Thitin thla(August) Ni 25, 2018, Issue No. 34

PAGE - 1

TUALCHHÛNG :

Boral : Pi H.C. Vanlalchhuangi (K-58) W/o R. Lal\anpuia Buala Sec. a mi chu Aug. ni 20, 2018 zing dar 5:00 khan Thisen Cancer avangin a boral a, hemi ni vek chawhnu dar 1:00 khan Thlanmual-I ah vuiliam a ni.

Damlo : Tv. Lalthanmawia S/o Vanlalnghaka Vawmphunga Sec. chu Aug. ni 20, 2018 (Thawh\anni) tlai ah khan Pi Lalchawii  kawmthlang step ah chesualin a nakruh pakhat tliak in pahnih a auh a. Civil Hospital ah kalpui niin enkawl mek a ni.

##    Nl. Lalzuitluangi D/o Hmingthanga, Damvea Section chu accident avanga a malpui ruh leh ngalruh tliak chu August ni 20, 2018 (Thawh\anni) khan Greenwood Hospital-ah zai niin enkawl chhunzawm mek a ni.

Side Drain siam en : Aug. ni 23, 2018 zingkar khan Branch YMA chuan kan veng kawngpui kama PWD Side Drain siam mek chu a hmunah kal in an enfiah a, member engemaw zat an thawkchhuak. He hunah hian PWD lam hotute pawh an tel a, Side Drain an siam \ha lo laite siam \ha leh turin an hriattir nghal bawk a ni.

YMA in râl : Aug. ni 22, 2018 khan Pi H.C Vanlalchhuangi ralna hun hman a ni a, ralna sum tlingkhawm ` 13,180 chu a chhungte hnenah hlan a ni a, Pi Vanlalchhuangi chhungte hian a tuamna puan chu \angkai taka hman turin YMA kutah an hlan let a ni.

MHIP in râl dawn :  Aug. ni 26, 2018 (Pathianni) chawhhnu inkhawm ban hian Hlimen MHIP te chuan an Member pui boralta Pi H.C Vanlalchhuangi ralna hun an hmang dawn a. MHIP Member a tam thei ang ber tel turin hruaitu ten an ngen a ni.

Electric leilawn :  P&E Dept. leilawn hi thawktute an mamawh hunah a awmna chin hriat loh \um a awm ta fo mai.  Mimal in kan lo hmang a nih pawhin duty te hrilh hriat i ching teh ang u.

Kawng dung tifai :  Aug. ni 22, 2018 khan Hlimen  Vengthar Kohhran Hmeichhia ten quarry kawngdungah faina hnatlang an nei a, member an thawkchhuak \ha hle.

HEADLINE :

Workshop leh Seminar neih a ni
-Editor

    Aug. ni 23, 2018 ( Ningani) khan Central YMA Hall, Tuikhuahtlangah Arts & Culture Dept. leh Central YMA \angkawpin a buatsaih Media Workshop leh Pi pute Sulhnu hlui humhalh Seminar neih a ni a, Branch YMA chanchinbu enkawltu  mi 134- Aizawl khawpui chhung mi 74 leh khawpui pawna mi 60 bakah CEC leh tawiawmtu dangte nen mi 164 vel zet an kalkhawm a, Kan Branch a\angin Pu J. Vanlalbiakdika ,Editor Hlimkhawpui Chanchinbu a kal a ni.
    Chawhma lamah Media Workshop neih niin Thupui thlan bik zirbingna zirtirna petu Pu Vanneihtluanga, Editor Lengzem lehkha buatsaih ‘ Branch YMA Chanchinbu enkawl dan’  leh Prof. Laltluangliana, MZU Mizo Dept. buatsaih -
‘Mizo \awng chung changa YMA te mawhphurhna’ te chu zir ho a ni a, sawiho nghal a ni bawk.
    Chanchinbu enkawl dan mai bakah kan awmna veng bil chanchinbu \heuh te dah \hat; PDF file a chantir a dah \hat kan uar a pawimawh zia te, tin, Mizote hi thil chhinchhiah a vawn \hat lamah kan la pachhiat deuh avangin chanchinbu enkawltu ten he lamah \an lak a pawimawh zia te Pu Vanneihtluanga hian a sawi a, hemi hnua zirtirna petu Prof. Laltluangliana chuan   Mizo |awng pawimawhna hrang hrangte bakah ram leh hnam suihkhawma, humhalhna  atan \awng pawimawhna te; chumi atan India danpui - 8th Schedule hnuaiah Mizo |awng dah luh pawimawh na leh chumi a hmalak a \ul zia te a sawi a. A hlawk thlak hle.
    Chawhnu lamah Pi Pute sulhnu hlui humhlah pawimawhna leh YMA te mawhphurhna tih zirho leh a ni a, Dr. Malsawma CEC leh Pu Vanlalhuma Singson Technical Assistant, Arts & Culture Dept. ten zirtirna an pe thung.   Kan rama pipute sulhnu hlui 81 chu The Mizoram Ancient Monuments and Archaeological sites and remains rules, 2013 hnuaiah humhalh mek an ni a, he dan hnuaiah hian rule 25 awmin Sub rule - 33 a awm a,  Section 25 na a a landanin humhalh bik te tichhia emaw khawih chingpen te chu thla 3 lungin tan emaw ` 5000 chawitir emaw a pahnihin emaw hrem theih a ni.
    Pipute sulhnu hlui chung chang hian sawiho a hlawh hle a, kalkhawm te a\anga Pipute sulhnu hlui humhalh atana rawt belhna pawh Department lama thawktute hian an chhinchhiah zel a ni.
    He Workshop & Seminar ah hian CYMA zaipawl bakah Nl. DJ. Lalvenhimi te zai mawi tak ngaihthlak a ni a, Pu Vanlalruata, Central YMA President pawhin thusawina hun hmangin thil chhinchhiah \hat pawimawh zia uar takin a sawi a, kan ram in kan chanvo leh kan nih tur kan nih lohna chhan tam tak chu Document tling khawp a chhinchhiah \hat kan neih loh vang a nih thu sawiin kalkhawm te chu hemi kawnga \an la deuh deuh turin a sawm a ni.

PAGE - 2

EDITORIAL :

           RINAWM a pawimawh
    Khawvel hnam changkang leh ropuite hi hnam rinawm an ni duh hle a, sumdawnna lama mi hlawhtlingte pawh mi rinawm an ni fo bawk. Chutiang bawk chuan sorkar hna leh kuthnathawh lamah pawh mi hlawhtlingte chu an hnathawh a mi rinawm tak an ni chawk a ni.
    Mi rinawmlo, mi pamhamte hi a chang chuan hlawhtling angin lang mah se an daihrei lo duh hle. Khawvel ram changkang tak tak tlawhkual \hinte pawh hian an rinawm zia leh an hnathawh thleng pawha sorkar tana an inpek zia hahipin an sawi \hin.
    Hei hi khawvel kalphung a ni chiang a, tin, kan Bible min zirtir dan pawh a ni bawk. Chuvangin Mizo hi inbihchiang ila, Hlimen khaw nu leh pate pawh hi i inbihchiang teh ang u. Rinawm taka hna kan thawhna ah hian nge hlawhtlinna tak tak kan neih a depdê taka kan thawhna-ah hian tihte pawh mahni \heuh inbih ta ila; a chunga kan sawi takte khi a dik zia kan hmuchiang hle ang. Chuvangin thil tihna kawng tinrengah hlawhtlinna nei tur chuan mahni thawhlai hna \heuhah rinawm takin thawk \heuh ila, chu chuan hlawhtlinna a hring thei a ni tih i zirchiang \heuh ang u.
    Tin, kan nitin nunphung leh khawsakho naah rinawm lo, thutiam a ding thei lo leh dawt sawi mai mai ching kan tam hle niin a lang. Kan \henawm khawveng; kan bulhnai a mite hian hnung lam a\angin min nuih tih inhriat a \ha. Thufing pakhat chuan, “rinawm taka a thutiama a din ngheh tlat avangin miin engmah hloh a nei ngai lo” a ti a. Keimahni, kan chhungkua leh kan khawtlang tan hian rinawmna hi a pawimawh tak zet zet a ni.

ZIAKTUTE HUANG :

RAM LEH HNAM HUMHALH
Thelma R.Zonunmawii, Damvea Sec.
(YMA 2018 Day Essay inziahsiak lawmman 3-na)
Chhunzawmna.......
    Thawhrimna, taimakna leh intodelhna hi thil inzawm tlat, Ram leh Hnam humhalhna kawnga kan thlauhthlak theih hauh loh a ni a, an pawimawh em em vek mai a ni. Ei leh in hi mihring tan a pawimawh em avangin chumi kawnga intodelh ram chu tu ram mahin an hmusit thei lo, an chungah an innghat em em zawk a ni. Chuvangin roreltu ten kut hnathawktute hmasawn theih nan tun aia hma nasa lehzuala an lak a, sorkar hnathawh ai pawha kut hnathawh hlawk zawk tura \an an lak hi a ngai takzet.
    Ram leh Hnam humhalh kawnga thil pawimawh tak pakhat chu mahni ram chhunga thil awmte leh mahni hnam kutchhuak hlut thiam hi a ni a. Hnam dang thil ngaihsanna hian mahni hnam thil hlu hnualsuatna a thlen. Mahni hnam kutchhuak ngaihsan chin leh ram dang mi te tan pawha ngaihsan tham khawpa hlut thiam hian Ram leh Hnam tluchhe tur a ven mai piah lamah a chawisang zawk a ni. India ram ngei pawh hi Sapho awpna hnuai a\anga tal chhuah a tumna kawng khat atan Swadeshi Movement a kalpui a, chumi awmzia chu ram mipuite thil siam chhuah hman \angkaia, ram dang thilte hluihlawn a ni.
    Mizoram hian thil hlu tak tak ram dangin a neih ve hauh loh tam tak a neia, la hmuhchhuah loh thil tam tak pawh a la awm ngeiin a rinawm. Lalruanga se no neihna te, Fiara tui thiang kak mai te, Kawtchhuah Ropui Vangchhia khua ami te leh Dungtlang khuaa Lianchhiari Lunglen Tlang te hi ram danga awm ve lo, kan ram chauhin a neih an ni. Kan Phawngpui tlangte lah hian ram dang tlang a tluk lohna a awm bawk silo. A ram neitute hian tun ai hian hlut lehzual thiam ila, midang tan chuan hlut loh ngam a lo nilo ang a, kan ram hi mi zah tlakah leh mi te hlut lehzual turin kan chhuah dawn a ni.
    Hnam dang ngaihsanna thinlung paihin, kan hnam tihdan phung leh kan hnampui te ngei ngaihsanna hian kan thinlung hi luah zawk se. Chhung lam leh pawn lama min eichhe theitu leh hnam inpumkhatna tichhe theitu eirukna te, diklo taka sumdawnna kalpui te leh thalai te chhiatpui theih dan in a phalloh ruihtheih thil zawrhte sima kalsanin, ram hmangaihna thinlung pu chungin kan ram tan hian engnge ka tih theih tih leh, ka ram hian hmasawn turin engnge a mamawh ber tih te hi chhut fo ila, a tak ram thleng thei turin hma i la ang u.

Advertisement....

