports complex atana Central Workshop hman.
5.   Higher Secondary School din.
6.   Quarry area-ah Bazar, Indoor Stadium, parking etc.. siam.
7.   Melthum to Samtlang Road widening.
8.   Upa te chawlh hahdamna tur Old age Day care Centre din.
9.   Housing for all kaltlanga a mamawh ngeite in leh lo dinpui.
10.   |helretkawn to Mauhakkawn Road RCC a siam.
11.   Volleyball Court near Anganwadi Centre, Damveng
12.   Mualzawl to Thlanmual-I kawng chung widening tih a RCC a siam
13.   Hlimen Field hi field puitling a siam.
14.   Vengthlang lei che \hin ven nan check-dam siam.

PAGE - 4

KEIMAHNI :

Hlimkhawpui Budget
    Hlimkhawpui September & October 2018 thla Budget pe tla tawh te:
1.   Saichhuma Sec.   2. Damvea Sec.
3.   Kapdaia Sec.   4. Buala Sec.
    Saichhuma Sec. ten kumin chhung Budget an tlak fel ta bawk.

CCC Committee
    Nov. ni 14, 2018(Nilaini) khan Central YMA Hall-ah Central Coordination Committee neih a ni a. Hemi hun hian CYMA Gen. Secy. Reports ngaihthlak a ni bawk a ni. CCC Committee chuan YMA Rorel inkhawm in thu bawhzui tura a dahte chu CEC lo bawhzui atan a dah a ni. Kan Branch aiawhin Tv. Lalkhawmawia, Asst. Secy chu he hunah hian a tel a ni.

CENTRAL YMA, SUPPLY REDUCTION
SERVICE (SRS) 7th BATCH REPORTS
    Central YMA hnuaia Supply Reduction Service (SRS) ten July ni 7,2018- Nov. ni 13, 2018 chhunga ruihhlo man leh hmalakna :
Heroin Number 4   Hawng : 90
Can :997   Chhinsen : 203
Alprazolam (AP) : Mum 6013
Cough syrub : 1275Bottles
Mihring : Mi 693
Home dah luh : Mi 95,       Excise (Narco) a pek : Mi 18
Police a pek : Mi 7, Ganja :15 pkt
Counselling kal tir : Mi 312,     Khawm zat : 223

KALKIM TE
    Kumin chhung hian Branch Executive Committee meeting vawi 12 neih niin Branch YMA in hnatlang a koh vawi 5 neih a ni bawk a, chung hun a kalkim te chu:- 1. Committee kalkim : Pu Lalrinmawia, Tv. R. Lalawmpuia, Pu RC Lalroliana, Pu Robuanga, Tv. R Lalrindika, Pu Lalrinchhana, Pu K Lalremruata, Pu Lal\anzuala.
2. Hnatlang kalkim: Pu Lalhmuchhuaka, Pu Lalrinmawia, Tv. R Lalrindika.

Advertisement....

F.M. WATER PUMP CONTROLLER
    Tui i pump liam ve \hin em? Tui pump khawl sa a awm lohin i buai ve \hin em?
    I tuipump khawl control a, nangmah aia lo vengtu, i tuizem a phai a pump khat a, a liam hma a lo Off leh mai tu Robot anga lo duty tlat tur khawl ` 2,900 chauhin kan fit sak thei reng e. I hriatchian duh chuan Pu Sama, Pu Rotluanga zawt mai la....
    Contact : 9436191562/9862537973
(2-2)   /8837430165

Oro Dental Care
50% OFF   * Kulikawn
- Scaling (Ha tihfai)       Rotuaki Building
- RCT (Thling|huah)   * 9 Am to 5 Pm
- Filling (Ha hnawh)   * Chhun lama hman lo tan
FREE CONSULTATION   6 Pm to 8 Pm appointment
DECEMBER THLENG       heng No. ah te hian a                lak theih e.
(4-4)   8549946747/7005733068

MLA Candidate Bihchianna......
RD LALRAMMAWIA (ZPM) :

Pu RD Lalrammawia hi Pu V.Dantawna leh Pi Ropuithangi te inkarah ni 27, February 1971 khan Thenzawlah lo piangin, unau 12 niin, pakhat erawh chuan mual a lo liam san tawh a ni. Pi Lalhlimpuii nen 1996 khan inneiin fa mipa 1 leh hmeichhia 2 an nei a, an fapa hian kum 2017 khan a lo boralsan tawh a, tunah Republic Hmar vengah an chhungkuain an khawsa mek a, amah hi sumdawng a ei zawng a ni.
Zirna lamah M.A.(Eco) niin kum 2000 khan politics ah lut \an in ZNP a zawm a, tunah hian PAC member leh Senior General Secretary hna a chelh mek a ni.
Amah hi Presbyterian Kohhran mi leh sa niin, KTP Zaipawl Conductor leh Kohhran Pavalai hruaitu te a lo ni tawh \hin a, puitling Sunday School zirtirtu a ni mek bawk.

HLIMEN KHAWTLANG TAN A HMACHHAWP A NEIHTE
1.   Kut hnathawktute chawikan nan Agricultural Link Road ngaih pawimawh hmasak ber a ni ang.
2.   Indoor Stadium thar hlak hmun remchangah sak.
3.   Hlimen field hi field puitling \ha tak a siam.

TLANGNGAIHTHANGA (Zoramthar Pawl) :

Pu Tlangngaihthanga hi Pu Chalkunga leh Pi Saimawii te inkarah Jan. ni 1, 1967 khan Sailamah lo piangin, an unau hi 10 an ni. Pi Chanchinmawii nen 1993 khan inneiin fa pathum, mipa 1 leh hmeichhia 2 an nei a ni. Tunah hian Chaltlang Lily vengah khawsa mekin amah hi Pensioner a ni.
Zirna lamah Pawl 9 thleng a zir a, tunah hian Zoramthar pawlah Executive Committee member hna a chelh mek.
Chaltlang Lily veng Kohhranah lawiin Ramthar Committee-ah leh Pavalai pawl Committee member nihna a chelh mek a ni.
HLIMEN KHAWTLANG TAN A HMACHHAWP A NEIHTE
Zoramthar Sawrkarah chuan Pathian thu ang zelin khawtlang tana \ha tur ngaihtuah zel a ni anga. Khawtlang leh Ram tana \ha tur chu Pathianin a hre zawk anga khawtlang leh ram tana \ha tur chu Pathian \ih chung leh a thu ang zel a thawh a ni ang.

Saturday, 10 November 2018

Sahmulphah thla (November) Ni 10, 2018, Issue No 45

PAGE - 1

TUALCHHUNG :

Damlo : Pi Biakthansangi W/o R. Hming-thansiama Saichhuma Sec. a mi chu zunthlum avangin Nov. ni 1, 2018 khan State Referral Hospital,Falkawn Hospital ah Admit a ni.