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                 Ph.No
                                     9436199884, 9862476439

99 dawr ...... 99 dawr
    Pu Lal\hakima Venglai inhnuai-ah chhungtinte mamawh tur thil chi hrang hrang 99 in lei tur ka nei e, ka dawr a rawnlut ten an thil mamawh tlawm taka ka lo zawrh avangin an duh aia tam an lei \hin hi ka lawmna a ni, min rawn pan ve teh, i in chhir lo ang.
    In \hian Irine Zosangkimi
(1-1)     Ph No 9769141627

PAGE - 3

HRIATTIRNA :

Halpuah, Halmawi /silai lem
    Halpuah, Halmawi leh silai lem a mu kapchhuak thei te hi mihringte tana \angkaina nei lo, hriselna tichhe thei, a lo thlawna sum tam tak sen ralna a nih bawk avangin, kumdangah pawh kan lo tih \hin tawh angin, Central YMA chuan Halpuah, halmawi leh silai lem zuar lo tur leh hal lo turin mitinte a ngen a ni.
    Sd/- Lalhmachhuana
    General Secretary, Central YMA

Training duh tan
    Central YMA leh Planning & Programme Implementation Dept. \ang dun chuan Mizo \halai tam zawkin Skill Development lam a kan intodelh theih beiseiin a hnuaia trade 3 tarlanah hian training a buatsaih dawn a, training duh te tan Aug. ni 30, 2018 thleng Central YMA ah dilna a thehluh theih ang. Dilna ah hian Branch YMA hriatpuina thil tel tur a ni.
    A diltu awm dan a zirin Aug. ni 31, 2018 dar 11:00 Am ah CYMA office ah interview neih a ni ang. Training hunchhung hi   Sept. ni 4 - Oct. ni 4, 2018 chhung a ni ang.

Trade :     1. Alluminium Training - Mi 50 tan.
    2. Cement Work training - mi 50 tan
    3. Floor Tiles Training - mi 50 tan.
    Hrechiang duh te chuan Tv. R. Lalawmpuia Secretary hnenah zawhfiah tur a ni e.

KUMPUAN COMMTT. HRIATTIRNA
    Veng chhungah Ruihhlo a hluar hle a, zû leh damdawi zuar leh mawi lo taka ruih ching hi dan kalh a nih angin Kumpuan Committee chuan dimdawina nei miah lovin; a remchan dan a zirin Home emaw Jail-ah emaw a dah zel dawn a ni tih kan inhriattir a.
    Tin, Kumpuan Committee hian tih ngam loh leh man ngam loh a nei lova, tu pawh dan lova khawsa kan hriatte chu Kumpuan Committee-ah report zel turin kan inngen nawn leh bawk e.
    Sd/- Lalrinmawia
    Chairman
    Kumpuan Sub-Commtt.  Hlimen Branch YMA

Road Protection hriattirna
    Hlimen Road Protection Committee chuan vawi tam tak hriattirna chhuahin kawng dungah lirthei zan riak a dah tawh lo turin kan in hriattir mai bakah a dah luite manin hrem an ni a, a \hen thu awih takin a dahna turah an dah laiin \henkhat chu chawi tur (hremna) an pek avanga dah theiah an inngai nge, an la dah ru fo mai ni a hriat a ni a. Man leh a awm chuan hotu lamah pek zel an ni ang.
    Tin, Thlanmual kawng kual laiah hian engtik lai mahin motor dah awih a ni lo tih kan inhriattir leh bawk e.
    Sd/- Secretary
    Hlimen Road Protection Commtt.

LAWRKHAWM :

Chhiatni Report
     Pi H.C Vanlalchhuangi puala buhfai leh pawisa khawn khawm dan leh thlanlaih dan ziaka hmuh theih chin :-
    Section          Chhungkua    Pawisa    Buhfai    Thlanlai            
    Buala                 120           1030      134          26
    Damvea             126          1200       129          14
    Kapdaia             123          1130       133          20  
    Lalsavunga          39            370        39            7  
    Saichhuma          84            710        94          21
    Vawmphunga      57            550         62          7
    Total                 549          4990       591         95  
    Buala Sec. hi chhiattawk Section an ni.

Tanpuina hlan
    Ruahsur avanga leimin vanga chhiat tawk Pastor Lallungmuana, Lalsavunga Sec. a mite chhungkua chhawmdawl nan Branch YMA chuan ` 20,000 a hlan a, tin, Local Council te pawhin ` 10,000 a hlan ve bawk.

Lawmthu sawina
    Kan nu H.C Vanlalchhuangi damloh tirh a\angin khawtlang leh Kohhran mipuite, Department lama a thawhpui zawng zawng te, Bial chhung leh pawna a rawngbawlpui leh a \hian te’n min buaipuina leh ngaihsakna te, \awng\aisaknate kan dawng nasa em em a. A bikin Department lama an hotute leh a thawhpuite’n khawngaih leh duhsak tak maia amah entir tura engkim maiah  nu leh pa chan changa kan mamawh tur tinreng mai min tihsak vek avangin an chungah kan lawm tak meuh meuh a ni.
    Tin, a dam loh chhunga damdawi in leh in lama min tlawhtu, tha leh zung, neih sum senga min buaipuitute chungah kan lawm a. Mumbai lama kan veng mi awmte, min ngaihsakna leh buaipuina zawng zawng avang khan kan va lawm em. Vawiin thlengin min lainattu hmel kan hmu zel a, in zavai a chungah lawmthu kan sawi tak meuh meuh bawk a ni.
    R. Lal\anpuia leh a fate, Buala Sec.

UI PAWN CHHUAH CHUNGCHANG
    Kan khawtlang a lo thianghlim a a lo hrisel zawk theih nan khawtlang hruaitu ten hma lain ran khuahkhirh turin vawi tamtak an lo hriattir tawh a, \henkhat ten ngai pawimawhin an ran vulh a bikin ui te an ti ral a, \henkhat erawh chuan khawtlang pawisa lovin kan ui leh ar vulhte pawnah chhuahin zah nachang pawh hrelo leh intihtheihnan a hmang ni awm zawkin an la awm a. Hei hi Kumpuan Committee chuan veng a thianghlim theih nan ui/ar pawn chhuak hi a rem theihna turin dimdawina nei miah lovin Action a la dawn a, in ui leh ar pawn chhuak a lo tual thi anih pawhin thiam channa tur zawng lovin mahni tihdik lovah lo ngai turin kan in hriattir e.

    Chaiman, Kumpuan Committee

A mamawh tan
    ASETI, Zemabawkah BPL Family nula leh tlangval tan training theih tam tak a awm a. tin, Labour & Employment hnuaiah sawrkar hnathawk lo fate tan zirna kawnga \anpuina dil theih a ni bawk a, a hrechiang duh chuan Pi Maziri Vengthlang a mi hnenah zawhfiah mai tur a ni e. 

PAGE - 4

KEIMAHNI :

Hlimkhawpui Budget
    Hlimkhawpui  July & August 2018  thla Budget  pe tla tawh te:
1.    Saichhuma Sec.    2. Buala Sec.
     Saichhuma Sec. ten kumin chhung Budget an tlak fel ta bawk.

Lalsavunga park duty tur te
Aug ni 26, 2018 (Pathianni)    -    Vawmphunga Sec.
Sept. ni 2, 2018 (Pathianni)    -    Damvea Sec.
    Heti hian Section ten Lalsavunga park a in hnatlan chhawk chu a zo chiah ang.

KUMPUAN COMMITTEE HMALAKNA
    YMA Kumpuan 'Ram leh hnam humhalh' hmalakna kal zelah  August 21, 2018 (Thawhlehni) khan damdawi avangin hêng mite hi man an ni a, an nun siam\hat nan Chawnpui Bethel Camping Centre-ah dah an ni :-
1. Zonunsanga S/o Biakthansanga, DV
2. Zonunpuia S/o Lalengzami, KD
3. Lalmuansanga s/o Vanlaltluanga, VP
4. Albert Lalnunkima s/o Rozami, DV
    Ram leh hnam humhalh nan YMA chuan theih tawpin hma a la zel dawn a, ram leh hnam humhalh mai ni lovin, khawtlang nun siam\hatna a ni tih kan hriat tel a \ûl hle.
    Hlimen Branch YMA

CYMA Chetvelna
15.8.2018 :    Independence Day Governor at Home-ah Central YMA OB te an tel
17.8.2018 :    Vanapa Hall-ah Mizoram People Forum (MPF) Annual General Meeting Vawi 12-na neih a ni a, Pu Vanlalruata, President, Pu Peter Chhakchhuak Asst. Secretary, Pu Lalrochuanga Pachuau, Treasurer leh CEC mi 10 an tel.
18.8.2018 :    NGO Co-Ordination Committee meeting Central YMA Committee Room-ah neih a ni.
18.8.2018 :    Tripura hmar lama Tuikuk Relief Camp-a awm te tana Electoral Roll ennawn a siamthatna lehkha pawimawhte Mizoram chhunga ken luh a nih leh nih loh enfiahin NGO Co-Ordination  aiawhte Zawlnuamah an kal a, Pu R. Lalngheta, Vice President, Pu Peter Chhakchhuak, Asst. Secretary CEC pahnih an tel.
20.8.2018 :    Tripura Relief Camp-a Tuikuk awmte Electoral Roll Revision neih chungchangah NGO Co-Ordination Committee meeting Central YMA Office-ah neih a ni a, meeting neih zawh hian Chief Minister an hmu nghal a, Pu Vanlalruata, President, Tv. Lalhmachhuana, General Secretary te an tel.
23.8.2018 :    Central YMA leh Art & Culture Department ten Central YMA Hall-ah “Media Workshop” leh “Pipute sulhnu Humhalh Seminar” hun an hmang a, Aizawl khawpui pawn leh Aizawl khawpui chhung atangin member an kal tha hle. 

SPORTS News
7th LBS Inter-Branch Basketball Tournament zawh a ni.
    Central YMA in 7th Inter-Branch YMA Basketball Tournament  Dt. 7-18.8.2018 chhunga a buatsaih chu Dt. 18.8.2018 Inrinni zan khan khelh zawh fel a ni ta.
    He tournament ah hian Final hi Khatla ‘S’ leh Khatla Branch ten an khel a, Khatla ‘S’ Branch te hi an Champion a ni. LBS Suzuki ten he tournament hi an sponsor a, Mizoram Basketball Assn. nen \angkawp a buatsaih a ni a, Champion hian lawmman atan pawisa fai ` 40,000 + Trophy + Certificate + Medal an dawng a ni. Runner Up hian ` 20,000 + Trophy + Certificate + Medal an la bawk. Tin, Semi-finalist te hian   ` 5000/- ve ve dawngin Fairplay award siam a ni bawk a, Ramthar Veng team hnenah hlan a ni. Mimal award hetiang hian siam a ni bawk.
    1. Most Valuable Player     -    ` 3000 + Trophy
    2. Best Defewnsive Player     -    ` 3000 + Trophy

Kan Then tak

H.C. Vanlalchhuangi Kum 58
    Pi H.C. Vanlalchhuangi hi Upa Tuahkima (L) leh Pi Thanmawii (L) te fa 7 zinga a 6-na niin Hmuifang ah a pianga , an unau hi hmeichhia vek an ni.
    Amah hi mi hlim  thei, kawm nuam leh \hian ngaina tak a ni a, a pasal fanau duata enkawl thiam tak mi a ni.
    Govt. Aizawl College ah P.U thleng zirin College zawm tur hian Hlimen-ah a u Zosiamliani W/o Upa Rualkhuma hnenah a lo phei a, kum 1987 ah sorkar ah LDC hna hmuin a \hawk \an a, a boral thleng hian General Administration Dept. (GAD) ah UDC hna a chelh a ni.  Kum 1990 May ni 29 khan Pu R. Lal\anpuia nen inneiin fapa pahnih leh fanu pakhat an nei a ni.
    Pi Chhuangi hi Pa\hian \ih mi tak a ni a, Hmuifang a a awm lai pawhin K|P hruaitu nihna te, zaipawl leh naupang Sunday School zirtirtu nihna te a phak tawk tawkin a lo chelh tawh \hin a, pasal a neih hnu pawh in Tualchhung leh Bial chhungah te a phak tawk a in hmangin  a boral thleng hian Puitling Sunday School zirtirtu, Ramthar Treasurer , Nilai zan thupui hawngtu, Kohhran hmeichhe Secretary nihna chelhin Kristian Chhungkaw Committee leh Decoration Committee -ah member a ni a. Tin, Bial chhung Kohhran hmeichhia ah Secretary a ni mek bawk.
    Mi hrisel tak a ni \hin a, amaherawhchu, kumin June thla laihawl vel a\ang khan a insawisel \anin kawng chho kal te harsa a ti hle a, Doctor te rawnin a thling pawh vawi 3 lai test a ni a, a natna tak erawh hriat a la ni lo. July ni 19 khan NEIGHRIM, Shillong lamah kalpui niin Thisenvar Cancer a ni tih hriat a ni a, hmunpui lam pan tura tih a nih angin July ni 26 khan Mumbai lamah kal pui leh a ni a.
    A natna hi a chak em avangin Aizawl lama in enkawl \ha zawk a hriatna a awm avangin Aug. ni 13 khan Zoram lamah hawpuin Grace Nursing Home a Intensive Care Unit ah dah nghal  a ni a, a natna in zual lam pan zelin Aug. ni 20, 2018 (Thawh\anni) zing dar 5:00 khan a rawng a lo bawl sak \hin Lalpa hnenah min lo kalsan ta a ni.

Thitin thla (August) Ni 18, 2018, Issue No. 33

PAGE - 1

TUALCHHUNG :

Boral : Pu C. Rozama (K- 63) H/o Zosangzuali Buala Sec. a mi chu Hrawk Cancer avangin Aug. ni 12, 2018 (Pathianni) zing dar 4:00 khan a boral a, hemi ni vek hian Thlanmual-I ah vuliam a ni.

Damlo : Pi Vanlalchhuangi W/o R. Lal\anpuia Buala Sec. a mi chu hun engmaw chen Mumbai lamah enkawl a nih hnuin Mizoram lamah enkawl chhunzawm tura tih niin Grace Nursing Home, Zarkawt ah enkawl mek a ni.

##    Pi Lalhmangaihzuali D/o Kawlthangpuia Buala Sec. a mi pawh tonsil na avangin Aug. ni 13, 2018 khan UPHC Hlimen ah Admit a ni a, dam takin a lo chhuak leh ta niin thu dawn a ni.

##    Pu Chalbuanga H/o Darrotluangi Damvea Sec. a mi chu lung lam leh chuap lam fello avangin Alpha Hospital, Kulikawn ah enkawl mek a ni.

##    Pi Lalrinlawmi Buala Sec. a mi chu  Falkawn Referal Hospital ah engemaw chen enkawl a nih hnuin inlamah enkawl mek a ni.

##    Pu Rochhunga Buala Sec. a mi pawh tha na avangin che hlei thei lovin a bawksawp a,  Doctor rawnin inlamah enkawl mek a ni.

##    Pu Lalchhawna H/o Thankhumi Buala Sec. a mi chu tunlai hian taksa lam harsatna in a tlakbuak a, inlam enkawl mek a ni.

##    Pricilla V.L.Hmangaihzuali D/o Liansangpuia, Damvea Sec. a mi chu taksa chak lo avangin Aug. 17, 2018 (Zirtawpni) khan Aizawl Hospital ah admit a ni a, hemi ni hian thisen unit 3 an pe niin thu kan dawng.

##    Pi Lalngaihsaki W/o Lalthanpuia Buala Sec. a mi chu zunkawng lam \ha lo avangin Aizawl Hospital ah enkawl a ni bawk.

Nau nei thar : Pu Lalromawia leh Pi Lallawmpuii te nupa Buala Sec. a mi te chuan fapa duhawm tak Durtlang Hospital ah an nei thar.

##    Pu R.Zoliansanga te nupa, Saichhuma Sec. a mite pawhin Aug. ni 17, 2018 khan an fa pahnihna atan naute mipa an nei thar bawk.

|anpuina hlan : Pi Lalsawmliani M/o Biakropuia, Kapdaia Sec. a mi chu Maruti 800 Lovers te chuan Aug. ni 15, 2018 khan \anpuina pawisa fai an rawn pe.

HEADLINE :

Branch YMA committee neih a ni

    Aug. ni 17, 2018 zan khan YMA Hall-ah Branch YMA Exe. Committee Meeting neih a ni a, thurel tlangpui te:-
1. |hutthleng leh dawhkan lei chung chung:- YMA Hall Stage a dah tur \hutthleng sei leh dawhkan lei nise tih a ni a, OB te kutah dah a ni.

2. Leimin chung chang :- Ruahsur nasa avanga Mauhakkawn leh Hlimen Vengthar Biak In inkar kawng leivungin a hnawh chu a ranglama hmalak a nih theih nan Aug. ni 18, 2018 (inrinni)  zingkara Local Level Disaster Management Committee meeting neih hunah thlen nise, he Committee Meeting thurel dan a zirin Branch OB ten hma lo la se tih a ni.

3. Thlanmual bungrua :- Thlanmual-I a hman tur Bucket 3 leh No 3 Dozen leh Thlanmual-II atan Bucket 2 leh No 3 Dozen chhiatni fund sum a\anga lei nise tih a ni a, Tv. R. Lalawmpuia kuta dah a ni.

4. In chhia \anpui:- Ruahsur avanga leiminin Pastor Lungmuana, Lalsavunga Sec. a mi te in a tihchhiat chu Branch YMA sum a\angin ` 20,000 a puih nise tih a ni.

5. Awareness Campaign : - CYMA leh Agri Dept. \angkawpin ‘Awareness Campaign on Safe & Judicious use of pesticide’ an buatsaih report dawn niin he awareness campaign hi hlawk taka kan hman chhunzawm theih nan Branch YMA ah Awareness Campaing hi neih chhunzawm nise, a hun leh \ul dang chu OB te kutah dah a ni.

6. Lehkha hmuh :- a) Synod Bookroom a Mizo Kristian hla thar bu, Chhiatni \hatni a hman theih, pakhat ` 80 man chu YMA tan ` 40 a lei theih thu dawn a ni a, bu 10 lei ve nise tih a ni.
b) Gen. Secy CYMA a\angin Gas leh buhfai buk dik tak kan dawn theih nana hmalak mekna CYMA a report thehlut tur a ngenna dawn a ni a, report thehluh nise tih a ni.
c) Mizoram chhunga inkalpawhna kawng chung changa CYMA leh MPWD in MoU an Sign-na Copy leh chak zawk a hmala tura ngenna dawn niin MoU copy hi Branch Committee member tin daih siam nise tih a ni. Tin, Aug, ni 20, 2018 (thawh\anni) zingkarah Branch Committee ten PWD kawng te hi a dinhmun enho nise tih a ni.
d) Veng din dan \obul leh adangte CYMA a Branch YMA record thehlut tur a ngenna dawn niin OB te bawhzui atan dah a ni.
e)  CYMA Gen. Secretary hnen a\angin YMA Rorel inkhawm vawihnihna chung changa hriattirna pawimawh dawn a ni a, hetiang hian bawhzui nise tih a ni.
i) YMA kumpuan atan ‘ Ram leh Hnam Humhalh’ tih rawt nise.
ii) Hruaitu hlun chawimawina dawng turin Pu Vanlaltluanga Exe. Committee Member chu Nominate nise. Heng baka bawhzui chu OB te kut ah dah a ni.

PAGE - 2

EDITORIAL :

Hringnun
    Mihring hi Siamtuin a siam a, bawhchhiatna a thlen hma loh zawng; saruak ngal ngatin an khawsa niin a lang a, a chhia leh a \ha hriatna an lo neih hnu khan, saruak an nih zia hriain; intuammawi nan, Theipuihnah an in siam a, Eden huan a\anga hnawhchhuah an nih khan Siamtu chuan Savun Kawrfualin a tuam mawi tak thu chu Lehkhabu Thianghlimah kan hmu leh a nih kha.
    Ni e, hemi hnu a\ang hian mak tak maiin mihring chu chawmhlawm/faisa ring  nilovin bek a thlan chhuak a eizawng a lo ni ta a, a lehlam kawng a ngaihtuah chuan mahni inhaikawchawp a mihringin nunkhua a chhiar chho takah chuan hmasawnna tam tak a chharin; a pianken nihphung mai bakah a rilru leh ngaihtuahna a zirin hma a lo sawn deuh deuh a, tunthlengin mihringte chuan kan damkhawchhuahna tur dapin kan la hmanhlel ta zel a nih hi.
    Kan hria emaw kan hrechianglo emaw mitin kan zawn chu damkhawchhuahna a ni a, chu chuan eizawnna a kawk a, ei leh in nei tur chuan hnathawh a lo \ul ta a ni. Ei leh in tur kan hmuh hnu chuan nawmsakna/awlsamna lam kan hawi leh a, chutiang reng reng chuan hun kan hmang chho ta zel a, dam sen lul si, he hringnun kawng zawh zo a, tihtur nei ta miah lo erawh tunthleng hi kan la awm awm love. Kan thi a, kan boral der \hin tih in hre mah ila, tu’n kan thih hun tur kan hre lova, hmanhlel reng reng in hun kan hmang a, kan hun neih hmang thiam leh thiam lo erawh kan awm chiang khawp.
    Chuvangin, ngun takin ngaihtuah la. I hun i hmang \ha em? A \ha zawngin emaw a chhe zawngin emaw he khawvel a i lo awm ve avang hian thil danglam enge i thlen le?
 In zawt nawn fo \hin ang che.

Kan Then tak

 
C. Rozama Kum 63
    Pu C. Rozama hi Lalsiamliana (L) leh Zachhingpuii (L) te fa 7 zinga a naupang ber dawttu ni turin 1955 khan a lo piang a, an unau hi hmeichhia leh 2 leh mipa 5 an ni.
    Kum 2007 khan Zosangzuali nen an innei a, Pu Rozama hian fa mipa pakhat leh hmeichhia pakhat neiin tu pali a nei bawk a ni.
    Amah hi pa nelawm leh kawm nuam tak, \awng duh leh titi thiam taka ni a, a bula awm a nuamin \hian siam pawh a thiam hle.
    Govt. Aizawl College P.U (Tuna pawl 12) thleng zirin infiamna lama a rilru a pek zawk avangin zirna hi a chhunzawm thei ta lo. Infiam ngaina tak niin a bikin Hockey hi thiam taka ni a, Aizawl College a kal laiin College Zonal Sport-ah Aizawl College chu a Champion pui nghe nghe. Hei bakah hian Aizawl College aiawhin Shillong a NEHU Sport ah a zuk tel tawh bawk. Chumai nilovin, kum 1977-1979 khan Delhi, Nagpur leh Chandigarh ah te Hockey khelin Mizoram tan a lo fehchhuak tawh bawk.
    A phak ang tawkin Kohhran leh khawtlangah a in hmang ve \hin a, Hlimen Branch YMA ah Secretary leh Asst. Secretary nihna te lo chelh tawhin Hlimen Games & Sport Association ah pawh hruaitu a lo ni tawh bawk. Zoram Driver’s Union ah tunah hian Executive Member niin Zoram Driver’s Union, Hlimen Branch ah Exe. Member a ni mek bawk.
    Hlimen Presbyterian Kohhrana a awm laiin naupang Sunday  School  zirtirtu te pawh a lo ni tawh \hin a ni. Hlimen Isua Krista Kohhran a alawi hnu pawhin a phak ang tawk tawk a inhmang zelin Pathian biak inkhawm hi a ngaina hle a, a damloh/ chakloh hnuah pawh a ti hram hram zel a ni. Sawmapakhat Pathian Ram thilpek leh buhfai \ham te hi a ngaipawimawh em em a ni.
    Kum 2016 kum bul lamah a insawisel \an a, Doctor te pan a nih hnuin April 2016 khan a nghawng Cancer a ni tih hmuhchhuah a ni a, Chemo leh Radiation te a lak hnua dam \ha vek tawh a ngaih a nih laiin a natna chu a lo chhuak leh a, Mumbai lamah leh Aizawl lamah te theihtawp a enkawl a ni a, Aug. ni 8, 2018 khan Nazareth Hospital ah lut leh in Doctor leh Nurse ten theihtawp a an enkawl hnuah Aug ni 12, 2018 (Pathianni) zing dar 4:00 ah Chatuan Chawlhna ram min lo pansan ta ni.