##    Marina Lallawmsangi D/o Lalremruata Saichhuma Sec. a mi chu zunkawng a hnai awm avangin hun engemaw chen Alpha Hospital ah enkawl a nih hnuin Nov. ni 8, 2018 khan a lo chhuak leh ta.

##   Pu M.S.Dawngliana H/o Lalthanzuali, Damvea Sec. a mi chu Nov. ni 7, 2018 (Nilaini) khan Aizawl Hospital-ah a zunkawng fello avangin zai a ni.

##    Pu A.Zothankhuma H/o Lallawmzuali, Saichhuma Sec. a mi chu Nov. ni 4, 2018 khan thing a\angin a tla palh a, a nak ruh a sawh nat deuh avangin investigation hrang hrangte tih niin tunah Alpha Hospital, Kulikawn-ah enkawl mek a ni.

##    Pu H.Hautluanga H/o Lalngaihawmi, Buala Sec. a mi chu taksa lam harsatna avangin Zemabawk Hospital-ah enkawl mek a ni.

##    Lalchhantluanga S/o Vanlalchhunga, Damvea Sec a mi chu pneumonia avangin Nov. ni 8, 2018 khan Alpha Hospital ah admit a ni.

Tuak thar : H.V.Lalhmangaiha S/o H.Chalkunga Saichhuma Sec. a mi leh Rebek Vanlaldiki D/o Malsawma, Buala Sec. a mite chuan Nov. ni 8, 2018 (Ningani) khan dam chhunga nupa ni turin ‘tiam tlat e’ an ti.

Nâu nei thar : Pu Zoramsanga leh Pi Melody Zodinpuii te nupa, Buala Sec. a mite chuan an fa hmingkoh atan Nov. ni 4, 2018 (Pathianni) khan State Referral Hospital, Falkawn-ah naute mipa duhawm tak an nei thar.

MUP ten lawm : Hlimen MUP te chuan Aizawl huamchhunga Lengkhawm zai intihsiaka lawmman pathumna an lak leh khuangpu pahnih ten lawmman pakhatna an lak ve ve avangin Nov. ni 10, 2018 (Inrinni) khan YMA Hall-ah lawmna hun an hmang a, sawhchiar te pirin hun hlimawm tak an hmang. He thu buatsaih lai hian an hun hman dan kimchang hriat hman a ni lo a ni.

HEADLINE :

Hnam hnatlang
    Nov. ni 6, 2018 khan NGO Coordination Committee huaihawtin Zoram pumhuapa Hnam hnatlang neih a ni a, Hnam hnatlang hmanna pui ber Aizawl ah chuan Chief Electoral Officer Pisa Raj Bhavan bulah hman ani a, zing dar 8 a\angin mipui an kalkhawm \an a, hemi ni hian kan Branch pawh bus 1 leh mahni lirthei remchan dang ang anga kalin kan \hahnem hle.
    Hemi ni hian mipui pungkhawm an \hahnem hle a, Treasury hmar lamah Dakinpui leh Raj Bhavan chhim lam leh Tennis Court chuanhnuai thlengin kawng dungah mipui an pungkhawm a ni.
    Hnam Hnatlang nei a pungkawm te hian Mizoram CEO SB Shashank duhlohna lantirin CEO chu Mizoram chhuahsan tur leh Tuikuk an mahni duhthu ngei a Mizoram chhuahsantute chu an awmna Mizoram pawn Tripura Camp-a Vote thlaktir an duh loh thu te an auchhuahpui a ni.
    Hemi ni hian Aizawla sumdawng ten dawr an khar a, tin, he hnam hnatlang an thlawpzia lantirin MZU leh zirna in \jhenkhat ten chawlh an puang a, tin, man lovin hnatlang tur te chu ACBOA ten phurin; Taxi driver \henkhat te pawhin an lirthei a thlawnin an thawhchhuah pui bawk.Tin, Young Lai Association te chuan Press Release siamin NGO Coordination Committee hmalakna an thlawpzia thuchhuah siamin an tarlang bawk a ni.
    Tin, Mizoram Journalist Association pawhin SB Shashank a Press Conference an Boycott bawk.
    Hetih lai hian Election Commission of India a\anga lokal te chu sawrkar hotute leh NGO Coordination Committee hruaitu ten bia in ECI team te hian thutlukna an siam theih loh thu leh ECI hnenah thlen hmasak a ngaihtu an sawi a, CEO SB Shashank sawnna order a awm mai rih loh avangin a tuk Nov. ni 7, 2018 khan hnam hnatlang chhunzawm leh niin Branch YMA 15 detail an ni a, kal an \hahnem leh hle a ni.
    Nov. ni 7, 2018 tlailam khan SB Shashank hi Delhi lamah koh thlak a ni a, NGO Coordination Committee hmalakna chu hlawhtling chho zelin   Nov. ni 9, 2018 (Zirtawpni) tlailam dar 4:30 a ECI palai lo kalte leh NGO Coordination hruaitute meeting chuan thutlukna siamin SB Shashank CEO chu thlak fel a ni a, tuikuk te Mizoram chhungah vote an thlak ang tih a ni ta a ni.
    He hnam hnatlang hi Aizawl ah chauh ni lovin District khawpui hmun hrang hrang ah pawh neih niin a hlawhtling hle a, sawrkar pisa a hnathawk te pawhin he hnam hnatlang hi an thlawp \ha hle a, tum\um hmalakna hian rampum a nghawng a, Mizote kan \angruala, tun anga kan \anrualna kan lantir zel chuan hmabak eng tak kan nei ngei ang. He hnam hnatlang in a nghawngchhuah hmuh hian\anrualna hi chakna a ni tih a lang chiang hle.
    He hnam hnatlang ah hian kan veng a\angin kal \hahnem hle mai a, tin, Local Council te pawhin hnatlang \anpui nan ` 1000 an hlan bawk a ni.