LAWMTHU SAWINA
    Kan pa damloh leh boral thu-ah lawmthu sawina tur tam tak kan nei a. A dam loh \an tirh a\angin Kohhran hrang hrang \awng\aipuina kan dawngin, kan dam lo min kan tute; kutruak a lo kal tumah awm lovin thilpek min pein, khawtlang nu leh leh pa te’n min thlamuan reng a. A boral a ni tih hria apiangin in lamah leh damdawiin lamah lo tlankhawmin a \ul ang apiang min tihsak vek a. Amah thlahna ni-ah, khatiang zo zai mai, kan hrehawmna min tuarpui tura in hmel kan hmu hi kan lawm tak meuh meuh a ni. Kan chunga in \hatna hi Lalpa’n malsawm mawlh che  u rawh se.
    In khawngaihna dawngtu
    Zosangzuali leh a fate

PAGE - 3

HRIATTIRNA :

PHED  hriattirna
    PHED ten Public Point a\anga tui kan sem chu thlatin Fee pek a lo hun leh ta a, ` 200 (July-Dec. fee) hi Office hun chhungin Chhimphei Section Site Office Hlimen ah August, 2018 chhungin pek vek tur a ni. Card hlui ken vek tur a ni a. Fee pelo ten Public Point a\angin tui hi an dawng/la thei tawh lo ang.

    Sd/- Lalhumhima
    Sectional Officer, Chhimphei Section.

E.roll Revision chung chang
    Roll Revision neih mek a ni a, Aug. ni 21, 2018 (Thawhlehni) thleng hun hawn niin Electoral Roll- a siam\hat ngai leh inthun thar tur te chuan BLO te hnenah huntiam ral hma ngeiin in report tur a ni.

E.Roll hearing chung chang
    Electoral Roll a hming thunluh dilte hi Aug. ni 23, 2018 (Ningani) dar 12:15 - 1:30 Pm ah Hlimen YMA Hall-ah Hearing neih tur a ni a, Roll a thunluh dilte chu kim taka kal tur a ni e.
    Hearing neih ni hian kum tihchianna Document (i.e Birth Certificate Original etc..) ken tur a ni a, mahni ngei inlan tur a ni a, remchanglo an awm a nih chuan an aiawh tur an chhung zing ami puitling a chenpui ngei inlan tur a ni. Hearing ni hian NGO/Political Party hrang hrang aiawhte Seal kenga kal vek tur a ni.

Khawihsak lo tur a ngenna
    Kan Vahai khawi chu kan chhuah \hin a, lo hmu kan awm a nih pawhin khawngaih taka kut min thlak sak lo tur leh min humhalhpui turin kan ngen a che u.

    In \hian,
    Tete-a, Hlimen Venglai.

Advertisement....

Balu, brick, cement etc.
    Insakna bungrua chi hrang hrang - Brick, Black wire, Cement, Balu (Bagha) man tlawm takin kan nei ve ta. Chequered Tile pawh man tlawm takin kan chah sak theih bawk e.  Tin, mamawh tam dan a zirin Home delivery pawh kan ti thei nghal bawk. Min rawn pan ve teh.

                                      Contact : 9862374567
(5-5)                            Manuni, Hlimen Venglai

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.
Regd. No MSR542,                 Ph.No
                                     9436199884, 9862476439 

Sneakers...  Sneakers
    Sneaker chi hrang hrang- hmeichhia leh mipa bun  Bazar rate aia tlawmin Upa Lalsanga (L) te inhnuai, Venglai Biak In bulah engtik lai pawhin lei tur a awm reng e. Min rawn dawr ve teh.
    -Zothanmawia,    
(1-1)     9954977290 (Call/Whatapp), 9612652051

LAWRKHAWM :

Chhiatni Report
    Pu C. Rozama puala buhfai leh pawisa khawn khawm dan leh thlanlaih dan ziaka hmuh theih chin :-
Section          Chhungkua     Pawisa    Buhfai    Thlanlai                      
    

Buala                 128             990        147        17

Damvea             100             880        111        7

Kapdaia             124            1150        140        7

Lalsavunga          35             350          35         -        

Saichhuma          90              840         97        14

Vawmphunga       60             600         61          8
 Total               537            4810      591        53    
    Buala Sec. hi chhiattawk Section an ni.

Waiting Shed chei|hat a ni
    Property Tax Return hmuh a\angin tunlai hian Local Council chuan |helretkawn-a Waiting Shed chu a chei\ha mek a, a chung khuh kim a ni tawh a, khua in a zir chuan kar lehlam chuan peihfel theih rin a ni.
    Helai hmun a Waiting Shed hi Thlanmual-I nen a in ngheng tlat a nih avangin chawlh hahdamna a nih mai bakah mitthi vui nikhua a khuain a bumro \um pawh a\angkai taka hman theih tura ruahman a ni.

Welfare hnatlang neih a ni
    Aug. ni 11, 2018 (Inrinni) khan Hlimen Vengthar Welfare chuan hnatlang kovin an area a kawng chhe zual lai te hnawh leh siam remin mi 90 chuang thawkchhuakin  inhlip engemawzat an awm bawk .
    He hnatlang a thawkchhuak zawng zawngte chungah  Welfare hruaitu ten lawmthu an sawi a, tin, sum leh paia puitu - Pu  Er. Lalthansanga Bialtu Councillor - ` 10000, Prof. F. Lalnunmawia - ` 2000, Local Council - ` 1000, leh inhlihna  ` 200 a nih laia hnatlang te hmakhaw ngai taka sum thawh belhtu zawng zawngte chungah te, tin, Hlimen LPK Drivers & Owners Association member \henkhat ten phal taka an lirthei an thawhchhuahpui avangte leh mimal anga puitu zawng zawng te chungah Hlimen Vengthar Welfare hruaitu ten lawmthu an sawi mawlh mawlh a ni.

Tuiluanna siam
    Aug. ni 11, 2018 (Inrinni) nileng khan Local Council leh Branch YMA Exe. Committee ten Pu Parliana Damvea Sec. a mi te inbul kawr a tui lut mumal thei lo leh kawngpui dunga tuihawk luang chu mumal zawk a tuiluankawra aluan theihna tur a siamin hnatlang an nei a, hemi ni vek hian siam peih nghal a ni.

Lawmthu sawina
    Aug. ni 12, 2018 (Pahianni) a vanduaina kan chunga lo thleng- kan Makpa, Vanneihchhunga City Bus khalh kawngthlanga a liam chung changah mimal leh chhungtin, YMA nula leh tlangval te tha leh zung, chetlakna kan dawn zawng zawngte, inthlamuanna te nen intinah lokalin lawmthu kan sawi thei lo a, kan sawi seng hek lo. He chanchinbu, Hlimkhawpui kaltlanga kan lawmthu sawina hi kan lawmthu sawina a min pawmsak mai turin kan ngen  e.

H. Lalrammawia te chhungkua, Hlimen

PAGE - 4

KEIMAHNI :

Hlimkhawpui Budget
    Hlimkhawpui  July & August 2018  thla Budget  pe tla tawh te:
1.    Saichhuma Sec.    2. Buala Sec.
     Saichhuma Sec. ten kumin chhung Budget an tlak fel ta bawk.

Lalsavunga park duty tur te
Aug ni 19, 2018 (Pathianni)    -    Kapdaia Sec.
Aug ni 26, 2018 (Pathianni)    -    Vawmphunga Sec.
Sept. ni 2, 2018 (Pathianni)    -    Damvea Sec.

|anpuina hlan
    Pastor Lungmuana, Lalsavunga Sec. a mi te in chu leiminin a tihchhiat avangin Aug. ni 18, 2018 khan Branch YMA chuan \anpui nan ` 20,000 a hlan.

Lalsavunga Section
    Aug. ni 13, 2018 (Thawh\anni) khan High School kawng chung leiminin a hnawh thianfaia nileng hnatlang neih a ni a, member 19 lai an thawhchhuak a, member thawkchhuak zawng zawngte chungah Lalsavunga Section hruaitu ten lawmthu an sawi tak zet a ni.

Budget pe
    Buala Sec. te chuan kumin chhung atan a Branch Budget chu an tlak fel ta.

YMA in râl
    Aug. ni 14, 2018 khan Pu C. Rozama ralna hun hman a ni a, ralna sum tlingkhawm ` 9600 chu a chhungte hnenah hlan a ni a, Pu C. Rozama chhungte hian a tuamna puan 3 chu \angkai taka hman turin YMA kutah an hlan let a ni.

Training duh tan
    Central YMA leh Planning & Programme Implementation Dept. \ang dun chuan a hnuaia trade 3 tarlanah hian training a buatsaih dawn a, training duh te tan Aug. ni 30, 2018 thleng Central YMA ah dilna a thehluh theih ang. Dilna ah hian Branch YMA hriatpuina thil tel tur a ni.
    A diltu awm dan a zirin Aug. ni 31, 2018 dar 11:00 Am ah CYMA office ah interview neih a ni ang. Training hunchhung hi   Sept. ni 4 - Oct. ni 4, 2018 chhung a ni ang.

Trade :     1. Alluminium Training - Mi 50 tan.
    2. Cement Work training - mi 50 tan
    3. Floor Tiles Training - mi 50 tan.
    Hrechiang duh te chuan Tv. R. Lalawmpuia Secretary hnenah zawhfiah tur a ni e.

Kohhran News
Meet hmang
    Aug. ni 12, 2018 (Pathianni) hmang khan Kulikawn Presbyterian Kohhran ah Aizawl Chhim Presbytery Pavalai Meet vawi -3na hman niin Hlimen a Presby. Kohhran 3 a\angin Pavalai member engemaw zat in meet hi an hmang a ni.
     Aizawl Chhim Presbytery-ah hian Pastor Bial 5 awmin Kohhran 17 leh Branch Church 1 a awm mek  a ni.

Sports News
Medal la
    R. Zoliansanga S/o Vankhuma, Saichhuma Sec. a mi chuan Aug. ni 6 - 13, 2018 chhunga neih zawh tak 2nd  Zauva Memorial 6th North East Zone Shooting Championship, Aizawl a neih zawh takah Senior level ah Silver medal a la. Tin, Inter-Departmental Sport neih zawh takah tho khan silai inkahsiak ah Gold leh Bronze medal a lo la tawh bawk a ni.
    Tin, Inter Deptt. Sports neih zawh takah Nl. Lalmuanawmi D/o R.Lalliantluanga, (Health Deptt.) Saichhuma Sec. a mi chuan Table Tennis Mixed Doubles leh Women Team-ah Gold lain Women Doubles ah Silver a la bawk.

CYMA basketball
    Central YMA in Inter Branch YMA Basketball inelna a siam chu a hmawr bawk a ni ta a, Aug. ni 18, 2018 zan hian  Khatla ‘S’ Branch leh Khatla Branch final an khel a, he thuziah lai hian result hriat a ni lo. 

Lawrkhawm chhunzawmna.....
Oxygen thar
    Local Council chuan a mamawh te tan a hman turin Oxygen siamna khawl a lei thar a, he khawl hi Local Council chuan YMA kutah hlan turin  ruahmanna a siam niin kan thudawnna chuan a sawi.

Social Survey nei dawn
    Mizoram University a Master of Social Work (MSW) zirlai 3rd Semester zirlai te chuan kan veng chhung zirin hun an rawn hmang leh dawn a, Aug ni 9, 2019 khan a thawhkhat nan kan vengah an rawn kal a, hemi hnu Aug. ni 16, 2018 zingkar khan zirlai te hi YMA Hall ah Local Council, MHIP OB, YMA OB leh MUP OB te nen meeting neiin khawtlang aiawhtu te hian zirlai te chu a theihna kawng hrang hrangah puih zel an tum thu an lo hrilh a, tin, zirlai te hian an mamawh leh \ul angte sawiin,  an kaldan tur te an sawifiah a, ruahman ang chuan Oct., 2018 thla laihawl thleng kan vengah hun an hmang anga, kumthar lamah lo lut leh in thla 3 vel hun an rawn hmang leh ang.
    Kum 2016 pawh khan MZU a MSW zirlai ten Social Survey neiin kan vengah hun an lo hmang tawh bawk a ni.   