PAGE - 2

EDITORIAL :

|hanharh a |ul
    Mizo te kan dinchhuahna tur atan a pawimawh em em pakhat chu mithiam tam zawk neih a ni a, kan tunlai boruak leh Zoram hma lam tur thlir hian Mizo hnathlak zingah mithiam kan chhuah chur chur a ngai ta tak zet mai.
    Japan khi indopui-II-na khan a ngawng nasa in kawng hrang hrangin an sawprawp hle a nih kha. Indo a zo a, an ram din thar leh nan zirna lamah hma an han la tak tak a, Japan hmasawn zia leh khawvelin a hmelhriat dan chu kan hriat vek hi.
    Zirna kawng ah Zoram hian hma kan sawnin kan chhehvela hnamdang te aiin kan khawhawi pawh a zau zawk hle a, chutihrualin,   nihna sang zawk, entirnan- Central Service a I.A.S., I.F.S., I.P.S etc. lamah inziaktling kan awm ta manglo hi chuan ngaihtuahna a ti thui hle a ni. Hmannia chanchinthar a lo lang, Mizorama sawrkar hnathawktu sangte meeting an rawn tihhlan a hnamdang hmel tam ta lutuk te kha ngaih\ha taka \hut ti hartu a ni a va ni em.
    Kan khawtlangah pawh zirlai thiam thei tak tak kan nei chho ta zel a, heng mite hian ram inrelbawlna lama dinhmun sang tak luah thei tura beih a va hun em. Hemi kawngah hian kan harhchhuah a \ul ta tak zet ta.
    Zirlai leh nu leh pa te pawhin hmathlir nei chunga kan fate kan beih pui a hun tak zet a, sawi tawh angin Administration lama hna lian chelhtu kan tlem telh telh a nih chuan hnamdang ten kan ram hi an duh duh in min sawi vel dawn tihna a ni a, Mizo tan thil pawi tak a ni ngei ngei dawn a, chutianga nih chuan kan hnam himna a derthawn nghal a ni. A bikin kan hnam himna atana inhung bika chung changah te a pawi zual dawn a ni .
    Chuvangin, nu leh pa te pawhin kan fate fuih sauh sauh ila, kan fate thiamna nei tur hian kan sum leh pai pawh i ui lovang u. Thiamna kawngah midangte aia hniam a kan awm chuan hnuaichhiah kan ni anga, hnam anga dinchhuah pawh a har hle ang.

ZIAKTUTE HUANG :

Ram leh hnam humhalh
Peter Chhakchhuak
Asst.Secretary, CYMA
Kar hmasa a mi chhunzawmna.....
2.   LEI LEH HRALH : Ram leh hnam humhalh nan lei leh hralhah i fimkhur ang u. Inchimralna awlsam tak chu sumdawnna hi a ni a, a tlawm zawk duhna leh itna avangin hnamdang dawr kan pan a, chu chuan kan ramah hnamdang dan lova sumdawngte a ti huangtau a, a pawi tak zet a ni. Aizawl khawpui chhungah ringawt pawh Iron Rod, Cement zuar zaa sawmkua leh pakua vel hi mizo hming hawh a dan lova sumdawng an ni a, an buk a dik lo em em bawk. Thla hmasa mai khan Central YMA hnuai a Kumpuan Committee chuan Iron Rod bung tlinglo engemaw zat a man chhuak a ni. Tunah hian Aizawl khawpui chhungah hnamdang (vai) Iron Rod, Cement leh Brick zuar ten Mizote min chimral tawh a, Mizo dawr dik tak chu tlemte chauh a ni. Mizo te hian mahni hnampui chauh dawr ila, mizo dawr kaite pawhin kan bungraw zawrhte to uchuak lovin aman phu tawk chhiar ila, min dawrtute hawihhawm takin i bia ang u. Mizote hi rethei te te kan nih avangin man tlawm zawk kan umna lamah hnamdang kan dawr leh mai \hin hi a pawi tak zet a ni.
    Mahni hnampui ngei dawr hi Ram leh hnam humhalhna \ha tak a ni. Kan rama hnamdang sumdawngte hi kan dawr loh chuan chawi belhin thla khat pawh dawr an hawng dawn lo. Tunhmain Silchar-ah miozpa in dawr a hawng a, dawrtu an neih loh avangin dawr pawh an hawng rei lo a ni awm e. Aizawl khawpui chhung a Bazar India te, Vishal dawrte hi kan mizo sumdawngte chimraltu, chem lova an lu laksak a, an hrawkhrui chhattu a ni tih hria in i dawr lo ngam ang u.
    Sum tlemte itna avanga mahni hming hawhtir a hnamdang sumdawntir kan tam hle.Khawngaih takin, heng hnamdang hming hawhtirtute hian Esauva’n a fatir nihna chu a ngainep a, ‘englo sen chhumkawi’ mana a hralh ang khan sum leh pai itna avangin ram leh hnam in hralh a ni tih hi lo hre mawlh teh u.
    Mizoramah ramdang mi leh hnamdangin Mizo hming hawhin inhmun loram lei a ram nei an awm nual. Hei hi a pawi tak zet a ni. Retheihna leh harsatna avangte a inhmun loram hralh a\ul hun a awm ang, chung hunah chuan a ram leilung fate hnenah chauh hralh hi ram leh hnam humhalh nana pawimawh tak a ni a, kan huan lo ramte ramdang mi leh hnamdang hnena kan hralh hian kan ram leilung hi hnamdangte kutah kan hlan a ni tih hria ila, ram leh hnam tan thil pawi tak a ni. Chuvangin, ram leh hnam tan thil pawi tak a thlen theih avangin tih loh tawp tur a ni. Inhmun lo ram hralh tur neite chuan mahni mizo puite hnenah chauh hralh tura inzirtir uar a pawimawh. Lei leh hralh fimkhur lohna hian kan ram leilung hi hnamdangte kutah awm tirin inchimralna a thlen thei a ni.

Advertisement....

ORO Dental care
50% OFF   * Kulikawn
- Scaling (Ha tihfai)       Rotuaki Building
- RCT (Thling|huah)   * 9 Am to 5 Pm
- Filling (Ha hnawh)   * Chhun lama hman lo tan
FREE CONSULTATION   6 Pm to 8 Pm appointment
DECEMBER THLENG       heng No. ah te hian a                lak theih e.
(4-3)   8549946747/7005733068

PAGE - 3

HRIATTIRNA :

Hmala zel dawn
    Kan kawngpuite a lo him zawk nan Road Protection theihtawpin hma a la a, thu pawh kan awih tlang chho viau a, a lawmawm hle. Chutihrualin, kawngpui dunga lirthei la sil lui kan la awm fo mai a, Road Protection lung a awi lo hle a, tunhnuah kawngpui dunga lirthei sil manchhuah kan awm chuan nataka action lak a ni ang. Tin, kawngpui tichep leh tichhe zawnga bungrua dah emaw kawngpui tichhe zawnga rod chhut emaw khap tlat a ni a, tilui kan awm chuan Action nataka lak a ni ang.
    Tin, kawngpui dungah leh lirthei dah phallohna hmunah la dah lui kan la awm fo mai a, a pawi hle. Nov. ni 8, 2018 zan pawh khan Regn. No. MZ01 C - 3576 man niin chawi tir nghal a ni.Tin, venglaikawn hi kan venglun lai tak a nih avangin Truck (407) chin din phal a ni lo a, din zawk duh te pawh quarry lam kawng zau laiah in dah mai tur a ni tih kan in hriattir nawn leh e.
Sd/- Srecretary,
Road Protection Committee, Hlimen.