Thitin thla(August) Ni 11, 2018, Issue No. 32

PAGE - 1

TUALCHHUNG :

Boral : Pu Vanlalchhunga (K-84) Buala Sec. a mi chu  Aug. ni 5, 2018 zing dar 2:02 khan a thawhah avangin a boral, hemi ni vek hian thlanmual-I ah vuiliam a ni.

Damlo : Pi Rosiami Buala Sec. a mi chu Aug. ni 1, 2018 khan tlusualin a banruh a ti tliak a, Civil Hospital, Aizawl ah zai niin August ni 9, 2018 khan rawn chhuakin inlamah enkawl chhunzawm mek a ni. 

##    Nl. Lalbiakdiki (News Editor Hlimkhawpui), Damvea Sec. a mi chu Kal lam fel loh avangin investigation hrang hrang te tiin in lamah enkawl mek a ni. 

##    Pu R. Zoliana W/o Lalfakawmi Saichhuma Sec. a mi chu kal \ha lo avangin  Dialysis (Kal \huah) tih niin Civil Hospital ah enkawl chhunzawm mek a ni.

##   Pu C. Rozama Buala Sec. a mi pawh inlama enkawl a nih hnuin Aug. ni 7, 2018 khan Nazareth Hospital ah in enkawl turin dah luh leh   a ni a, he thu buatsaih lai thleng hian enkawl chhunzawm mek a ni.

YMA lawm hle : Pu Lalramenga Buala Sec. a mi chuan Thlanmual a thingpui lumna tur thir thuk \ha tak mai chu YMA ah a hlan a, hruaitute an lawm hle.

Eye  Services-ah  :  Aug. ni 6-10 2018 chhung khan NPCB, Govt of Mizoram,  Chrirstoffel Blinden Mission, Germany   leh Mission for Vision, Mumbai a thawk \angkawpte chuan  Synod Hospital, Durtlang-ah Eye Service an nei.  He Eye Camp-ah hian mit zaitir 23  an lut a, damdawi In awm mante, zainate, mit naute thlakna te a thlawn vek bakah kal lam leh  leh haw lam man an tum sak vek a. Kan veng a\ang pawhin Pu Saikapkunga, Buala Sec, Pu K. Mangpuia Buala Sec leh Pi Zahmingthangi Damvea Sec a mi ten an mit an zai tir a ni.  Hre chiang duh tan Pu Saikapkunga  hnenah  zawhfiah theih a ni e.

YMA in ral: Aug. ni 7, 2018 zan khan Pu Vanlalchhunga  ralna hun hman a ni a, ralna pawisa tlingkhawm ` 9250 chu a chhungte hnenah hlan a ni. Tin, a chhungte hian a tuamna puan 2 chu \angkai taka a hman atan YMA ah an hlan let bawk.  

HEADLINE :

Lei tawlh awm nual

    Tunhnai Aug. ni 6 leh Aug. ni 8, 2018 zana ruahsur nasa avang khan veng chhung hmun \henkhatah leitawlh/ leimin a awm nual a, hemi endik hian Aug. ni 9, 2018 khan Aizawl District Disaster Management Authority (ADDMA)  Zone X hotute chu kan vengah lo kalin Local Council ten nen vengchhunga chhiattawhna thlenna hmun \henkhat te an enfiah a, a \ul zual a hman nghal turin Silpouline 6 sem a ni.
    Branch YMA pawhin Aug. ni 9, 2018 zan khan he chhiattawh avang hian Rikrum \hutkhawm (Emergency Committee) a ko va, an thuchhuak \henkhat chu phek dangah tarlan a ni. Mizoram hian fur ruahtui kan dawng \ha in ruah tui hian chhiatna a thlen fo bawk a, kan hmun hma te hi hmun awih leh rualrem em em lo a nih hlawm avangin mitin ten kan theih ang ang a fimkhur kan chhuah a \ul hle mai.
    Aizawl District Disaster Management Authority  hnuai ah kan veng hi Zone X-ah awmin - Kulikawn, Tlangnuam, Saikhamakawnleh Melthum te nen kan awm ho a,  ADDMA Zone X ah hian  Zonal Officer chu Alan Lalthanzara, Assistant Commissioner a ni.
    Tin, sawrkar thuchhuak leh sawrkar ruahman siam angin kan veng ah pawh Local Level Disaster Management Committee din a ni a, hetiangin :-

    Chairman     :     Chairman LC
    V. Chairman    :    President YMA
    Secretary    :    Secretary YMA
    Asst. Secretary    :    Secretary LC
    Treasurer    :    Tressurer LC
    Members    :    All member LC, Branch YMA OB, MHIP aiawh, MUP aiawh, Ex- Servicesmen, Prominent Citizens - Govt. Officials, Teachers, Doctors, Nurses etc.
    Tunhnai ruahsur avang khan Pi  Elizabeth-i (Ma Beth-i) W/o Lalnunzir-a (L)te in, Damvea Sec. leh Pastor Lungmuana Lalsavunga Sec. a mi te in chu leitawlh hian a khawih tel a, vanneihthlak takin chhiatna lian zawk erawh a thlen lo. Tin, heng bakah hian in tana him lo, hmun \henkhatah a awm nual bawk. Aug ni 9,2018 zinglam a ruahsur avang khan Central Workshop leh Mauhakkawn inkar kawng chhak lam lei tawlhin kawng a hnawh a, hemi ni vek zingkarah PWD ten an nawr tlang leh nghal a, Lalsavunga Park panna kawng pawh leitawlh hian a hnawh a, he chanchin buatsaih lai hian then a la ni lo thung. Tin, Hlimen Playground ko pawh a min  bawk.  Kumin a ruahsur avanga chhiat kan tawhah chuan tun\um a mi hi a la lian ber awm e.
    Tarlan \hin tawh angin khawtlang mipui ten kan theih chin chinah a invenna lam ngaihpawimawh a \ha hle, a bikin tuidawn hi mumal takin la thei ila, engemaw chenah kan in leh lo kan veng him thei a ni.

PAGE - 2

EDITORIAL :

Thuawihna
    Kan Pathian Thu in ‘tih nuam tak leh thuawih tak a in awm chuan he rama thil tha hi in ei ang’ a tih hi a pawimawh hle mai.
    Tin, Bible chuan heti hian a sawi leh bawk ,‘Naupang te u, Lalpa ah chuan in nu leh pa te thu zawm rawh u, chu chu thil dik a ni si a, I nu leh I pa chawimawi rawh, chu chu thupek tiam nei hmasa ber a ni. Chutichuan, i tan a \ha ang a, leiah hian i dam rei bawk ang’, tiin.
    Puitling chin chuan kan nau, kan tu leh faten kan thu awih se kan duh \heuh mai. A dik a ni. Chhungkua a a tam zawk chu fel leh thuawih tak ni mah se, pahnih khat lek thuawih lo fal avangin chhungkua a hrehawm theiin mualphona nasa tak a thleng thei tih chu a hrechiangtu te \heuh kan ni awm e.
    Hetiang chiah hi khawtlang kan inawpna ah pawh hian a ni leh chiah mai. Thuawihna hian in ngaihsak tawnna te, lungrualna te, thawhhona \ha te a hring chhuak a, chu chu kan veng hian kan mamawh em em a ni. Kan khawtlang ah hian Local Council bakah NGO hrang hrang - YMA, MHIP, MUP te an awm a, Committee kaltlangin khawtlang mipui ten kan \hatpui tur leh kan him tlan zawk na tur  thuchhuah an nei fova, thil\ha tak a ni. Amaherawhchu, thupek pawisa lo, mahni duhdan anga tal mai mai kan la awm fo mai hian khawtlang hmel a tibal leh \hin hi a pawi hle. Tin, kan khawtlang nu leh pa, Local Council ten thuchhuah an siam te pawh hi kan zawm tlan dan hian tawp chin a nei fo a. Midangte tana harsatna siamtu nih hi Mizo Upa te pawh khan an lo duh lovin, chutiang mite chuan an thlahte thlengin malsawmna an hlat niin an sawi \hin. Kristian te tan chuan ‘thuawih’ hi a Pathian Thu em em a ni tih i hre thar ang u.

Kan |hen tak
 Vanlalchhunga kum 84

 
    Pu Vanlalchhunga  hi Pu Lianhleia leh Pi Chalhliri te inkarah kum 1934 khan a lo pianga a, an unau hi 9 niin mipa 5 leh hmeichhia 4 anni a, amah hi a upa lam a\anga chhiarin 5-na a ni.
    Kum 1961 khan Pi Thanglianmawii inneiin fa 10, mipa 2 leh hmeichhia 8 an nei a, Pu Vanlalchhunga hian tu 16 leh tuchhuan 10 a nei bawk.  Pi Thanglianmawii hian kum 1994 khan chatuan rama pansan tawh a ni.
    Pu Vanlalchunga hian pawl ruk a zo a, amah hi mi tlawmngai thei tak niin Hlimen a Standing Helper a din lai khan Tlawmngai ber Award pawh pek a lo ni tawh a ni. YLA, tuna YMA lo ni ta ah hian Committee member ah awmin; a kul a taiah a lo \ang ve tawh \hin bawk. Thlanlaih leh mitthi lumen ah te hian a bang ngai lo a. Tin, tu leh fate hmangaih thei tak niin a theih ang zawng ah chuan a tu leh fate tana in hmang zo vek mi a ni.
    Pathian thu ah te a tui thei hle a, Hlimen a Thlarau bo  zawng tute’n Tripura a missionary an chawm \hin lai te pawh khan a phurpui em em \hin. Kohhran lamah rawngbawlna chelh nei lemlo mah se Pathian Biakin inkhawm leh thiltihna ah a tui thei hle.Hlimen Govt. High School ah kum 1980-2008 thleng khan peon hna a thawkin pension in a chhuak a ni.
    A kum te a lo upat hnu hian a pum lam te a sawiselin a thaw hah hian a tibuai  fo \hin a, mahse, Doctor te rawnin a dam leh mai zel bawk \hin. Kumin kumtir lam a\ang phei khan chuan dam \hat vak nei lovin a insawisel reng a, a taksa chaklohna hian a bawh chhoh reng avangin July. ni 19, 2018 khan BN Hospital ah admit a ni a, investigation hrang hrang tih a nih hnuah Thyroid leh Pneumonia  bakah Thinlian a nei a ni tih hmuhchhuah a ni a.
     Aug. ni 4, 2018 zan dar 10 vel bawr a\ang khan a natna te lo zualin thawk harsa a ti zual ta hle mai a, Doctor ten theihtawp an chhuah chungin Aug ni 5, 2018 zinglam dar 2:02 khan  chatuan ram min lo pansan ta a ni. LAWMTHU SAWINA
    Kan pa Vanlalchhunga damloh, Hospital a enkawl anih chhunga Kohhran ho leh khawtlangin min lainatna leh khawngaihna kan dawn thilpek leh hun hlu tak in sênna te avangin lawmthu kan sawi a.
    Tin, a boral zana khawchhe hnuaia ruang min buaipui mai bakah, a tuk a amah thlahna hun a in mi chawimawina te, a thlan chungchangah nise a hmangaih êm êm a nupui thlana remchang min siamsaktu Y.M.A te chungah leh vawiin thlenga min lainatna leh hmangaihna te hi engtikah mah theihnghilh dawnlo. Keini chhungkua hian kan rul seng dawn lo che u a, Lalpan a let tam takin rul che u rawh se tih hi kan \awng\aina a ni e.

    In khawngaihna dawngtu
    Kawlkhumi te chhungkua
    Buala Section, Hlimen
 

######################################

E.B in râl
    Aug. ni 9, 2018 zan dar 7:00 khan kan thawhpui - Nl. Judy H. Lalbiaknungi, News Editor chu a putea’n (Tv. Lalfela) a boralsan tak avangin an chenna inah ralna hun kan nei a, Judy-i hnenah hian tawrhpuina thuziak hlan ani.