Hlimen sa zuar Assn. hriattirna
    Nov. ni 17, 2018 (Inrinni) hian Hlimen Sa Zuar Association chuan YMA Hall-ah intuaitharna leh intihhlimna hun hman tur a ni a, hemi ni hian member zawng zawngte kim taka kal turin kan insawmin kan inngen a ni. Hemi tlai hian chawhlui kilho nghal tur a ni ang.
    Sd/- Secretary
    Secretary, HSA

Quarry Parking
    Quarry lirthei dahtu Parking fee pe te tan dahna bik tur siam mek zel a ni a, mahni lirthei te a dahna ruahmanah dah \heuh tura hriattir kan ni a, tin, parking fee la pe lo, helai hmuna lirthei dahtu zawng zawng te Parking fee hi 407 O&D Assn. hruaitute hnenah pek tur a ni a, Parking Fee chung changa hriatchian duh nei chuan Hlimen 407 Owner & Driver Association hruaitute zawhfiah mai tur a ni e.

Advertisement....

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak kan ni e. Kan rate a tlawm bawk.
Regd. No MSR542,                 Ph.No
                                     9436199884, 9862476439

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
(6-3)   VL-a, Ph.No : 9402344486, 9615266170

LAWRKHAWM :

Intuaitharna hun hmang
    Hlimen Branch YMA hnuaia Kumpuan Committee te chuan Nov. ni 9, 2018 (Zirtawpni) tlailam dar 3:00 khan YMA Hall-ah inhmukhawmin infuih tharna leh intuaitharna hun an hmang a, tlaiah chawhlui an kil ho.
    Kumpuan Sub-Committee te hian hunpui kan lo hmachhawn turah chak zawka hmalak an tum a, zan lamah pawh YMA Hall-ah Nov. ni 12, 2018 (Thawh\anni) zan a\ang chuan zantin Duty tawh nise an ti. YMA kumpuan hmalakna-ah hian khawtlang mipui ten mahni theihna zawnah bengvar chhuah zel turin an ngen a ni.

Zoram pum huap hruaitu-ah
    All Mizoram Poultry Farmers Association chuan Oct. ni 31, 2018 khan Mizoram chhung a ar vulh zawng zawngte AH & Vety Conference Hall, Khatla-ah kokhawmin kum 2018 - 2019 chhunga an hruaitu tur an thlang a, Pu R.C.Lalroliana H/o Lily Zonunmawii, Kapdaia Sec. a mi chu Finance Secretary atan thlan tlin a ni. Zoram pum huap pawl hruaitu (Office Bearer) kan vengin kan nei hi a lawmawm tak zet zet a ni.

Badminton-ah che |ha
    All India Police Badminton Championship, New Delhi a khelh zawh takah Pu Lalmuanawma, Saichhuma Sec. chu a che \ha hle. Pu Muanawm hian Mizoram Police team chu a Champion pui a. Tin, Team mai bakah Mens Doubles Open-ah a kawppui nen an champion a, mens single open-ah pathumna a ni bawk a ni. A hlawhtlinna a ropuiin kan lawmpui tak zet zet a ni.

Bo zawnna
    YMA Gas thuk lian, la thar \ha tak chu a awmna chin hriat a ni lova, mimal emaw pawlin emaw lo kawl in awm chuan YMA Godown-ah arang lama dah turin ngen leh hriattir kan ni e.

Property Tax
    Property tax khawn a lo hun leh ta a, AMC office a pek ngai lovin Local Council Office ah Nov. ni 12 a\anga ni 17, 2018 (7:00 Am-9:00 Am)chhungin a pek theih ang. Hun tiam chhunga pe lo te lakah Penalty chawitir theih a nih avangin huntiam chhunga pek ngei i \um \heuh ang u.

Sd/- Lalhmingliana, Chairman. LC

Hriattirna
    Pi Rosangpuii D/o Chawngkhuma(L) of Kulikawn hian a LSC/House Pass/Shop Pass/Stall Pass/P.Patta No. 228 of 2007 of Hlimen Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetianga LSC/House Pass/Shop Pass/Stall Pass/P.Patta pek chhuah leh a lo nih chuan LSC/House Pass/Shop Pass/Stall Pass/P.Patta hmasa chu cancelled nghal a ni.

    Sd/- Director
    Land Revenue and Settlement
    Mizoram : Aizawl

PAGE - 4

KEIMAHNI :

Hlimkhawpui Budget
    Hlimkhawpui September & October 2018 thla Budget pe tla tawh te:
1.   Saichhuma Sec.   2. Damvea Sec.
    Saichhuma Sec. ten kumin chhung Budget an tlak fel ta bawk.

Branch YMA Committee kohna
    A hnuai a hun leh hmun tarlanah hian Branch YMA Committee koh a ni a, hei hi kohna a ngaih tur a ni ang :-
    A hun   :   Nov. ni 16, 2018,(Zirtawpni) 6:30 Pm
    A hmun   :   YMA Hall
    Sd/- Secretary

Thinglak hnatlang
    Nov. ni 23, 2018 (Zirtawpni) hian Branch YMA Kumpuan Committee te chuan hunpui vuakvet laia Duty te meilum ai tur thing lak hnatlang neih tur a ni a. Motor a kal tur a nih avangin zing dar 9:00 ah YMA Hall-ah innghahkhawm tur a ni a, chaw fun tur a ni anga, a hmeh tui tak Kumpuan Committee in a tum dawn a ni.

Damvea Section
    Nov. ni 3, 2018 (Inrinni) zingkar khan Damvea Sec. te chuan changel tuikhur hnar, kawng chhak lama tuikhur chu tifaiin an hnatlang. He tuikhur hi kumin fur lai khan leimin in a hnawh a, thenfai pawh a hautak viau a ni. Hnatlanga thawkchhuak zawng zawngte chungah hruaitu ten lawmthu an sawi.

Buala Section
    Buala Sec. YMA chuan kumin Krismas dawnah veng chhunga miharsate pualin Charity Ride neih leh a tum a, hemi atan hian Section chhungah mi inphal kan awm a nih chuan O.B te hnenah thawh theih reng a ni. Sec. Committee Member ten November thla chhungin remchan ang tawk thawh \heuh tur a ni e.
Sd/- Leader, Buala Section

Advertisement....

CHHIARTUTE NGAIHDAN :

## Sawrkar hmalakna in vengchhungah hna thawh mek a niin kan la thawk zel dawn a, miin a ram hlu tak te an pek avangin veng kilkhawr tak tak te lirthei a lut ve ta zel hi hmasawnna ropui tak a ni awm e. Mi tam takin an ram an pek theih loh laia ram petute sawichhiat leh sawi bawrhban kan ching hi sim atan ava \ha em. Hetiang zel a kan kal chuan hmasawn a har dawn em mai. Mahni hmazawn chauh en lovin veng hmasawnna lam i en zel ang u. Inhmun zau tak nei tur kha vantlang tana an pek avangin an ram khan tih zim sak a ni tih hi i theihnghilh hauh lovang u.
- Rochhunga , Hlimen.

Sports NEWS
Hlimen fc
    Hlimen Super League players Auction chu neih zawh a ni ta a, he hunah hian club 6 te chuan vengchhung player lei nan ` 2,000 \heuh an hmang a ni. Heng an leikhawm bakah hian auction a tel lo an duh duh an lei thei ang a, veng pawn player 2 lak theih an ni ang a, match khatah pakhat an lut thei ang. December thla tirah kick-off neih tum a ni a, tournament hi December ni 15, 2018 (Inrinni) a\angin \an a ni ang.
    Branch YMA in Auction neih nan a thlawnin YMA Hall min hmantir avangin lawmthu kan sawi tak meuh meuh a ni.
    He league-ah hian Team 6 an awm dawn a, chungte chu :-
1) C.Rozama Memorial FC, Owner : Pu Lalrinmawia, Pu Jerome Lalduhbika & Tv. Zonunsanga
2) Team Mojo,
Owner :Tv. Lalchhuanawma & Amos Lal\hazuala
3) A ho lutuk FC : Owner : Pu Ngurchhuana, Tv. Lalawmpuia, Pu Lalbiaknunga, Tv. C.Zosangzuala & Pu David Vanlalhuma
4) Lalvuani Memorial FC :Owner : Tv. Lalpekhlua & Tv. Lalhmuakliana
5) Ava zialo ve FC :Owner : Pu Biaknghinglova, Pu Zoramliana, Pu Malsawmtluanga, Tv. C.Lalrinpuia
6) Lalthanzami & F.Ngurbiakvela Memorial FC
Owner : Tv. Vanlalnghaka & Pu Vanlalhmangaiha

Hlimen nula che |ha
    NEIDA Invitation Volleyball Tournament 2018-2019 khelh zawh takah Hlimen nula Lalbiakdiki chu a che \ha hle. Bungkawn Volleyball Club-ah khelin an player pawimawh ber a ni. Nov. ni 9, 2018 (Zirtawpni) zan khan Durtlang Volleyball Club nen Final khelin Nl. Lalbiakdiki te Team hi an Champion a ni. Kan lawmpui tak zet zet e.

Medal la
    37th National Senior Taekwondo Championship Cuttact, Odhisa Nov. ni 2-4, 2018 chhunga neih zawh takah Mizoram team chuan Gold 3, Silver 1 leh Bronze 3 an la a, Lianthangpuii D/o Lahmangaiha Kapdaia Sec. a mi chuan Female individual-ah Bronze medal a la a ni. Lianthangpuii hi National Games 2019, Goa lo awm tur atan a Qualify nghal a ni.

Saturday, 3 November 2018

Sahmulphah thla(November) Ni 3, 2018, Issue No. 44

PAGE - 1

TUALCHHUNG :

Damlo : Pi Lalhunmawii W/o J.Vanlalbiakdika, Buala Sec. a mi chu luak leh khawsik avangin State Referal Hospital, Falkawnah enkawl mek a ni.

Party hruaitu te ko khawm : MPF Hlimen Local Forum te chuan Nov. ni 2, 2018 (Zirtawpni) zan khan Hlimen a Party hrang hrang te YMA Hall-ah kokhawmin MLA inthlanpui lo awm turah MPF Gen. Hqrs leh Political Party te thawhhona thuthlung siam tawh chu sawi hoin hun an hmang.
    He Programme hi Upa Rinngaia President, MPF Hlimen Local Forum in a kaihruai a, Rev. Lalchhuanawma leh Party tin aiawh mi pakhat \heuh ten thu an sawi a ni.

YMA Ngenna : Thlanmual-I Waiting Shed luh leh chhuahna atana hnawk theiin Waiting Shed hma zawnah hian Lirthei, bungrua leh hmanrua engmah dah lo turin Branch YMA Committee chuan min ngen tak meuh meuh a ni e.

CYMA Sub Committee -ah : Central YMA hnuaia Sub Committee hrang hrang-ah heng mite hi Hlimen Branch YMA aiawh a ruat thar leh an ni - Health & Sanitation Sub- Committee-ah Nl. Lalbiakdiki , Sport Sub Committee ah - Pu Lalrinmawia, Disaster Sub- Committee ah - Pu Lal\anzuala.

Road Protection thuchhuak : Kawng dunga motor sil khap a ni a, Rod chhut leh bungrua dah hnawk pawh phal a ni lo a, tin, kawngpui dungah zan riaka lithei dah phal a ni lo a, tilui an awm chuan Action lak a ni ang. Venglai kawnah hian lirthei- Pikup/407/ motor lian hi dah phal a ni lova, mamawh lam duh tana pek Quarry lam kawng zau ah dah \hin tur a ni.
    Thlanmual kawiah hian engtik lai mahin lirthei dah phal a ni lo a, dah lui kan awm chuan nataka Action lak a ni ang.
    Zanrei lamah Quarry a Footpath a zu leh ruihhlo tihching kan awm a, kawng kal te tan harsatna a awm fo va, tunhnuah chuan helai hmun a kaltlang te tana harsatna siam leh ruihhlo ti man kan awm chuan Action lak a ni ang.

Kawng Block : Veng chhak kawng Pu N. Zokunga leh Pu Lalhuapzauva te in inkar kawng chhun chu zawh a ni ta a, ala char \hat tawk loh avangin ni 5 chhung vel chu lirthei ke pali nei chin chuan rah hrih loh tur a ni e.

HEADLINE :