PAGE - 3

HRIATTIRNA :

UPHC hriattirna
    Aug. ni 15, 2018 hi Indenpence Day a nih avangin OPD hawn a ni dawn lo tih kan in hriattir e.

PHED  hriattirna
    PHED ten Public Point a\anga tui kan sem chu thlatin Fee pek a lo hun leh ta a, ` 200(July-Dec. fee) hi Office hun chhungin Chhimphei Section Site Office Hlimen ah August, 2018 chhungin pek vek tur a ni. Card hlui ken vek tur a ni a. Fee pelo ten Public Point a\angin tui hi an dawng/la thei tawh lo ang.
   
    Sd/- Lalhumhima
    Sectional Officer, Chhimphei Section.

Fur pui -ah  fimkhur nan
    1. Mizoram hi Monsoon ruah dawng kan nih avangin ruahtui kan dawng tam a, lei a hmin tawh avangin August thla leh September thla chawhma lama ruahsur hian leimin lian tham a thlen chawk.
    2. Kan ran in sak te hian tuidawn a neih mumal ngai loh avangin leimin a thlen thei a, chuvangin,  a theih ang anga lei tawlh mai lo tur a ruahmanna fel tak neih a \ha hle, kan ran in te hi kan inbul hnaiah kan sak \hin avangin fimkhur a \ha hle.
    3.  Zanlama ruah bawhawk a sur chuan mut bosan ngawt lova kan in leh a chheh vel en thlithlai peih a \ha hle.
    4. Kan in leh a vel a him lo thei a ni tih kan hriatchhuah chuan Silpouline pahnih khat tal kawl a, a him lo nia hriat lai te khuh hul lawk a \ha hle. Sawrkar a\anga dawn tur ah chauh kan ngaih chuan chhiatna a thlen hnuah bak kan in khuh hullo chawk.

ROAD PROTECTION HRIATTIRNA
    Kan vengchhung lirthei nei ten, lirthei a dahlohna tur a kan dah hian midangte tan hnawksak anih mai piah lamah tawhsual tawh palh theih a ni a. Hemi avang hian Sawrkar thuchhuak angin Motor dahna neih vek tur a ni a, chumi avang chuan Motor khalhtu ten chhun leh zanah a remchang apianga dah mai lovin, a hmun dik tak a dah turin kan in hriattir e.
     Tin, tunlaiin kan vengah Side-drain siam mek a ni a, hengte hi tlo leh \ha tak anih theih nan mipuiin enpui ve thei zel ila, duhthusam a tlin loh leh chhe mai thei anih chuan Road Protection Commmittee hruaitu te hnenah hriattir nise a \ha ang.
    Kawngpui dungah Rod chhut leh Bungraw dah hnawk phal a ni lova, laklawh thil avanga dah tur chuan Road Protection Commmittee ah ziakin dilna thehluh \hin tur a ni.
Sd/- Secretary

LAWRKHAWM :

Chhiatni Report
    Pu Vanlalchhunga puala buhfai leh pawisa khawn khawm dan leh thlanlaih dan ziaka hmuh theih chin :-
    Section            Chhungkua    Pawisa    Buhfai    Thlanlai                      
    Buala                 125             960         152        14
    Damvea              97              950        100          4
    Kapdaia            128             1170       135         15
    Lalsavunga        37               350         40           2            

    Saichhuma        90               830         99         19
    Vawmphunga    57               560         58         10  
    Total              534             4820        584        64  
    Buala Sec. hi chhiattawk Section an ni.

Netsurf Communication lokal
    Aug. ni 4, 2018 khan Netsurf Communication a thawktute lo kal in YMA hall-ah hun hmangin Organic hmang a thlai enkawl chungchangah awareness campaign rawn neiin thlai enkawlna damdawi (Ogranic) te pawh an rawn keng nghal. Zawhchian duh nei chuan Pi Lalhmingthangi Mem. LC biakrawn mai tur a ni.
    Thlai enkawl nan bawlhhlo (Chemical) kan hman nasat avangin kan thlai tharte pawh ei atana him lo a nih theih avangin Organic hmanga thlai enkawl hi a pawimawh hle a, tin, kan vengah huanthlai siama eizawng kan tamin, midangte Hlimen-ah Organic damdawi, lei\ha etc. hmanga thlai enkawl \hin veng tia min hriat phawt chuan kan thlai tharchhuah te pawh hralh a tla bik ngei ang.

Dawr tur siam belh
    YMA hall hnuaia kaw khat (Hlimkhawpui Office hlui) chu a chhuat Slab a chhun niin dawr atana luah theih tur a siam mek a ni a, kar leh lam chuan peih fel theih rin a ni.

Advertisement...

Balu, Brick, Cement etc.
    Insakna bungrua chi hrang hrang - Brick, Black wire, Cement, Balu (Bagha) man tlawm takin kan nei ve ta. Chequered Tile pawh man tlawm takin kan chah sak theih bawk e.  Tin, mamawh tam dan a zirin Home delivery pawh kan ti thei nghal bawk. Min rawn pan ve teh.

    Contact : 9862374567
(5-4)    Manuni, Hlimen Venglai

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
   
(6-6)    VL-a, Ph.No : 9402344486, 9615266170

MD septic tank service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.
Regd. No MSR542,                 Ph.No
                                     9436199884, 9862476439 

PAGE - 4

KEIMAHNI :

Hlimkhawpui Budget
    Hlimkhawpui  May & June 2018  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    4. Lalsavunga Sec.
5.    Vawmphunga Sec.
     Saichhuma Sec. ten kumin chhung Budget an tlak fel ta bawk.

Lalsavunga Park Duty tur te
Aug ni 12, 2018 (Pathianni)    -    Lalsavunga Sec.
Augni 19, 2018 (Pathianni)    -    Kapdaia Sec.
Aug ni 26, 2018 (Pathianni)    -    Vawmphunga Sec.
Sept. ni 2, 2018 (Pathianni)    -    Damvea Sec.
    Heti hian Section ten Lalsavunga park a in hnatlan chhawk chu a zo chiah ang.

Branch Exe. Committee kohna
    A hnuaia hun leh hmun ruatah hian Branch YMA Executive Committee Meeting koh a ni a, hei hi kohna puitlinga ngaih nghal tur a ni e:-
    A hun    :    Aug. ni 17, 2018, 7:30 PM
    A hmun    :    YMA Hall
Sd/- Secretary

CYMA CHETVELNA
3.8.2018 : LPS Suzuki 7th Inter Branch YMA Basketball Tournament, 2018 Tip Off Programme chu Central YMA Hall-ah hman a ni.
4.8.2018 : Chawnpui Branch YMA-in an Golden Jubilee puala YMA Chhang Member-te Mizo hnam lam an zirtir kharna Programme an hmang a, Pu M.S. Ralte CEC-in a hman pui.
6.8.2018 : Pu Vanlalruata, President, Pu R. Lalngheta, Vice President, Pu Lalrochuanga Pachuau, Treasurer-te chuan YMA General Conference Rorel “Mizoram leh Bangladesh ramri khauh taka venhim a nih theih nan, Sorkar ah ngen ni rawh se,” tih bawhzuina kawngkhat atan C.D.Agarwal, DIG, BSF Sector Hqrs chu a Pisa ah an kawm a, Indo- Bangladesh Border khauh zawka venhim kawnga hma la tur leh Fencing chungchang pawh chak taka kalpui turin an ngen.
6.8.2018 : Election Commission of India (ECI) te Aizawlah an lo kal a, Hotel Floria-ah Jt. NGO aiawh ten an hmu a, President Pu Vanlalruata leh Pu Lalrammuana CEC ten an hmu a, Tripura Camp-a Tuikuk awmte E-Roll Revision neih chilh an duh loh thu an thlen a, Voters tam tak an nih loh avangin an lokir hnuah E/Roll Revision hi awlsam taka neih a harsat loh thu an thlen.  ECI Hotute chuan India Danpui (Constitution) in a phut angin mi tute pawh E/Roll a an chuan a, Vote an thlaktir chu an tih tur (Duty) a nih thu an sawi a, hei hi Jt. NGO pawhin an pawmpui thu leh Mizoram pawn a inthlan kaihhnawih (Election Process) neih an duh loh thu chu an thutawp a nih thu an thlen.

Sports News
BASKETBALL
    Hlimen Branch YMA Basketball player ten Dt. 8.8.2018, Dar 11:45 a.m. khan Hawla Indoor Stadium-ah Republic Branch YMA player te nen LBS Inter-Branch YMA Basketball tournament khelin vanduai zawkah \angin  an chak lova. Basketball tournament hi vawikhat an khelh ve na nimahse an khel han en chuan vawi tam tak lo khel tawh \hin ang maiin an thiamin an khel a mawi hle a ni. Heng player veng hming \hatna leh chawimawina  anih theihna atan ti a hun hlutak leh \ulna kalsan a, engahmah ham\hatna leh hlawkna beiseilova khel tute hi an chhuanawmin fak an phu takzet a ni.Keimahni Chhunzawmna......

Emergency thurel
    Aug. ni 9, 2019 khan YMA Hall ah Emergency Committee neih a ni a, thurel tlangpui te:-

1. Tunhnai ruahsur nasa in a vengchhung kawng leimin a hnawh te hetiang hian Section ten mahni Section ah hnatlang a lo paih fai tur a tih a ni a, an thawhzawh bak leh an tana harsa a awm a nih chuan Branch hnatlang koh chhunzawm tura ruahman a ni:-
a) Pu Lungmuana kawmthlang - Lalsavunga Sec.
b) V. Than\huama inbul - Saichhuma Sec.
c) Mauhakkawn - Vengthar Biakin Panna - JCB hman tur a ni a, Pu Lalrinmawia & Kapdaia Sec.
    Tin,  Section hnatlang  te tan ` 500 \heuh pek an ni ang.

2. Pem lehkha : - Pi Lalchhuanmawii te chhungkua Chhinga Veng a\angin dawn a ni a, pawm niin anni hi Pu Zosiama te in Vawmphunga Sec. a mi an luah.

3. Lehkha hmuh :- Dr. Grace Lalhlupuii Sailo Asst. Prof. & Field Work Co- Ordinator hnen a\angin a zirlai ten kan veng chhunga Field Work an rawn neih turah thawpuia sawmna dawn a ni a, a theih ang ang a lo thawhpui ni se tih a ni.  

(CYMA Chetvelna chhunzawmna.....)

7.8.2018 :    Synod Committee Room-ah MPF Board Executive Committee Meeting neih a ni a, Pu Vanlalruata, President a tel.
7.8.2018 :    Secretariat Conference Hall ah Mizoram atang a Tripura a Tuikuk pem te lak let chuangchang, E-Roll Revision an Camp a neih chungchang ah All Political Party, All NGO, MJA leh Sorkar aiawh te Meeting neih a ni a, Pu Vanlalruata, President, Pu Fabian Lalfakawma, Finance Secretary te an tel.
8.8.2018 :    Pu R. Lalngheta, Vice President, Pu H.F.Lalrinpuia CEC leh Kumpuan Committee Member   Lalnunfela, B. Lalzamlova, H. Lalhriatpuia, R.L. Thanhnuna, Anthony Lalhriatpuia, Lalhlimpuia, Thangkhansiam Ngaihte ten Vairengte leh Bairabi a Police Check Gate leh Sorkar-in Temporary ILP Centre a siam te an tlawh a, ILP pekchhuah dan leh National Register of Citizen (NRC) in nghawng a neih dan te an zirchiang a, Mualkhang Blotting Plant bula Gas tih chingpen an rawn check haw nghal.

Thitin thla (August) Ni 4, 2018, Issue No. 31

PAGE - 1

TUALCHHÛNG :

Damlo : Pu C. Rozama Buala Sec. a mi chu natna avangin mumbai leh Aizawl damdawiin alamah te enkawl a nihin tunah inlama enkawl chhunzawm mek a ni.

##    Pi Vanlalchhuangi W/o R. Lal\anpuia Buala Sec. a mi pawh NEIGHRIMS, Shillong a\angin Mumbai lamah inenkawl turin an chhuk thla.
    Kan veng a\anga damlohna avang Mumbai pan te hi kan veng a\anga Mumbai lama awm te a theih ang angin an lo buaipui \hin a, damlo leh an chhungte an lawm hle \hin.

Nau nei thar : Pu Lalsiamkima leh Lalruatpuii te nupa Vawmphunga Sec. a mi te chuan July ni 31, 2018 an fa pahnihna atan fapa duhawm tak an nei thar.

##    Pu Zothanzama leh Pi Lalthlamuani te nupa Damvea Sec. a mi te chuan July ni 24, 2018 khan BN Hospital-ah an fa pahnihna atan fapa duhawm tak an nei thar.

##    Pu H. Lal\anpuia te nupa Kapdaia Sec. a mi te pawhin an fa hmingkoh atan fanu duhawm tak an nei thar.

Chequred tile phah : Tuitai kawr- Pu Vanrothanga in peng chho step chu Chequered tile a phah chhoh  a ni a, he hna hi Hlimen Branch MHIP ten an thawk a, he hna AMC a\anga an hmuh niin kan thudawnna chuan a sawi.

Mistiri Assn. in pui : Hlimen Mistiri Association chuan an member pui Pu PB Lalthanmawia, Kapdaia Sec.  in sak chu a chhuat remin July ni 23, 2018 khan hnatlang an nei.

MHIP Lam zir ngawrh : Tunlai hian MHIP Headquarter-in lam intihsiaka buatsaihna tel ve ngei tumin YMA hall-ah lam an zir ngawrh hle a, Kan Branch MHIP te hian Siktuithiang lam an entir ang.

UPHC a inentir duh tan : UPHC Hlimen ah hian thlatin Doctor (Specialist) \umthum lo kal \hin tura tih a ni a, inentir duh kan awm a   UPHC lama in report remchang hman lo te kan awm a nih chuan ASHA, Pi Zirthansangi Vengthlang a mi hnenah a in ziah lawktir thei niin thu kan dawng. Pi Maziri hnena in report te hian card man chawi a ngai lo niin thu kan dawng bawk.

HEADLINE :

RAM LEH HNAM HUMHALH
Thelma R.Zonunmawii, Damvea Sec.
(YMA 2018 Day Essay inziahsiak lawmman 3-na)
    "Helai hmun thleng tur hian ramhnuaiah ni hnih ka chhungte nen ei tur leh in tur nei lovin kan kal a, kawngah te chuan mithi leh mihring taksa peng ringawt engemaw zat kan hmu a, kawng lakah ka nau chuan a tlin tak loh avangin a thi a ni," tiin mittui tla zawih zawihin a chanchin a sawi a. Ni e, he hmeichhia hi tunlaia hnam khawngaihthlak tak Rohingya an tihte zing ami a ni a. Rohingya te hi kum 1982 a Myanmar Nationality Law in Myanmar ram neitu nihna a pek duh loh te an ni a. Ka ram tih tur nei si lovin khawvel hmun hrang hrangah an awm darh niaih nuaih mai a ni.
    Tungchho a kal mihring zingah hian 'Hei hi ka ram a ni' tih tur nei velo tan khawvel hian awmzia a nei tlem hle awm e. Ram chin neiha, humhalh tur nei te vanneih zia an hre chiang hle in a rinawm bawk a ni. 'Heng mite hi ka hnampui te chu an ni e,' tih tur neih loh rapthlak dan tur phei chu chhut pawh la chhut chhin lo kan awm ngei ang. Khawvelah hian hnam puma boral ta an awma, hnam \awng chena boral te pawh an awm.
    Mahni ram \heuh humhalh turin ke kan pen sup sup a, hmalak dan \ha tak tak te a awm laiin rintlak loh fe fe pawh a awm ve tho a. Kan ram Mizoram pawh hi humhalh a, a neitu diktak kan nihzia lantir a \an kan lak a ngai hle. Ram leh Hnam humhalh tur hian mitin hian mawhphurhna kan nei \heuh a, kan tih theih zawng leh hma kan lak theih ve na lampangah chuan ke pen turin kan inpeih reng a \ul a ni.
    Ram leh Hnam humhalh tur chuan a ram neitu \halaite kan pawimawh ber. Mizoram hian humhalhtu Young Mizo Association (YMA) a nei hi a vanneihzia thu ringawt chuan a sawifiah theih awm loh e. Central YMA ah hruaitu \ha tak tak thlang chhuakin, anni in ram leh hnam humhalh nan hma nasa takin an la a, Branch tinah an hmalakna thlawp zel a nih avangin Mizoram dinhmun a lo derthawn loh phah ta a ni.
    Ram leh Hnam humhalh tur hian \halaite kan pawimawh bik hle a, YMA hian kan ram leh kan hnam chhanchhuaktu tur \halaite ruihhlo a kan boral mai loh nan tihtak meuhin \an a la a. Kum 1997 ah daih tawh khan 'Ram leh Hnam Humhalh' hi thupuiah lo puang tawhin, mipui mimirin a pawimawhzia kan hriat hma hauh khan nasa takin hma alo la tawh a. |ul dang pawimawh kalsanin rim takin duty tur te insiamin, ruihhlo tawlhrutu te leh zuartu te chu dan anga hrem an nih theih nan an thawkrim hle a ni. Ruihhlo do kawngah mai pawh nilo in, YMA hi ramri humhalh kawngah te, tlawmngaihna tundin zel a lo nih theih nan te leh mi chanhaite chhawmdawlna kawngah te hma la tu ber a ni.
-Phek 2-naah chhunzawm a ni...

PAGE - 2

EDITORIAL :

                       Helamah pawh.....
    Mizo te hi engemawti zawng tak chuan ngaihsam tak, ngaihdamna ngah tak kan ni a, a \ha viau. Chutihrualin, khawvel a changkang zel a, mi leh sa kan pung a, eizawnna kawng a inanglo mai nilovin kan eizawnna kawng \heuh pawh kan in hriatpui mumal lo tual tual a, mahni zawn zawnah kan buai ta em em vek mai chu a nih hi. Kan khawsak phung pawh a inang lo ta tual tual a, tunhma anga kan inlaichinna kawng tam tak pawh sut herin a lo awm ta.
    Tin, hnamdang,  tunhma a an awm ang tih pawh kan rin hauh loh te nen kan inchenpawlh in; kan sum min zenpui a, kan in an luah a, chu mai a ni lo, zirna  kawngah pawh kan Quota thlengin min chuhpui a, sumdawnna hmun neiin kan kawtthlerah sum an zawng a,  lung kan rual emaw ruallo emaw Zoram dung leh vangah tual kan leng za chu a ni ta reng mai.
    Chumai a ni lo, kan khawtlang nunah ngei pawh tualthahna, inrawkna, pawngsual leh suahsualna hrang hrang a inlar nasain kan kawtkai ngeiah kan tu leh fate pawh an him zo ta lo fo mai. Heng bakah pawh hian sawi tur tam tak a la awm ang. Chuvangin,  inawpna \ha, kan himna zawk  leh rualkhai zawk a kan kal zel theih nan dan leh hrai kan neih ang ang te mumal zawk a; a taka hman kan lo mamawh zual phah ta hle  a ni.
    Mizo te hi dan hriatna lamah kan pachhe tlang pui a, kan \han harh a \ul khawp mai. Tualcharah kan dik  zia sawiin, inhrosa kuk kuk mah ila, miin dan hmanga min khin letna a neih a, dan hmanga rorelna tak tak kan hmachhawn hunah thiam loh chang zawk kan nih si chuan dawl zawrin kan zawr leh mai dawn si a, chuvangin, kan chanvo dik tak kan chan a, rorelna dik kan hmuh theih nan dan hriatna lamah hian \an la ila, biakrawn tur te pawh berawnin ; a \ul angin lehkhabu a mite pawh kan mamawh nia kan rin te chu bih peih ila, ‘dan hriat lohna chu chhuanlam a tling lo’ tih  hi i hre thar leh teh ang u.

ZIAKTUTE HUANG :

Phekhma chhunzawmna......
    |henkhat ten ruihhlo hi do zawh rual a ni lo a, nuaibo theih a nilo tiin YMA hmalakna an sel \hin, mahse hetiang taka ruihhlo do hna hautak tak hi YMA hian kalpui ta lo se, Mizo mipuite hi kan chan a chau hle tawh ang (ruihhlo tamna veng hrehawm zia hrelo kan awm awmlo e). Ruihhlo tamna vengah hmasawnna a awm theilo a, nun pawh a ralmuang lo anih hi!
    Nupui pasal neih kawngah hian Ram leh Hnam kan humhalh thei reng mai alo ni a, keini \halaite bawk hi kan va pawimawh si em. Thil awlsam tak, mahni hnam pui nupui pasala kan neih mai khan kan Ram leh Hnam kan lo humhalh reng chu ni in. Thil harsa a lo ni lo tawp mai, hmeichhia kan ni emaw, mipa kan ni emaw, kan chan tur tawkah chuan kan hnampui mi rintlak tak hmu thei \heuh tur chu kan la nih hi maw. Hnam dang nena tehkhin phei chuan kan nula tlangvalte hi tlawmngaihna leh rinawmna lamah kan sang daih zawk lehnghal. |henkhatin social media lamah hnam dang felzia leh an rintlak zawkzia te sawiin an fak mawi chawp \hin a, mahse fak mawi chawp ngai reng reng thil \ha tluantling a awm ngai lo tih hriat a \ha.
    Ram leh Hnam humhalh tur chuan Zirlaite hian mawhphurhna sang tak an nei a. Tum nei ran leh ram inrelbawlna lam hna thawk tur a ram hmangaihna rilru pu chungin lehkha an zir a ngai. Tunlai chhanah zirna lamah line chi hrang hrang \ha tak tak a awm rualin, administration line lamah a hotu lam ni thei tura theihtawp takmeuha \an a ngai tawh a ni.
    Kan hnam leh kan ram humhalh kan duh a nih chuan kan intodelh ngei tur a ni. Kan eitur leh kan in tur kan thawhchhuah theih loh chuan hnam dang te'n kan eitur min pe dawn tihna a ni a, chumi awmzia chu eitur min pe tu lakah kan tluk luha, an thuhnuaia thui tak kan awm ngei a ngai dawn tihna a ni. Chutiang kara Ram leh Hnam humhalh hna thawh chu thil awmze nei thuilo tak a ni lo thei lo.  Intodelh ram ni thei tur chuan rilru leh taksa hmang a, ngaihtuahna nasa taka sen a ngai.  Kan rilru in hmasawnna lam a thlir a, thil dang zawng zawng aia kan dah pawimawh hmasak a ngai a ni.
    Thawhrimna leh taimakna hi Ram leh Hnam humhalh tur chuan hnualsuat theih a ni lo. Bible ah pawh mihringte chuan kan thawhrim rah hlim taka kan ei tur thu a inziak a, chutiang thu \ha inziak la chhiar miahlo chu kan vang pharh awm e. Chuti chung chuan taimakna hian kan ramah hian tlakhniam lam a pan tial tial emaw tih turin taima taka hna thawk peih chu tlemte chauh kan awm. Kut hnathawh lamah ngat phei chuan taima tura inzirtirna awm ve mah se; a kuthnathawh hlawhtlinna hmuh tur a tam loh avangin awmzia a nei tlem hle thung a ni.
    A chunga kan sawi zawh tak han thlir chuan \henkhatin  Mizo te hi hna thawk peihlo, hnam thatchhia a chhuah kan tum \alh \hin pawh hi a awm ve thei \ep. Mahse hei hi chu thu diklo hulhual a ni. Kan pi leh pute a\ang tawhin mi thatchhe deuh chu mi pangngai lo, vantlangin a ruka an nuihzat \hin an ni zel. Thatchhia leh hnathawk peihlo nih kha an duhloh avangin mi taima, tlawmngai leh retheite chhawmdawltu nih kha Mizo tlangvalte hian nih an tum ber a ni. Mizote hi hnam taima tak, khawtlang inrelbawlna pawh fel tak nei kan ni. Amaherawhchu rorelna felhlel avangin kan hnathawhin hlawkna a hmuh tur tam tak a hmu ta lo va, chumi avanga kut hnathawh hi hnualsuat ta deuh kan ni mai awm e.
-Remchang hmasa-ah chhunzawm a ni ang

PAGE - 3

HRIATTIRNA :

Local Council hriattirna
    Lirthei dahna tur nei lo, parking a harsatna nei,  Quarry-a lirthei dah duh te chuan Local Council-ah Office hunchhungin in Report tur a ni a. Tin, he hmuna lirthei dah tura in report; la dah lo zawng zawng te pawh dah turin kan inhriattir nawn leh e.
     Tin, a dahna man (Fee) hi thla thar ni 15 ral hma apiangin pek \hin tur a ni tih kan in hriattir nawn leh bawk e.