Ram leh hnam humhalh
Peter Chhakchhuak
Asst.Secretary, CYMA
    Kum sawm leh pathum lai ‘Ram leh hnam humhalh’ thupui a neitu YMA te hian, kan ram hi a chhe lailet der a, chhan tlak a awm ta love kan tih avanga Kumpuan thupui a nei kan ni lova, kan pi leh pute a\anga kan luah; tuna kan chen mekna ram leilung humhalh leh a chhunga cheng mizo hnam hrang hrangte \hendarh a kan ram sahthlak tum tute avang leh kan ramngaw leh nungcha chereu zel avangte, kan ram a hnamdang pungchak lutuk avangte hian YMA chuan ram leh hnam humhalh a ngai tih hriaiin Kumpuanah a hmang a ni. Ram leh hnam humhalh a \ulna leh a pawimawhna hria a Sub. Hqrs YMA, Group YMA leh Branch YMA te kan hmalakna avangin Central YMA chuan lawmthu a sawi a ni.
    Nehemia 2:17-ah chuan “chutichuan an hnenah, kan chan a chhiat zia hi in hria a, Jerusalem a ram tihte, a kawngkhar a kang tihte pawh in hria a, hawh u, sawichhiat kan nih tawh loh nan Jerusalem kulh chu i din leh ang u,” Mizoram hi Zofate Jerusalem a ni a. A chhiat leh a \hatah mawh kan phur a, tunah hian kan Jerusalem kawngkhar a kang a, kan \henawm State ten kan ramri min chuhpui a, nakin a kan tu leh fa lo la awm lehzel tur ten min dem loh nan kan ram leh hnam i humhalh ang u.
Engtin nge Ram leh hnam kan humhalh ang.
1.   Electoral Roll hmangin : Kum 1998 a\ang khan Electoral Roll siamah ram leilung fate chauh thun an nih theih nan YMA ten hma kan la \an a. Hei hian awmzia nasa tak neiin, kan rama dan dik lova Electoral Roll-a inziah luh tum tam tak paih an ni a. Diklo taka Electoral Roll a inthun tumtu ten thiam takin Political Party leh kohhrante kawrah hmangin an bel a. Chu chu hrethiam lovin; tam nih duhna avangin kohhran leh khawtlang a challang tak tak ten heng ramdang mi leh hnamdangte hi Electoral Roll a thun tumin an sawipui \hin niin a hriat a, an sawipui a nih pawhin ram leh hnam tan thil pawi tak a ni tih hriain YMA hruaitu ten ram leh hnam humhalh nan huaisen takin i do zel ang u.
    Kan \henawm State \henkhat chu chhanchhuah rual lohin tunah hian Electoral Roll hmanga chimralin an awm mek a. Anmahni ram ngeiah a ram leilung faten ram rorelna an chang tawh lo. Chutiang chu kan ramah a thlen ve lohna turin Electoral Roll-ah a ram leilung fate chauh kan awm theih nan \an i la ang u. Kohhran leh Political Party hrang hrang ten tam nih duhna avangin ramdang mi leh hnamdangte Electoral Roll-a kan thun hian ram leh hnam tan thil pawi tak a thleng thei a, kan sakhua thlengin a him lo thei a ni.
    Kan ram rorel turte chu ramdang mi leh kan mikhual chamreite thlanpui kan ngai lova, kan ram rorel turte chu kan lo thlang ve mai ang e. Kan ram roreltu tura ram leilung fate chauh kan thlan theih nan Electoral Roll hmangin ram leh hnam i humhalh ang u.
Remchang hmasa ah chhunzawm a ni ang......

PAGE - 2

EDITORIAL :

              I in hralh dawn elo maw?
    November thla kan chuangkai a, Mizo ten inthlanpui tia kan sawi \hin chu tunthla tawp lam hian a lo thleng dawn ta a, Member of Legislator (MLA) thlan hi M.P (Member of Parliament) thlan aiin kan ram hian kanla thu takin kan tuipui zawk em em a,mihring kan la tlem avangin MP pakhat chauh kan neih vang te pawh a ni mahna.
    India khua leh tui ni a, vote nei tawh phawt chuan Vote thlak hi kan tihtur pawimawh em em, kan hlutna a taka kan lantirna a ni. Kan ram dinhmun siam \ha tur a kan ram hruaitutu tur thlang chhuaktu kan nih avangin mipui te kan pawimawh em em a, chu chu kan vote hlu tak hmangin kan lantir theih avangin vote hi thlak \heuh tur a ni.
    Tunlaiin Human Trafficking a lar hle a. An mihring pui te an zalenna leh hlutna tihbo sakin an hralh a, Human trafficking tawktu te chu nawmchenna hmunah te, hnahnuaihnung thawk tur te a hralh niin a \hente an taksa peng te hralh sak an ni bawk a, an zalena, an hlutna chu tihbo emaw tihchhiat a awmin an nunna hial in a tuar a, an khawngaihthlak takzet a, anmahni an inchhanchhuak zo tawh lova, midang puihna tello (Chhanchhuaktu tawng fuh bik te) chuan chhuah ngaihna a awmlo tluk a ni. Chuvangin, khawvelin Human Trafficking chu a buaipui ta hle a nih hi. Chutihrualin, sumduhna avangin mi\henkhatte chu an mahni duhthu ngeiin an in zuar mek bawk a, chu mite chu KS te kan ti a, Call Girl te kan ti a, chutiang mite kan endan chu kan hriat tlan vek hi.
    Esauva’n a upa nihna Jacob-a hnena a hralh pawi thui zia te pawh kha Pulpit tlang a\ang pawhin kan hre fo tawh awm e.
    Ngun takin ngaihtuah la, Mihring hralh tawh te dinhmun leh mahni inhralh te hmakhaw thim zia uluk taka chhut in; i Vote i hralh dawn em ? Tin, Vote hralh duh hmuh a hmuh i ni em ? Thufing pakhat chuan miin a nungchang a hloh chuan engkim a hloh tawh a ni a lo tih hi a dik a ni tih i hre reng teh ang u. Chuvangin, kan dikna leh chanvo ropui tak hi a hmanna tur dik takah hmang ila, kan ramin hmasawnna kawnga ke a chheh ruala ke pen ve turin i Vote hlu tak kha hralh lul suh ang che.

Advertisement......

Grace Academy, Kulikawn
    Kum 2019 - 2020 Session a KG-I lut thar turte tan School hunchhungin Application Form lakchhuah theih reng a ni e.
Contact : 8729919081
        9862312789
    Sd/- Headmistress
(2-2)   Grace Academy

Oro Dental Care
50% OFF   * Kulikawn
- Scaling (Ha tihfai)       Rotuaki Building
- RCT (Thling|huah)   * 9 Am to 5 Pm
- Filling (Ha hnawh)   * Chhun lama hman lo tan
FREE CONSULTATION       6 Pm to 8 Pm appointment
DECEMBER THLENG       heng No. ah te hian a lak
       theih e.
(4-2)       8549946747/7005733068

ZONET.....ZONET....
    Zonet cable line pui pawh \hat a ni ta a, connection la tawh harsatna nei leh zawhfiah duh nei tan ahnuai a tarlanah hian hriattir turin kan inngen e. Tin, connection thar la duh tan pawh a lak theih reng a, Settop Box pawh kan kawl reng e. Line pui hi fibre a, direct a zawm a ni a, internet connection tih theih nghal tura ruahman niin a duh tan pawh a la tih theih dawn a. Amaherawhchu, internet pawt duh lo tan pawh harsatna engmah a awm chuang lo a ni.

    Lawmtluanga
    Hlimen Damveng
(4-4)   Ph : 9436352832/7005813747

HRIATTIRNA / ADVERTISEMENT
INTERNATIONAL SCHOOL THAR\
ADMISSION OPEN
Falkawn Hospital Veng (Dr. J.Zamanthangi Building) ah International School thar, “Redwood Academy” (KG-I to Class IV) 2019 Session ah hawn a ni dawn a. Admission hi 15th October to 30th November, 2018 chhung hawn a ni. School Bus hi Aibawk to Falkawn leh Ngaizel to Falkawn inkarah ruahmanna siam a ni dawn.. Admission dilna form hi Falkawn School Building-ah leh Kulikawn BN Hospital-ah lak theih a ni ang.
    Admission Fee   ` 3,000 (Including first month’s Fee)
    Monthly Fee   ` 1,000
Contact : 9366241224   Sd/-
(7-4)   Principal

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak kan ni e. Kan rate a tlawm bawk.
Regd. No MSR542,                 Ph.No
                                     9436199884, 9862476439

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
(6-2)   VL-a, Ph.No : 9402344486, 9615266170

PAGE - 3

HRIATTIRNA :

Damvea Section hriattirna
    Damvea Sec. huamchhung a Huanbial chhak kawng peng\huam velah zu in ching in awm a, zu in ruahna sarang leh bur ruakte in kalsan mai maiin engemaw chang phei chuan midang tana bengchheng te in awm \hin a. Tun chinah chuan helai hmun hi zu in nan hmang tawh lo turin Damvea Sec. YMA Committee chuan a hriattir a, tilui in awm chuan Damvea Sec. Committee ten na takin hma a la ang.
    Sd/- Secretary
    Damvea Sec. YMA

YMA Kumpuan Committee hriattirna leh ngenna
    Kan hma lawk Nov. ni 28, 2018 a MLA inthlanpui lo awm turah hian Kumpuan Committee chuan inthlanna felfai leh boruak muanawm kan neih theih nan Hlimen huamchhunga Political Party zawng zawngte ruihtheih thil, sum leh pai leh therhlo hrang hrang hmanga voter inlei leh inthlem te tilo turin kan inngen in kan in hriattir a, hetiang lo ti kan awm a, hriat kan nih chuan Media-ah tarlan/ puanzar \hin a ni ang tih kan inhriattir nghal bawk e.
    Tin, mipui lamte pawhin sum, ruihtheih thil leh therhlo hrang hrang beisei a lo phili sek lo turin kan in ngenin kan in hriattir bawk a ni.
    Sd/- Chairman   Sd/- Secretary
Kumpuan Committee
Hlimen Branch YMA

Hlimen Civil Pensioners Hriattirna
    Tun November thla hian Treasury a pension la ten Life Certificate thehluh a ngai leh ta a, Treasury a pension la mek, kan Branch a membership fee pe zawng zawngte chuan Pu Lalngaihzuala, Vengthlang hnenah Form la in, tun thla ni 15 ral hma ngeiin Pension lakna bu (PPO) nen thehluh leh vek tur a ni.
    Certificate thehluh rual hian Headquarters Budget ` 80/- leh Building Fund ` 20/- (Avaiin ` 100) pek luh nghal vek tur a ni bawk e.
    Tin, Bank a pension la, kan Branch a Membership fee pe te pawhin a chunga Budget khi pek ve ngei tur a ni e. Hei hi ngai pawimawh \heuh turin kan in ngen e.

    Sd/- Ro\huama, Secretary
    MCPA, Hlimen Branch.

Quarry Parking
    Quarry lirthei dahtu Parking fee pe te tan dahna bik tur siam mek zel a ni a, mahni lirthei te a dahna ruahmanah dah \heuh tura hriattir kan ni a, tin, parking fee la pe lo, helai hmuna lirthei dahtu zawng zawng te Parking fee hi 407 O&D Assn. hruaitute hnenah pek tur a ni a, Parking Fee chung changa hriatchian duh nei chuan Hlimen 407 Owner & Driver Association hruaitute zawhfiah mai tur a ni e.

LAWRKHAWM :

Lengkhawm zai intihsiakah tel
    Oct. ni 30, 2018 (Thawhlehni) khan MUP Gen. Hqrs leh Art & Culture Deptt. buatsaih Lengkhawm zai intihsiak Vana Pa Hall a neih-ah Hlimen MUP Branch te chuan lawmman pathumna an la.Tin, khuang pu \ha lawmman siam a ni a, khuanglianah Pu Vanlalchhuanga, Hlimen Branch chu pakhatna niin khuang te-ah Pu P.C.Lalzuiliana Hlimen Branch chu pakhatna a ni bawk. He intihsiak-ah hian Bungkawn Branch chu pakhatna niin Chawnpui Branch te pahnihna an ni.
    He lengkhawm zai intihsiakna a tel tur hian Aizawl huamchhunga MUP Area tin ten mahni area \heuhah lengkhawm zai intihsiakna an buatsaih phawt a. Area tina pakhatna \heuh chuan Area aiawh a telin Vanapa Hall-ah hian intihsiakna an nei a, Area aiawh Branch 14 te an tel a ni. Hlimen MUP ten pathumna dinhmun an luah thei hi an fakawm tak zet a ni.

Intuaitharna hun hmang dawn
    Hlimen Branch YMA hnuaia Kumpuan Committee te chuan a hnuai a hun leh hmun tarlanah hian intuaitharna hun an hmang dawn, Kumpuan Committee member te kim taka kal turin an inngen :-
    A hun   :   Nov. ni 11, 2018 Dar 3:00 Pm
    A hmun   :   YMA Hall
    Chairman   :   Pu Lalrinmawia, Chairman
    Hunserh   :   Pu Zoramhmangaiha
    Secretary Report   :   Tv. Lalnunsiama, Asst. Secy.
    Thusawi   :   1) R.Lalngheta, Chairman
           CYMA Kumpuan Commtt.
           2) A duh apiang tan.

MUP lawmthu sawina
    Oct. ni 30, 2018 (Thawhlehni) khan Vanapa Hall-ah Aizawl City huamchhung MUP Lengkhawm zaia intihsiakna neih a ni a, Hlimen MUP ten Aizawl South - III ai awhin kan tel ve a, lawmman pasarih siam a ni a, Hlimen MUP ten lawmman pathum kan dawng a. Lengkhawm zaiah pathumna kan ni a, khuangpu (a lianah) Pu Vanlalchhuanga pakhatna niin Khuangte-ah Pu P.C.Lalzuiliana pawh pakhatna tho a ni. Lawmman pathum kan la thei hi lawmawm kan ti a, Hlimen YMA te leh mimal min \awiawm tute chungah Hlimen MUP chuan lawmthu kan sawi tak zet zet e.
    Sd/- Lalhmingliana
    Secretary
    Hlimen MUP Branch

Chhiat tawh achunga lawmthu sawina
    Kan pa Biakthansanga boral chung changah Damdawi in leh in lama min buaipuitute, Kohhran leh YMA Member te, tlaivar a min lenpuitute, vengpawn leh khual khua a\anga min hnem tura lo kalte leh a thlahna hun min hmanpuitute, in inpekna hi a ropui kan tiin kan lawm tak zet zet a. Lalpa’n a let tam takin malsawmna in vur che u rawh se.
In khawngaihna dawngtu,
    Lalbiakdiki leh a fate
Hlimen, Damveng

PAGE - 4

KEIMAHNI :

Hlimkhawpui Budget
    Hlimkhawpui September & October 2018 thla Budget pe tla tawh te:
1.   Saichhuma Sec.   2. Damvea Sec.
    Saichhuma Sec. ten kumin chhung Budget an tlak fel ta bawk.