                           Sd/-  Lalhmingliana,
             Chairman. Local Council.    

Road Protection Committee
    Heng lirthei Regn. Number tarlan neitu te hi Aug. ni  6, 2018 (Thawh\anni) zan dar 7:30 ah YMA Hall-ah kalkhawm tur a ni:-
Damvea Sec : MZ 01 -H- 5779, MZ01-H-1753, MZ01 C -3688, MZ01 H- 5779, WB 06 - 7368, MZ 01 H-2460, MZ 01 G-9318, MZ 01 K- 3022.
 
 Saichhuma Sec: MZ 01 L- 4969, MZ 04- 3388, MZ 01 P-2633, MZ 01 D-7696, MZ 01 L-6475.
 
Buala Sec: MZ01  D -6592, MZ 01 G -0135
 
Kapdaia Sec: MZ 01 M -1347, MZ 01 P -9532, MZ 01 G. -7808.
    Crusher neitu \henkhat ten an kawng an siam avang a kawngpui dunga Boulder an dah hnawk chu Road Protection Committee chuan dah sawn tura hriattirin hun tiam chhung a an dah sawn avangin lawmawm a ti hle a.
     Tun hnuah kawngpui tihnawk/tichep zawng a thil engpawh dah tur chuan Road Protection Committee hriattira phalna lak hmasak tur a ni tih kan in hriattir e.

    Sd/- Secretary
    Road Protection Committee

Quarry Veng Welfare & Section YMA hriattirna
    Aug. ni 11, 2018 (Inrinni) hian Hlimen Quarry Veng Welfare leh Kapdaia Sec. YMA te chuan Sec. huamchhung kawngpui dung khuar leh bawl laite siam\hain hnatlang an ko a.
    Quarry veng huamchhung a chhungtin a\angin mi 1 tal thawkchhuak turin an an hriattir a, thawkchhuak remchang lote chu ` 200/- a inhlih theih a ni bawk ang. Chhungtin ten ngaipawimawh turin Welfare leh Sec. hruaitu ten an ngen tak meuh meuh a ni.

MHIP Lam zir hriattirna
    Aug. ni 6, 2018 (Thawh\anni) zan dar 7:00 khian Indoor Stadium hnuaiah lam zir leh tur a ni a.
    Member-te kim taka kal turin kan in hriattir e. tin, ei leh in tui hnai tak a awm ang.

Sd/- Secretary

LAWRKHAWM :

Pass thar
    Lalzamlova S/o Lalzamliana Damvea Sec. a mi chuan BFIT Group Institution, Dehradun a\angin B.Sc (Agri) chu \ha takin a zo ta a, kan lawmpui tak zet zet a ni.

Launching Awareness Campaign
    July ni 31, 2018 khan ATI Auditorium ah Programme for Launching Awareness Campaign on the Mizoram Right to Public Secvices Act, 2015 neih a ni a, kan khawtlang aiawhin Pi Lalhmingthangi Mem. LC leh Pu J. Vanlalbiakdika Secy. LC te an kal.
    The  Mizoram Right to Public Secvices Act, 2015 hi sawrkar in mipuite service a pek \henkhat - tui Connection, Driving License etc. ah te huntiam chhunga a tihfel sak ngei na atana dan siam a ni a. |angkai zawk a chhawr a nih theih nan he dan hi mipui lam pawhin kan zir chian theih a \ha hle.

Kumpuan Sub Committee
    Kumpuan Sub Committee chuan kan khawtlang a lo thianghlim a, a lo ralmuan theih nan theihtawpin hma a la a, hetih mek lai hian kan khawchhungah ruihhlo a hluar hle a, chuvangin, khawtlang mipuite kan \anrual a ngai ta hle mai. Ruihhlo tive lo chhungkua pawh a tuartu ah kan \ang thei tih hriaiin zu leh damdawi zuar kan hriat chu report hreh lovin i \angrual ang u. Hei erawh hria ila- Report kan pe a nih chuan thil chianglo leh rinthu satliah ni lovin thil chiang ngei ni thei se a lawmawm hle ang.
    Kumpuan Sub Committee hi Chhungkaw buaina ah te koh a ni fo va,  inrawlh a \ul anga inrawlhin Councelling te a pe fo a, tin,harsatna siam, rukru  man leh ruihhlo avanga man te chungah a \ul anga action lain SRS kut a hlan te, Police kutah hlan te, Home lama dah te baka an case a zira zilhhauna pek te a nei \hin a ni.

Advertisement....

Balu, Brick, Cement etc.
    Insakna bungrua chi hrang hrang - Brick, Black wire, Cement, Balu (Bagha) man tlawm takin kan nei ve ta. Chequered Tile pawh man tlawm takin kan chah sak theih bawk e.  Tin, mamawh tam dan a zirin Home delivery pawh kan ti thei nghal bawk. Min rawn pan ve teh.

    Contact : 9862374567
(5-3)    Manuni, Hlimen Venglai

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
   
(6-5)    VL-a, Ph.No : 9402344486, 9615266170

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.
Regd. No MSR542,                 Ph.No
                                     9436199884, 9862476439 

PAGE - 4

KEIMAHNI :

Hlimkhawpui Budget
    Hlimkhawpui  May & June 2018  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    4. Lalsavunga Sec.
5.    Vawmphunga Sec.
     Saichhuma Sec. ten kumin chhung Budget an tlak fel ta bawk.

Lalsavunga park duty tur te
Aug ni 5, 2018 (Pathianni)    -    Saichhuma Sec.
Aug ni 12, 2018 (Pathianni)    -    Lalsavunga Sec.
Augni 19, 2018 (Pathianni)    -    Kapdaia Sec.
Aug ni 26, 2018 (Pathianni)    -    Vawmphunga Sec.
Sept. ni 2, 2018 (Pathianni)    -    Damvea Sec.
    Heti hian Section ten Lalsavunga park a in hnatlan chhawk chu zo chiah ang.

Budget pe
    Vawmphunga Section te pawhin Branch YMA a an chhun tur Budget chu an tlak fel ve ta.

Thlanmual Sub Committee
    Thlanmual Sub- Committee te chuan July ni 28, 2018 khan Thlanmual-I&II ah thlanmual hming leh thlan siam dan tur hriattirna tarin hnatlang an nei a, heng thil tar te hi dim thiam a, khawih chingpen lo turin mitin te min ngen bawk.

CENTRAL YMA CHETVELNA |henkhat
30.7.2018 :    MLPC Study Group buatsaihin Asembly Annex Conference Hall-ah Workshop on MLPC Study Group Report neih a ni a, Pu Vanlalruata, President a tel.

30.7.2018 :    Central YMA OB ten Home Minister chu a Pisa-ah an hmu a, Krismas leh Kumthar vuakveta halpuah, halmawi leh silailem a mu kapchhuak thei khap chungchang leh October thla-a Puja pawh halpuah leh halmawi tel lova hman a nih theih dan tur an sawipui.
    Central YMA OB te hian Education Minister chu a Pisa-ah an hmu bawk a, CCE kalphunga harsatna awmte leh a that lohna laite bakah CCE chu mumal leh tha zawka kalpui a nih theih dan tur an sawipui.

31.7.2018 :    Central YMA leh Mizorama Mobile Service Provider (BSNL, Airtel, Vodaphone, Idea leh Jio) hotuten Central YMA Office-ah Joint Meeting an nei a, Changtlung zawk leh tha zawka mipui ten Mobile Phone kan hman theih dan tur sawiho a ni.

1.8.2018 :    Chief Minister Conference Hall-ah “State Level Core Committee on Ruihhlo Do” meeting neih a ni a, Central YMA OB te an tel.

2.8.2018 :    Paite Tribe Council hruaitute Central YMA office-ah an lo leng a, Central YMA OB ten an lo dawngsawng.

Sports News
Champion
    Pro Masters Badminton League, Visakapatnam a July ni 30-Aug 1, 2018 chhunga khelh zawh takah Himalayan Tigers chu an Champion a, he team zingah hian Pu Lalmuanawma chu player pawimawh ber te zinga mi niin an Team hi a Champion pui a ni.
    He inelna hi kum 35 chunglam tana buatsaih a ni a, Pu Muanawma hi Match tinah inlan vekin team mal bikah hian Best Player atan an thlang hial a ni.

Inbuatsaih mek zel
    Hlimen Volleyball Club Junior Team (Mipa) te chuan Aug. ni 6-10, 2018 chhunga khelh tur Aizawl District Volleyball Association Zone ‘A’ tournament a tel turin an inbuatsaih mek zel a, he Tournament hi Luangmual YMA hall-ah khelh \hin a ni ang. He Tournament hi Second Division tana buatsaih a ni a, kan veng team te hian Aug. ni 6, 2018 ah an First match an khel ang.

Inter Deptt. Sports ah che |ha
    Inter Deptt. Sports neih zawh takah Hlimen a\anga Deptt. hrang hrang a thawk te an che \ha hle a, category hrang hrangah dinhmun sang an chang nual. Hetiang hi an dinhmun a ni.
1.    Pu Lalramchhana (DV) Agri. - Carrom - Gold
2.    Nl. Lalhlunchhungi (VP) MRHG - Badminton - Womens Doubles - Bronze & 35+ Doubles - Silver
3.    Pu R.Lalbiakmawia(DV) Police - Badminton 35+ Doubles & 40+ Doubles Gold
4.    Pu Lalngaihawma (DV) P&E - Table Tennis (Team) Gold
5.    Tv. Zarzokima (BS) Health - Badminton
    Mens Bronze
6.    Lal\anpuia (VP) PWD - Carrom (Team) Bronze

Basketball Tip Off
    Aug ni 3, 2018 (Zirtawpni) zan dar 8:00 Pm khan CYMA hall -ah LBS 7th Inter Branch YMA Basketball Tournament Tip Off Programme neih a ni a, he hun pawimawh tak hi Chairman, Sport Sub Committee leh kan Branch YMA President ni bawk  Pu Lalhmuchhuaka’n a kaihruai a, Pu Vanlalruata President Central YMA chu khuallian niin Fixture tlangzarhna leh Tip Off neiin thu a sawi bawk.
    He Programme ah hian Pu Lalrinfela Vice Pre. MBBA in hunserh a hmang a, Pu Lalberchhandama, Sport Sub Committee, CYMA in report a pe a, tin, Tv. Lalhmachhuana Gen. Secy, Central YMA leh Pu Malsawmtluanga President MBBA te hnen a\angin thusawi ngaihthlak a ni bawk.Tin, CYMA zaipawl zai mawi tak ngaihthlak a ni bawk.
    He Tip Off Programme ah hian kan Branch a\angin Pu Zoramsiama, Tv. Lalruatdika, Tv. Zothanpuia leh Tv. lalhriatpuia te an kal a, tin, Pu Lalrinmawia kan Branch Vice President chu Sport Sub Committee member a nih angin a kal bawk.
    Kan Branch Basketball team te hian Aug. ni 7, 2018 (Thawhlehni) chhun dar 11:45 khian Hawla Indoor Stadium, Republic Vengthang(Pitarte Tlang) ah Republic Branch YMA team an tum ang.  Tun\um Inter Branch YMA Basketball Tournament ah hian Branch 66 an tel ang.