Thinglak hnatlang
    Nov. ni 23, 2018 hian Branch YMA Kumpuan Committee te chuan hunpui vuakvet laia Duty te meilum ai tur thing lak hnatlang neih tur a ni a. Motor a kal tur a nih avangin zing dar 9:00 ah YMA Hall-ah innghahkhawm tur a ni a, chaw fun tur a ni anga, a hmeh tui tak Kumpuan Committee in a tum dawn a ni.

Kumpuan Committee hmalakna
    Branch YMA hnuaia Kumpuan Committee chuan Tv. Zomuanpuia leh Tv. Thangchuailova te chu rukruk avanga manin Tluangtea Camping Centre ah dah luh an ni.

NGO CO-ORDINATION COMMITTEE thuchhuak
    (CYMA, MUP, MHIP, MZP, MSU)
November ni 2, 2018 tlai dar 4:00-a Central YMA Committee Room-a neih chuan, kan hma lawk 28th November, 2018-a Mizoram MLA Inthlanpui lo awm tur atan a Pu S.B. Shashank, IAS, CEO-in inthlan a buatsaih dan leh a kalpui dan hi \ha a ti lova. NGO-in Inthlanna him leh muanawm, zalen leh felfai tak neih a duh laiin, he lam hawi hian a kalpui lo niin a hmu a, Inthlan kaihhnawih buaipui zel tlakah a ngai lo a ni. Chuvangin, 5th November, 2018 ni tlak hma ngeiin a hna chhunzawm tawh lova, lo inthiarfihlim tur leh Mizoram chhuahsan turin Pu S.B. Shashank, IAS, CEO hi a ngen a. Mizoram mipui ten Inthlan buaipui tura kan rin ngam ngei dah zawk turin thuneitute NGO Co-Ordination Committee chuan a ngen a ni.

CYMA CHETVELNA
26.10.2018 :   Principal Secretary, Home Deptt. Conference Hall-ah Krismas leh Kumthar vuatveta Halpuah, Halmawi leh Silai lem a mu kap chhuak thei khap chungchang meeting neih a ni a, Pu Vanlalruata President, Pu R.Lalngheta Vice President, Pu Peter Chhakchhuak Asst. Secretary, Tv. Zochhuana CEC leh Pu M.S. Ralte CEC te an tel.
27.10.2018 :   Bawngkawn Branch YMA Zaipawl Music Video ‘509’ chu LPS Studio-ah Pu Vanlalruata President-in a tlangzarh a, Pu David Lalnunkima CEC-in a \awiawm.
29.10.2018 :   CYMA OB te chu Mizoram BJP Office-ah an leng a, kum 2018 MLA Election lo awm turah, inthlanna thianghlim, felfai leh muanawm kan neih theih nana thawhho puiah an sawm a, Chibing Politics buaipui lo tur leh hel pawl thawhpui lo turin an ngen a, Inthlan chungchanga NGO Co-Ordination Committee ten ngenna an lo siamte zah sak turin an ngen.

KOHHRAN NEWS
khawvel Sunday school ni
    Nov. ni 4, 2018 (Pathianni) Presbyterian Kohhran ten khawvel Sunday School ni an hman hun a lo ni leh ta a. Puitling lamah Pathian thu hriltu chhuanawm leh hmingthang Billy Graham-a chanchin zir a ni ang a, naupang lam ten chuan ‘Ngaihhlut tur dik’ tih thupui zirhoin hun an hmang dawn a ni.

Sports NEWS
Hlimen Football League
    Hlimen Football Club te chuan kumin kum tawp hunpui laia \halai infiammi tam tak ruihhlo lama an fimhlim zawk theih nan leh kumthar lama CYMA leh NECS Cup lo awm tur inbuatsaih lawk nan December ni 15, 2018 a\anga khelh \an turin Hlimen Football League an buatsaih dawn a, ruahman ang chuan January ni 2, 2019 ah final khelh tur a ni ang.
    He Football League ah hian Team 6 an tel dawn a, league system a khelh chhoh a ni ang a, point hmu sang 4 ten semifinal an khel chho ang. Nov. ni 3, 2018 zan khan player auction an nei a, chanchin kimchang hriat hman a ni lo.

Reiek tlangah
    Hlimen Youth Adventure Club chuan an dimchampha phak vawihnihna lawmna ni pah fawmin Nov. ni 2, 2018 (Zirtawpni) khan Reiek tlanga Camp & Treking neiin an fehchhuak a, zankhat riakin vawiin hian an lo haw leh ang.
    Camp & Treking neih rual hian Caving leh Repelling etc. te neiin training an nei pah bawk a ni. Tun\um hi HYAC in a vawikhatna atana zanriaka an fehchhuahna a ni. Tarlan tawh angin HYAC hi Nov. 1, 2016 khan din a ni.

CYMA chetvelna chhunzawmna.............
30.10.2018 :   CYMA OB te chu MNF Office-ah an leng a, kum 2018 MLA Election lo awm turah, inthlanna thianghlim, felfai leh muanawm kan neih theih nana thawhho puiah an sawm a, Chibing Politics buaipui lo tur leh hel pawl thawhpui lo turin an ngen a, Inthlan chungchanga NGO Co-Ordination Committee ten ngenna an lo siamte zah sak turin an ngen.
1.11.2018 :   Vantawng Group YMA-in Joint YMA Hall, Thenzawlah Silver Jubilee lawm programme an hmang a, Pu R. Lalngheta Vice President bakah CEC member atangin Pu K. Lalthanmawia, Pu R. Lalduhzuala, Pu R. Lalchhandama, Pu M.S. Ralte, Pu John Kima, Pu H.F. Lalrinpuia, Pu Lalbiakkunga ten an hmanpui.
1.11.2018 :   CYMA OB te chu MPCC leh ZPM Office-ah an leng a, kum 2018 MLA Election lo awm turah, inthlanna thianghlim, felfai leh muanawm kan neih theih nana thawhho puiah an sawm a, Chibing Politics buaipui lo tur leh hel pawl thawhpui lo turin an ngen a, Inthlan chungchanga NGO Co-Ordination Committee ten ngenna an lo siamte zah sak turin an ngen.